هلا و الله ..
ما ادري زوجي ما يحب الغرف الكبيرة .. ورافض تماما مبدأ ان غرفة النوم تكون واسعة زيادة( يقول نفسيا ما ارتاح ) علشان كذا اضطريت اني اخلي الغرفة بهذا المقاس .. وانا نفسي اكبر لأنها مملكتي الخاصة و يها امارس حريتي لكنه رفض الفكرة قلبا و قالبا..
أعجبني تغييرك لمكان الأوفيس في الصالة العلوي ( تم التنفيذ) ..
بالنسبة لتغيير مكان الدرج .. اعتقد صعب شوي ( قولي ليييييش؟؟؟)
انا اقولك.. لأن تغيير مكانه هنا راح يؤثر على اشياء كثيرة مثلا..
في الدور الأرضي .. راح يخلي مخزن المطبخ بعيد شوي عن المطبخ و يكون الباب الخارجي مباشر على المخزن .. و اعتقد هذا غير عملي تماما .. صح ؟؟
بالنسبة لجدار غرفة النوم الرئيسية .. توني مناقشة الموضوع مع زوجي و فعلا لاحظنا عدم استواء جدار الغرفة الرئيسية مع جدار غرفة الملابس!!!
بكرة طيران على المهندس نفهم السالفة..!!!
بالنسبة للأعمدة اللي بالصالة ..حاولنا مع المهندس نلغيها و نعوض عنها بجسر في السقف .. لكنه قال لنا مستحيل هندسيا.. لأن مساحة الصالة كبيرة جدا و تحتاج لمساندة هذين العمودين .. اللي اعتقد مالهم امتداد للدور الأول.. وش رايك؟؟؟
مرة اخرى اسعدتيني جدا باقتراحاتك و تنبيهاتك.. و بارك الله فيك ..
اذكرك بأن بالي اوسع بكثير من هضبة نجد يالغالية..
__________________
تم تحديث نظام التواقيع-يمكنك تعديل توقيعك من الملف الشخصي
|