[أحمد 2002]

هلا والله بالمواقف المضحكة صراحه مواقف فعلاً تضحك ..

شوفو أنا عندي مواقف كثيرة جداً وكلها مضحكة ولكن لازم تعرفون بعض المعلومات

أولاً أنا عندي مشكلة بالنظر فأنا ما أشوف بالعين اليمين أشوف باليسار بس
هذ غير أني عندي مشكلة في النظر المداري ما أشوف إلا الشي الأمامي . أوكي .

ثانياُ أنا أشتغل بشركة كبيرة جداً في السعودية .

طولتها صح

أول موقف كنت مرة ماشي في أحد أسياب الشركة إلا ورئيس الشركة ومجموعة من النواب ومعهم مجموعة مدراء عموم ماشيين صوبي إلا فيه واحد منهم يعرفني تقدمهم وجاني وسلم علي فطبيعي الباقيين يوقفون ويسلمون
وطبعاً لأني ما أشوف زين

عطيتهم كلهم أشكل ولا سلمت ولا على واحد منهم

واحد من الشباب شاف المنظر يقول شي مستحيل كلهم مادين يديهم يسلمون عليك إلا وأنت تخليهم وتمشي وانت مبتسم


ههههههههههههه

موقف ثاني . برضه كل شي من الشوف (النظر)

جبت العيد هههههههه

مرة كنت رايح لسوق الكمبيوتر إلا شفت أحد المحلات وأعجبتني البضاعة اللي فيه اتجهت بسرعة للمحل وكان مسكر الباب والباب من الزجاج ونظييييييف مرة إلا وأصبخ بوجهي على ذاك الباب خلتني أرجع مترين ورا ولا كل العالم تضحك

طبعاً إلا راعي المحل (خاف على الباب لا ينكسر)

بصراحة أنا مواقفي كثيرة مرة كان جدي يسميني بالدفاش من وأنا صغير ما أتفاهم أشوت الترامس والبيالات وحوسة


مشكورين جداً على هذا الموضوع الممتاز وجزاكم الله خير ..