[*وسن*]

المشاركة الأصلية كتبت بواسطة دعوة فرح

السلام عليكم كيفكم انشا الله بخير اختي ام وسن وش اخبار بيتك وين وصلتي انقطعنا فتره عنك حبيت اسالك عن دهان الستوكو وش ميزته وليه اخترتيه ابيض لصاله المفتوحه الي فيها قبه داخليه فيه سبب عملي يعني لان صالتي زيك بقبه داخليه
صح غالي بس حبيته لأنه يوحي بالنظافة والشراحة
وبعدين مار علي كثير أماكن طرازها نيو كلاسيك نفس الطريقة
بس ترى عادي لو بتحطين أي شي ثاني ..
أهم شي مايأثر على الميزانية لأنو إذا تأثرت بتوقفون زيي


خاصه اني سمعت انه غالي الستوكو اقصد بس ادا فيه فايده وفرق نتحمل الله يعينا على الغلا تراك الله يجزاك خير خليتيني اغير رايي بنسبه لزجاج القبه كنت ابيه شفاف وزوجي يبي ملون او معتق بس خلاص بسوي زيك مضبب بس بسالك وين سويتي قبة بيتكم لاتقولين الدويك غالي نار والله يسعدك ويسهل امورك يارب

والله مدري وين بالضبط بس هي ورش بالشفا
وخلك عالشفاف المضبب أروق يدخل لبيتك الاضاءة الطبيعية الشرحة

المشاركة الأصلية كتبت بواسطة برواز جبس

وسن ماشاء الله لا قوة الا بالله

فيلا في منتها الروووعه والجمال والذوووق

اختي حبيت اسئلك كم مساحة الارض مش البنا لا الارض فقط

2500 اللهم يمهلنا ويجعلنا نعمرها بالطاعة وياكم والمسلمين اللهم صل على محمد

المشاركة الأصلية كتبت بواسطة ام ملاك العلا

[align=center]
وينك يا وسن نبي آخر اخبار بيتك وين وصلتوا ياليت تحطين لنا صور عنه..
الله يجعله عامر بطاعة الرحمن
[/align]

إن شاء الله بحط صور بس التحرك بطييييييئ .. الله كريم

المشاركة الأصلية كتبت بواسطة بيوتي

ماشاء الله تبارك الله


فيلا روعة

الله يهنيكم ويسعدكم

عندي سؤال اذا ممكن

اختي وسن هل أنت دارسة هندسة او تصميمي داخلي ؟

,,

لا والله ما درست بس استشير ناس يعجبني ذوقهم
وأتفرج على كاتلوجات كثييييير
لمصممين عالميين مثل البيتو بينتو alberto pinto
وفلوريدا ديزاين
ولما يعجبني بيت معين أركز وأشوف وش عجبني وهل اللي عجبني يناسب قدراتنا
لأن بعض الأفكار حلوة بالديكور بس مثلا تناسب أسقف عالية زي القصور وكذا ..
يعني أراعي باختياراتي الظروف سواءا ظروف مادية أو هنسية أو إني ما أقدر أوفر كامل الكادر للفكرة هذي

المشاركة الأصلية كتبت بواسطة العين ال***ية

اين انت اخت وسن لعل المانع خير

بانتظار بيتك بعدما اكتمل

والله يمهلنا واياكم امهال الصالحين

آآآميييييين وياك والمسلمين ياحي ياقيوم

المشاركة الأصلية كتبت بواسطة ام محمد111111

مووووووووووووفقه

ويااااك يا أختي العزيزة

المشاركة الأصلية كتبت بواسطة راجي المغفرة

السلام عليكم ورحمة الله وبركاته

بالتوفيق

ويييياك إن شاء الله

المشاركة الأصلية كتبت بواسطة ام قزوم

لعل المانع خير أن شاء الله
بشرينا عنك وين وصلتي أن شاء الله سكنتي
والله قلبي معك الله ييسرلك كل عسير ويجعلك مع كل ضيق فرج .

الله يفرج لنا ولك وللمسلمين

المشاركة الأصلية كتبت بواسطة واثقه

ماشاء الله تبارك الله
الله يجعله بيت السعاده

آآآمين يا كريم وياك والمسلمين

المشاركة الأصلية كتبت بواسطة um ahmad

وسن ... ياوسن ... وييينك اختفيتي !!!!

طمنييينا عنك

الله يطمن قلبك يا أم أحمد

أبشرك بدت العجلة ترجع تدور .. بس يبي لها دف شوي

عموما .. كل شي له أجل مكتوب ..

الله يلحقنا خير والمسلمين


جزاكم الله الجنة ووالديكم خواني وخواتي اللي سألوا عنيييي أو فكروا ولا سألوا

وحتى اللي ما فكروا ولا جابوا خبر خخخخ

أبشركم ركبنا الباركيه وحق العيال ووحدة من البنات مرضي

بس حق جناحي وبنتي يعني موب مرة

جبناه من باقر ..

ويوم رحت الغملاس لقيت أرخص بنص القيمة وكمان اللون المناسب

بعدين بصور لكم و بقص لكم سالفة اللون اللي ما عجبني

أنا الحين أحوس بالمطابخ

ومحتااااااااااااااااااااارة بين الشكل اللي ببالي والتوفيييير

إذا عندكم شور عطوني اياه الله يجزاكم خير

حاليا أفكر بالمطابخ الإيطالية اللي تبع الملحم / المدى مخرج 9 شارع الإمام

أو

محلات KH الأمريكية بطريق الملك عبد العزيز

أو


مدري