ما شاء الله تبارك الرحمن.. الله يوفقك يا أختي الدوسرية ويجعله منزل عامر..
سبحان الله على توارد الأفكار.. نفس التصميم اللي استخدمتيه في مجلس النساء استخدمته أنا في مجلس النساء عندي مع نفس الوردة اللي في المنتصف (!).. ونفس التصميم الجداري لغرفة النوم الرئيسية كنت اخترته مع المدام عشان نعمله في غرفة النوم حقتنا.. لكني تراجعت في آخر لحظة لما حسيت أن العمال ما راح يضبطون الشغلة، واستبدلته بديكور جبسي بتجاويف بسيطة، مع أن سقف الغرفة تم تنفيذه بنفس الشكل اللي بالصورة..
والله خايف أقول لك أسم المؤسسة والمعلم المغربي يطلع هو نفسه اللي قاعد يشتغل عندكم !! 
عموما.. عندي ملاحظة صغيرة ماتقلل من جمال التنفيذ لكن يمكن تزيده جمال أكثر.. بالنسبة للقبة الثمانية الشكل عندكم.. طبعا إنتي اخترتي أعمدة متقاطعة في المنتصف مثل اللي بالصورة، لكن تنفيذ الأعمدة ماكان على المستوى المطلوب لأن عرض الأعمدة المستخدمة كان صغير. أقترح أنك تطلبين من العمال إعادة التنفيذ باستخدام أعمدة عريضة، على الأقل ضعف العرض اللي استخدموه حاليا. وكل ماكانت الأعمدة أعرض كان الشكل أجمل (من وجهة نظري) لأنه راح يعطي القبة فخامة أكثر.. والله يوفقك ويرزقك كل خير..
خالد