موضوع مفيد وشكرا عليه
براى اولا اختيار الارض المناسبه من حيث المساحه والواجهه فحرام انك تاخذ ارض ما تسوى وتسوى عليها فله تكلفه مبلغ وقدره .
ثانيا / المخطط ثم المخطط لانه الاساس انصح بعدم الاستعجال فى اعتماده خذ كل الوقت اللى تحتاجه بحيث لا تسويه اكثر من حاجتك ولا اقل مما تحتاجه وتحسب ايضا فلوسك حتى لا تتورط ولا تقدر تكلمه و عندها تضطر تتسلف او تتاخر فى انهائه.
ثالثا / اتقافيه المقاول لازم تكون شامله لانه ممكن ياخذك بالكلام ويعشمك ببعض الامور حتى لا تضعها فى العقد وبعد التوقيع يورطك وينكر اى اتفاق غير موثق خصوصا لو حصل بينكم خلاف.
رابعا / الشرط الجزائي مهم ولكن انتبه (اذا كانت المواد على المقاول فالزمه بشرط جزائي لى تاخر) ولكن لو كانت المواد عليك فستعذر بانك من تسبب فى تامين المواد .
خامسا / افضل ان يكون اتفاقك مع المقال على مراح مثلا العظم فقط اعجبك شغله والتزامه واصل معاه او شطب انت على مهلك.
سادسا / مرحله بناء العظم متعه لانك تقدر تشمى امورك بالتلفون المسبق كان تتفق مع الخرسانه والبلوك والاسمنت والحديد يؤمنون لك احتياجك بمجرد الاتصال ولكن تحتاج دفعات ماليه كبيره اما التشطيب فمتعب لانك لازم تقف على المواد بنفسك وتزور المحلات وتشوف البضاعه المناسبه بالاضافه للتكلفه الكبيره ولكنك تقدر تشطب بالراتب مثلا ممكن الشهر هذا تشترى تجهيزات المطبخ والشهر اللى بعده تبلط السطح وهكذا.
ونستفيد منكم ان شاء الله