منتديات شبكة المهندس - تصميم بيت العمر بعد سنين طويلة لاراء مهندسينا الغالين :)

السلام عليكم ورحمة الله وبركاتــه ،،

حبيت أعرض تصميم بيتي في هالمنتدى المتميز والي بصراحة شفت مواضيع فيه أفادتني كثير وقلت خلني استغل هالفرصة الحلوة واطلب أراء المهندسين الطيبين وان شاء الله ماراح يبخلون علي .. :s20::

بصراحة انا ماكنت أحلم يكون لي بيت مستقل بس الحمدلله الله أكرمني واشترينا قطعة ارض 100*100 متر ،، وفي البداية كنت افكر من الناحية العملية فقط في وضع التصميم من غير ما اتطرق للنواحي الجمالية على أساس انه اوفر .. بس يوم شفت تصاميم الفلل الجميلة بصراحة تمنيت اضيف للتصميم اضافات ولو كانت بسيطة .. مابي اطول عليكم،، بحط تصميمي وياريت تعطوني اراءكم وخصوصا في هالنقاط الي لاحظتها :-
1- لاحظت ان كل جدران غرف النوم ما راح اقدر استغلها يعني مثلا .. جدار فيه نافذة وماراح اقدر احط السرير فيه وجدار فيه باب غرفة الملابس وجدار مكشوف على الباب مباشرة يعني مافيه خصوصية !!
2- الدرج شكله مستقيم موب قوس وزوجي قالي عشان يوفر مساحة .. فممكن تقترحون علي درج يكون عملي وبنفس الوقت يعطي منظر حلو ..
3- ممكن اركب لفت (اصنصير ) في المستقبل فشو انسب مكان له وهل لازم احطه في التصميم من الحين ؟
4- شو رايكم في مساحات الغرف والصالات هل هي مناسبة والا مبالغ فيها ؟؟
5-غرفة نوم الماستر سويت مساحتها 6*7 م بس ماعرف كيف راح تطلع وكيف بحط الاثاث ممكن اقتراحاتكم ...( لو حبيبك عسل ...) ::sm38::sm38
6- افكر اسوي حديقة صغيرة في جانب البيت وراح تكون عرضها تقريبا 6 متر فشو رايكم ؟؟
7- الممر الي يوصل للمجلس من المطبخ طوله ثلاث متر وماعرف هل اخليه نفس ماهو او اغلقه علشان الروائح !! بس في هالحالة راح يكون توصيل الطعام وغيره للمجلس صعب
8- الدرج راح يكون مكشوف على مجلس الحريم في حال خليت مجلس الحريم مفتوح على الصاله علشان الاضاءة الطبيعية (من الشمس) .. ممكن تقترحون على كيف اسوي خصوصية للي يبا يستخدم الدرج
9- الاضاءة في صالة الطابق الارضي راح تكون من خلال الباب الرئيسي بس ماعرف هل هي كافية ؟؟!
10- افكر اسوي قبة في الدور العلوي .. شو رايكم وشو سلبيات القبة

وسمحولي على الاطالة بس فعلا ماعرفت اسال من هالاسئلة .. ورجااااااااء خبروني رايكم وبكل صراحة لاني فعلا ماعرف كيف بيطلع التصميم في الواقع ! والله يعطيكم العافية ويجعله في ميزان حسناتكم ويقويكم على عمل الخير دايما ...

أختكم في الله :)

[IMG]http://www.almuhands.org/upload_muha...01b17814f5.jpg[/IMG]

[IMG]http://www.almuhands.org/upload_muha...096a349147.jpg[/IMG]

[IMG]http://www.almuhands.org/upload_muha...189d37c4f3.jpg[/IMG]

[IMG]http://www.almuhands.org/upload_muha...3fd336700f.jpg[/IMG]