|
ابي رآيكم ..
السلام عليكم
بغيت تفدوني برايكم واقتراحاتكم قاعدين نرمم البيت وفيه جزء من البيت وهو خارجي ومدخل للفلا وزي ماتشوفون هذا المدخل البيت الباب الكبير الي قدام الدرج يدخل على ممر داخل الفلا ويكون بالممر على اليمين باب لمجلس الحريم وباب على اليسار للمقلط وبالصوره المكيف شباك والدريشه الخارجيه حقت المقلط والباب الصغير لغرفه مجلس الرجال مدري هل اني اكسر جدار المقلط الي فيه الدريشه والمكيف واقدمه لحد السور الدرج واخلي مخل الرجال (الباب الصغير) بجنب السور وابني درج؟؟ او اخليه واتفنن بالديكرات وبعض المسات مع تغيير الأبواب طبعا واشيل المكيف واحط سبلت بس السبلت ماابيه يبين في واجهة البيت !!ايش الحل؟؟ همتكم معي وياليت الردود مدعومه بالصور علما ان البيت هذا صبغته يعني ماراح اغير الصبغه http://www.almuhands.org/forum/store...795885_251.jpg http://www.almuhands.org/forum/store...795889_542.jpg |
معقوله ولا رد
يعني قد كذا امري صعب |
سلام
بصراحه مابغيت ادخل دون تعليق لاني حاسه فيك بس انا مافهمت يعني انت ودك توسع المجلس وتخليله باب مستقل وبعدين (المدخل الكبير هذا للرجال ولا للحريم؟
|
ارجو التوضيح لماذا ترغبي بتكسير جدار المقلط هل لتوسيعة ام لماذا ؟؟؟؟؟
|
انا اقول لا تكسر ,, سويلك ديكورات زجاجية ,,,,واتفنن بيطلع حلو,,
|
اخوي الممر اللى يودي على باب الرجال افضل تكبره يكون على حد الدرج الخارجي وتستفيد منه جلسه خارجيه بيكون حلو مره
|
اشكر الجميع على تفاعلهم....شكلي ماعرفت اشرحلكم
ياأخواني .. الباب الكبير هو مدخل للفلا بعده يجي ممر ..والممر يدخل على اليمين غرفه للحريم وعلى اليسار غرفه المقلط....وغرفه المقلط 4*5 وشباكها ومكيفها على الجدار الي بجنب الباب الكبير الي يدخل على الفلا الباب الصغير يدخلك على المجلس للرجال على طول.. المطلوب.. ابي اركب مكيف سبلت في المقلط بدل المكيف الشباك....بس ماودي واجه البيت تخرب في وضع المكينه لأني تونا خالصين من الصبغ وبعض الديكورات للواجها !!!اذا فيه حل عطوني اياه ..علما ان غرفه المقلط واقعه بوصط غرف ثانيه يعني مافي مجال الى في هالمكان؟؟ وطريقه الممر قديمه لأن البيت اصله قديم وقاعدين نرمم فيه ..فهل اني اقدم جدار المقلط الي فيه الشباك والمكيف لحد سور البلكونه ..طيب اذا قدمته وين بيكون موقع الباب الصغير حق المجلس الرجال ..وانا ماودي اخسر مساحه الحوش طيب اذا ماكبرت وخليت الوضع كما هو ايش الحل بالمكيف ..وايش تقترحون علي ديكورات او اعمال فنيه للمقدمه .................................................. .................................................. .................................................. .................................... اسفه على الأطاله |
[align=center]طولي بالك .. واستعيني بالله
جاري اعداد مخطط لواجة بيتك للجزء الذي تتكلمين عنه ومعه اقتراح واحد من وجهة نظري تابعينا ....... وفالك طيب[/align] |
ان شاء الله
عندكم اسبوع كامل والخير بعد الله لكم |
اختي بكل تواضع انا معلوماتي في هذه الامور متواضعه ولاكن يظهر اذا مديتي جدار المقلط لحد سور البلكونه راح يكون المقلط من الداخل ماهو متساوي واذا كان على المكيف اعرف ناس عندهم موزع بين الغرف ومركبين فيه اسبليت موفقه بإذن الله ...
|
| الساعة الآن 04:03 PM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com