|
محتاره جدا في الارضيات ...ورايكم يهمني
السلام عليكم ...انا في حيره مايعلم بها الا الله ...لفيت المحلات وعجبني جرانيت فخم يشبه الرخام قص ليزر وسعر المتر 164 من غير التركيب ...وايضا عجبني رخام ب265 من غير التركيب...الرخام حلو لكن الجرانيت احلى بصراحه ...والناس تقول لي حطي رخام اسمه رخام على الاقل!!!قررت احط جرانيت ...زوجي اقترح اننا نحط من جرانيت راس الخيمه في الصاله ومجلس النساء..لانه ارخص...لكني مو حابه ان الدور الارضي يكون مرقع !رايكم:احط جرانيت مطفي ملون من شيراميكا؟؟؟في الصاله ومجلس النساء؟؟ولا احط جرانيت راس الخيمه (مع انه مو قص ليزر)؟؟ولا الافضل اخلي الدور الاول كله لون واحد ؟؟
|
هلا بك و اسعدنا تواجدك معنا في قسم الديكور و الأعمال المنزلية و تمشياً مع سياسة المهندس في طرح الاستشارات و الطلبات اسمح لي بنقل الموضوع إلى القسم المختص الاستشارات الهندسية و بإذن الله تعالى الجميع ما راح يقصر في تلبية طلبك |
شكرا على النقل ...وعذرا ان كنت كتبته في مكان غير مناسب ..زفي انتظار الراي من اهل الخبره
|
اخت بس خلاص أنا حاسس انك متأثره وبقوه بكلمة ( قص ليزر ) فما هو مفهومك عن ( قص الليزر ) اختي الكريمه ؟؟ أيضا أنا حسيت أنك خالطه بين مسميات الجرانيت وبين الرخام وبين البورسلان فلا شيئ اسمه ( جرانيت رأس الخيمه ) رأس الخيمه مصنع يصنع السيراميك والبورسلان فقط أما ما يطلقه الباعه على منتجات البورسلان المنقط على أنه جرانيت .. فهو من باب تضليل الزبائن فالجرانيت وكذلك الرخام .. ما هي الا صخور طبيعيه .. تقوم مصانع الرخام والجرانيت بقصها وجليها وتلميعها فقط وأما ما يسمى ( جرانيتو ) و ( جرانيتي ) فما هي إلا تحويرات لفظيه ينشرها الباعه والمصنعون رغبة في جذب الزبائن .. وللأسف يقوم المواطن المستهلك ويستخدم هذه المصطلحات وينشرها .. وبذلك ينتشر الخطأ والغلط على أنه الصح دونما ادراك منا لهذا الأمر بانتظارك اخت بس خلاص |
هلا بك من خلال تجربة و مشاهدة يومية الرخام وجاهة و فخامة و رونق مميز و رائع علماً بأنه يوجد رخام بمقاس 60*60 بأسعار معقولة تبداء من 135 فما فوق و ايضاً هناك الواح رخام تبداء من 230 ريال و لا شك بأن الرخام يبقى رخام وجاهة و فخامة |
اخوي ادهمحياك الله ...والله يجعل مساعدتك لغيرك في ميزان اعمالك ...اخ ادهم ...انا عندي خبر ان البورسلين هو نفسه الجرانيت الصناعي (مو الطبيعي )واعلم ايضا ان الجرانيت الطبيعي هو من الاحجار وهو مختلف تماما عن الجرانيت الصناعي ...(البورسلين)بمعنى ان كلمة جرانيت هي تعبير مجازي عن البورسلين او الجرانيت الصناعي...عموما سأغير المسمى ...الى بورسلان لمنع سوء الفهم بما أقصده...انا شفت عند الدهان بورسلان راس الخيمه ...وكان على العموم جيد ..كشكل ولاادري عن قوته الا من خلال هالمنتدى ...قال لي البائع انه لابد من وجود فواصل ...سألتني عن معنى قص الليزر ...فأقول لك مقاله لي البائعين ..ان قص الليزر يقلل بشكل كبير الفواصل بين كل بلاطه والثانيه...ويختزله الى 2-3 مل (حسب كلامهم)اما القص العادي فتكون الفواصل واضحه ....وبما انك خبير راح اعطيك الاسعار عشان تفيدني من خلال خبرتك الواسعه ....(اذا سمحت)البورسلان(الجرانيت)اللي ناويته للمجلس سعر المتر 164 ريال بدون تركيب (سعر التركيب 25 ريال ) ابعاد البلاطه 60*60(اسباني)البورسلان اللي شفته عند راس الخيمه بحدود66 ريال(شاييف فرق السعر؟؟)بدون تركيب طبعا ...ونفس كبر البلاطهالرخام نوع بوتشيني (اذا مو غلطانه بالاسم) حجم البلاطه 60×60سعره 265 ريال للمتر ....رايك يهمني جدا وانتظره ...اخوي للبناء فنون...الرخام روعه ...لكن خفت من عيوبه(الخدش وقوة النفاذيه)لكن ماشفت الاسعار اللي تتكلم عنها!!!اقل رخام شفته 180 ريال ويكون اصغر بلاطه(المستطيله)اما اللي عجبني من روزا وبوتشيني وامبرادور كلها غاليه اقلها 265 للبلاطه بحجم 60×60حتى الدرج يوم جيت اركب ابمرادور قال لنا الدرجه الوحده تكلفنا 230 ريال !!!انا شفت عند الهنود (المحلات العاديه مو الكبيره) رخام باسعار 120 ريال بس قالوا لي الناس انه نخب ثاني حتى لو كان اسباني ...انتظر افادتك ...ولو كان بالامكان تدلني على محلات ..او نوعيات رخام ..اكون شاكره انا في الشرقيه ...
|
مدي ليه ردي يطلع بدون فواصل مع اني اترك مسافات وابدا سطر جديد ؟؟
|
لا أزال انتظر ...:)
|
اخت بس خلاص جاري اعداد الرد .. لا تقلقي |
اقتباس:
ربما تكوني بحاجه لمسح الكوكيز وملفات الانترنت المؤقته من جهازك وتسجيل خروج .. وإعادة تسجيل الدخول مرة أخرى للمنتدى |
| الساعة الآن 01:28 PM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com