[*وسن*]

المشاركة الأصلية كتبت بواسطة علياء0

منزل مبارك انشاء الله

بس
ما شاء الله ما شاء الله
هذي قصر مو فيلا
سؤال فضولي
كم واحد بيعيشون فيه؟

والله يا أختي يا عليا تراه يبين لك كبير ..
بس بالحقيقة أنا واقعية وعملية جدا بالمساحات
وعارفة حكاية لما يكون البيت كبير اشياء كثير تترتب عليها .. أهم من إنه موحش
فـ ( التنظيف ) يصبح أصعب , والصيانة تصبح أكثر كلفة
والدليل على ذلك أن :
-أبعاد الغرف مو بالامكان أن تكون أقل من كذا !
فـ الماستر بيدروم وهي الماستربيدروم مقاسها 5×5 م ! .. موب بس معقولة .. إلا تميل للصغر
وليه الواحد يكبر على غير سنع
كافي أن تكون المحلات مريحة للحركة
ولا داعي للمساحات المهدرة
-وما عندي مجلس حريم ! ..
ما عندي إلا مجلس رجال فقط أبعاده 10,5 × 7,5 م
حتى مجلس حريم ما عندي لأن الواحد مارح يعزم رجال و حريم سوا
الفيللا بالكاد تكفي للاساسيات , لدرجة بعض الاشياء اضطريت أن أضعها بالسطح مثل غرفة ملابسي , ودورة المياه الخاصة بي

وتصدقين أختي رغم إني بيتي الحالي صغير جدا جدا جدا على سكانه
إلا إن هذا الواقع ماخلا فيني جوع كبر
كما حدث مع قريبتي اللي كان بيتها صغير فشرطت على زوجها ما تطلع ببيت جديد إلا بمساحة لاتقل عن 5000 متر .. وحقق لها ما أرادت -بعد شق الأنفس- ..
يوم سكنت .. لا قدرت تفرشه زي الناس , ولا سيطرت على نظافته زي الناس بعد
والحين تتمنى تطلع منه اليوم قبل بكرى وعرضوه للبيع وللأسف متورطين فيه

بيتي ليس كبير أختي ولكن تصميمه -لاسيما حكاية الدبل هايت في موضعين من البيت
(وهي الطابقين المفتوحين على بعض في وسط البيت ومدخله)- جعله يوحي بالقصور ..
كانت حيل لاعطاء البيت مظهر القصر و الحمدلله نجحت

المشاركة الأصلية كتبت بواسطة علياء0

سؤالي لاني ابني بيت واحسه عود وبيصير موحش بعد زواج العيال
بس يوم شفت بيتك؟؟؟؟؟ سكت

الله يبيارك لك به والله لا يخليه انشاء الله من العيال والاهل والاصدقاء

آمين أختي وياك .. الله يجزاك خير
ولا تخافين بحول الله ما رح يصير موحش
البنات إذا تزوجوا بيحتاجون غرفهم :
-إذا جوك بالنفاس
-أو إذا بغوا يسافرون مع أزواجهم خفافي أكيد بيخلون عيالهم عند أمهم

والحين تراك شوقتيني أشوف بيتك
حطي لنا صور .. خل نشوف ونقول لك كبير وإلا لا (:

المشاركة الأصلية كتبت بواسطة تبتب تا

اختي وسن كنت اتمناا ساعدك بس والله ماعندي خبره واول مره ادخل هل تجربه عشان كذا احس اني ضايعه معليه اختي كنت ابغ اسئلك اختي مين سوالك غرفة البخار السباك وجهاز البخار من وين اشتريت الاقيه عند محلات الا دوات الصحيه وجزاك الله خير

حنا شارينه من زمان
بس ابشري إن شاء الله
بحاول اسأل زوجي يمكن يتذكر من وين

المشاركة الأصلية كتبت بواسطة تبتب تا

بنسبه للصور الدرج انا مع راي المهندس حسيته مريح والمرايا انا شفتها عند محلات الراجحي لدربزينات لمرايا اذا ماكنت غلطانه ان شاء الله بتاكد لك وبتوفيق

قصدك ما أخلى تحته شي ؟
حرام طيب الدرج موجود بغرفة الملابس
وكان حلزوني بس لما شفت الاسقاط عميق خليته درج عادي
إذا ما حطيت تحته حسافة المساحة المهدرة تحته بدون استفادة
صح ؟
وبالنسبة للمرايا ..
وين فيه محلات الراجحي أختي ؟
جزاك الله خير