الله يسامح المقاول يشتغل على كيف كيفه لاكن هذي عقوبه الي يختار شركه صغيره للمقاولات حتى ان الاستشاري خبرني ان الشركات الصغير راح تاخرك كثير لاكن شو نسوي هو ارخص سعر حصلت وعلى قد الميزانيه الي عندي المهم خليها على الله هو الي راح يبني البيت لي ويعيني المهم في الفتره السابقه المقاول وقت عن العمل بسبب رمضان ( الجو حار وما بقدر يشتغل ) وبعد رمضان الحمد الله بدا يعمل لاكن للاسف طلع كيبل للكهرب في الارض فوقف الشغل لان اذا صار شي للكيبل البلديه تغرمه مبلغ كبير فوقف لمده شهر تقريبا ما يعرف كيف يتصرف بعد كذا مر عليه الاستشاري وعطاه كلمه كلمتين حلوين وقاله الكيبل ارفعه لفوق شوي واشتغل في الاماكن العيده عن الكيبل وبعدين نزل الكيب واشتغل الامر بسيط اما انك توفق الشغل كله فلا والحمد الله رد يشتغل مره ثانيه وان شاء الله ما يوفق ويأخرنا
المهم
بفظل الله وصلنا الا مرحة الاساسات والله يتممها على خير
هذي اسمها غريب يسمونها الخنزيره ههههه علشان يخذون مقاسات الاعمده
هنا طلب الاستشاري وظع الحجاره بعد فحص التربه
هذي المرحله وظع الخشب للخرسانه او الصبيه ( قاعده الصبيه )
والله يتمم الباقي على خير