أختى الفاضلة .. احس انك رابكة نفسك وقاعدة تفكرين في مليون شغلة في نفس الوقت .. السقف .. الارضيات .. الاثاث .. الالوان .. ولهذا السبب انتي مو قادرة تركزين في شغلة معينة ...
نصيحتي اخذي الأمور بهداوة .. وحاولي تاخذين الموضوع جزئية جزئية .. فكري اول شغلة في طراز البيت .. هل راح يكون كلاسيك؟ هل راح يكون موديرن؟ او راح يكون نيو كلاسك ؟ طبعا هذا الكلام راح ينطبق على البيت ككل .. يعني ما راح اقدر اخلط في الستايل .. خصوصا في المساحات المفتوحة .. الا في أضيق الحدود .. لاني ملاحظ في نماذج الصور اللي انتي حاطتها ما شاء الله من كل بحر أغنية .. كلاسيك .. على مودرن .. على كلاسيك قديم .. بهالطريقة ماراح تظهر النتيجة حلو .. لازم في ستايل معين يغلب عليه طابع البيت .. وهذا الستايل راح يحدد كل شي في البيت .. من الابواب .. المصابيح .. السقوف والجبس .. النوافذ .. الستائر .. الأثاث .. الكنب .. اكسسوارات .. كلها لازم تجي متجانسة مع الستايل اللي انتي تقرري عليه ..
وبعدها قرري الألوان والتركيبات والتجانس .. في النت ملايين الصور لللألوان والأثاث .. حاولي تفهمين فايدة كل لون .. الألوان الهادئة مريحة للنفس .. تعطي احساس بالاتساع .. عكس الألوان الصارخة والداكنة .. في لعبة الوان لازم تبحثي وتقري في النت وتحاولي تفهمي الموضوع .. ونفس الكلام ينطبق على الاثاث .. وفي النهاية المكان هو بيتك .. محد يقدر يقول لك هذا صح او هذا خطا .. تبقى المساله ذوق شخصي واختيارات . .ولكن الواحد يجتهد ليصل لدرجة من الرضا ويخرج بشيئ مطابق ومتماشي لما هو متعارف عليه في المجال ..
الموضوع ماهو صعب او معقد .. بس محتاج وقت .. تروي .. وعدم استعجال .. استشارة اهل الخبرة .. واخوانك واخواتك في المنتدى ان شاء الله ماراح يقصروا معك ..
سوري لو طولت عليك .. ان شاء الله الباقيين يفيدونك بنصايحهم .. انا في النهاية شخص مبتدئ .. لعل كلامي فيه شيئ من الفائدة لك ..
تحياتي