في البدايه كنت اسمع عن المكاتب الهندسية وانها بحكم التربح مايلكفون انفسهم باي مجهود لارضاء العميل وتحقيق رغباته وكل المطلوب منك تكتب وش اللي تبغاه وهم يرسمون لك مخطط ابتدائي وتحكم عليه
المهم انا رحت لكذا مكتب واذا سالتهم الكل بلسان واحد كم المساحة اللي عندك وايش اللي تبغاه
طبعا انا اقول المساحة واني ابي درج داخلي ودور مسروق وشقة بالسطح وبعدها يعرض عليك ملف فيه المخططات المشابهة وعليك تنقي عاد
وبصراحة هالفكرة ما اعجبتني اضطريت اروح لاحد المكاتب اللي عليها الكلام والسمعه بحكم ان اخوي سبق وتعامل معهم وانهم ح يساعدوني بالتصميم وفعلا كلمهم اخوي وقالو احنا مسنعدين نسويه بمبلغ بحدود 30 الف
بيني وبينكم انا انصدمت من السعر وخصوصا ان المكاتب العاديه تعطيك التصميم مع رخصة البلديه والتعقيب عليها بحدود 4000
فطلبت من اخوي يعطيهم طلباتي ويعرضو علي تصور بسيط يساعدني بالتوقيع معهم لاني مقتنع بانه ماراح يكون ازود من اللي شفته بالمكاتب العادية لكن ممكن يكون افضل تصميما واستغلال للمساحات بشكل افضل
واتذكر احد المكاتب عرض علي
تصميم وطلعت معاي غرفة صغيرة مالها اي داعي بالصاله ونصحني احد الزملاء بان اضعها سجنا للاولاد(يمزح طبعا)
الشاهد اني ماطلعت بنتيجة
لعلي ارجع واكمل مابديت فيه
تحياتي