[رنيــــم]

[ALIGN=JUSTIFY]أخي لونغ فيس

بعد السلام

ألف شكر على المسابقة الجميلة والمفيدة ..

أنا حبيت بس أشارك بطريقتي المتواضعة .. هي بتجيب أثر معايا و مش عارفة ان كانت هتنفع مع لاباقي و لا لأ ..

أنا عامة ..

الأول لازم أقول دعاء المذاكرة و أستعين بالله على الهم .. :p

و بعدين باخد فكرة عن الموضوع لو أول مرة أسمعه أو أقراه ( يعني لو ما كنتش حضرت المحاضرة ) .. لازم أفهم كل حاجة موجودة ..

بعد كدة .. ألخص في الكتاب عن طريق التسطير تحت الكلام المهم ..

بعد كدة بنقل الحاجة دي على نظيف في كشكول المذاكرة الخاص بالمادة ..

بعد كدة .. بحفظ الكلام ده لو لسة ما حفظتوش .. و بعدين بجيب كشكول عام كدة ( مش مرتب و لا حاجة ) و بسمع اللي ذاكرته كتابة .. ما ينفعش المذاكرة بالعين بس .. لازم اتأكد اني حفظتها ..

بعد كدة .. لو في امتحانات .. أشوف الأسئلة اللي على الحتة دي و أحلها ..

و لو ما عرفتش أحلها لوحدي .. أعيد المذاكرة تاني ..

و بعد كل كام درس .. براجع على اللي فات .. بالتسميع كتابة ..

دي طريقة بتنفع معايا .. و لو انكم هتستغربوا لو عرفتم اني بذاكر على الدوشة و ما اعرفش أركز في الهدووووووووء

و في الأول و في الآخر التوفيق بإيد ربنا سبحانه و تعالى .. و ان الله لا يضيع أجر من أحسن عملا ..

أتمنى تكون الطريقة حلوة و تنفع مع كل الطلبة ..

أتمنى لكم كلكم التوفيق من كل قلبي ..

أختكم
Storm[/ALIGN]