ياليت تساعدوني بتقدير تكلفة بناء هذه الغرفه
 

مرااااحب للجميع

لاهل الخبرة ياليت تساعدوني بحساب تكلفة بناء غرفة بهذة المساحه
الغرفة ستكون مخصصة للسائق
المساحة الي عندي 5*2 وراح يكون بداخلها حمام 1،5*2
الغرفة جدرانها الطولية الي بطول 5 قائمة من على الجهتين لان موقع الغرفة بيكون في ارتداد جانبي للبيت
والي راح نبنية صب الغرفة كلها بحمامها وبناء الحمام والجدران المتقابلة القصيره اي بطول 2 متر
بالإضافة لعمل كورنيش خارجي لملحق بطول 11 متر ( جاهز ) بعرض 30 سم
جبت مقاول وقالي مجمل التكلفة 32 الف ع المفتاح وكل شي هو الي بيجيبه
بصراحة تكاثرت المبلغ
الغرفة راح يكون تشطيبها بسيط جداً

في مبالغة بالسعر والا لا ؟

اذا عندكم احد يسويها لي بارخص ياليت تعطوني ارقام
وتشكراتي مقدماً

مع ان ما عندي علم بهالاشياء
لكن اقولك السعر هذا مبالغ فيه جدا

واذا انتي اللي كلمتيه فبعذره
لان الرجال وخاصة اصحاب المهن يعتبرون المرأة صيدة بارده ولذلك يبالغون في السعر كثيرا
على العكس لو اللي كلمهم من البداية رجل , تلقينهم يتواضعون في مطالبهم

وهذا مجرب
واسألوا اكثر من مقاول وشوفوا الفرق بينهم
وممكن اللي زاد السعر كثير هو الكرنيش على الملحق

هذا احساسي والله
وامي هي الي كلمت المقاول وشافوها حرمه كبيرة واكيد بيلعبون
عشان كذا قلت اسئل

ياليت احد يعطيني رقم مقاول يخاف الله

خارج نطاق التغطيه بس اشوا تساعد

والله اسعارهم ترفع الضغط

واحد يقول ثلاثين وواحد يقول عشرة !!!!!!

لعب !!! خاصة ان من يتعامل معهم نساء !!!!! هذا وانا ناوية ابني بيت !:225:

والله يا أختي السعر مبالغ فيه طبعا... على اعتبار أن متوسط سعر المتر مع المواد ما يزيد عن 1500 ريال على أكثر تقدير، وبالتالي المفروض يكون السعر حوالي 15،000 إلى 20،000 ريال.


لكن.....


لازم تحطين في بالك أن المقاولين مشغولين كثير هذي الأيام، وبالذات المقاولين اللي سمعتهم معروفة وبالتالي فهم ما يرغبون بالأعمال الصغيرة مثل هذا الملحق لأن الفائدة بالنسبة لهم راح تكون محدودة وهم يطمعون بالأعمال الكبيرة (فلل، عمائر، مجمعات... إلخ) لأن هامش الربح أكبر.


أنصحك بالتالي:

- ألغي الكورنيش إذا ما كان له داعي لأن هذا الكورنيش له سعر إضافي
- بالنسبة للمواد الصحية والسير اميك، إسألي المقاول عن تكلفتها وبعدين أطلبي منه أن يخصمها من السعر وانتي اشتريها من السوق لأنك أكيد راح تحصلين أشياء مناسبة وبسعر أفضل
- خلي واحد من أقاربك الرجال يتكلم معاه عن السعر النهائي ويحاول ينزله لأقل سعر



ملاحظة مهمة: لازم تتأكدين من مواصفات المواد اللي بيجيبها لكم وتتفقين معاه عليها... المواد اللي أعنيها هي نوعية البلاط، أفياش الكهرباء، نوعية اللمبات، سيراميك الحمام، نوعية الأبواب والألمنيوم.... إلخ، وإلا فهو راج يجيب لكم أرخص نوعية وأردأ جودة موجودة في السوق



الخيار الثاني، وهو الأصعب طبعا، إنك إنتي توفرين له هذي المواد.... أتمنى أكون أفدتك والله يوفقكم







خالد

السعر في نظري مبالغ فيه جدا
انتي وين منطقتكم لكي يكون الاخوان اللي قريبين سواء انا او غيري يساعدك
بالتنسيق مع احد او مقاول قريب

وليش ما يكون عليك المواد افضل في نظري
حتى يكون بامكانك السوال عن المحلات حق المواد
واخذ من الي عندهم افضل عرض او اقل سعر

موفق بإذن الله ... لك مني أجمل تحية .

الله يعطيكم الف الف. عافيه
اتفقنا مع واحد بعشرة الاف والغينا الكورنيش والله يستر
وعلى قولتكم الشغل البسيط مايبونه

والحرمه لها تعامل استغلالي حسبي الله ونعم الوكيل
لي فتره ناويه ابني بيت وشايله هم هالشي
الجاهز لا نثق فيه ولا يجي على المزاج