منتديات شبكة المهندس - انواع البوتجاز

مراحب اختي..
حماتي جربت السيراميك ومرررة تمدحه بس لازم ماتخلينه تحت اشراف الخدم لأنهم مايرحمون مقتنياتنا الثمينه^_^..لكن للأسف جاه أمر الله وحطت عليه مبيد حشري بدون قصد وشوفي الانهيارات بسبب حرارته..
ومن أخطاره اهم شي مايجي عليه سكر لأنه مع الحرارة يكسر السيراميك بسهوله وقيمه تغييره بقيمة بتوقاز جديد..وانتي عارفه سعره كيف غاااالي.
مميزاته سهووووولة التنظيف فرررق عن الفرن العادي..
والبعض يمكن على حسب الماركة يقولون بطيء في زيادة الحرارة..
و بعد يمكن تشكل فاتورة الكهرباء عائق للبعض..وهذا موضوع ثاني لو انقطعت الكهرباء فجأة!! على الأقل الغاز بدلي الاسطوانه وارتاحي..
عن نفسي فضلت الغاز لأننا أمة تعودنا عليه ومايبرد قلبنا الا لما نشوف وهجه..
لكن اخذت غاز بسطح سيراميك<<حلِّيها ههههه
الحل سهل ماركة اريستون مسويين السطح سيراميك بدون عيون كهرب وحطوا عيون غاز بارزه طبعا بحديدها..
بس لو تشوفيني كأني مهدده بعقاب أخاف ينكسر من اي شي واروح عقبها في ستين داهيه..<<شوفي الحرمه لما يعجبها شي وتبغاه خليها تتحمل عواقبه خخخخ
يعني مافيه اريح نفسيا من سطح الغاز الستيل..<<تلاحظين الحرمه طولتها وهي قصيرة!!
ربي يكتب لك الخير و بالتوفيق..