|
تحذير لمن أراد تفصيل كنب مغربي (خشبي)
الاخوه الاعزاء والعزيزات الكرام,,
قبل كم شهر ..تعاقدت مع محل معروف ومشهور في المنطقة الشرقيه...عشان يفصل لي كنب وجلسات مغربيه ...واتفقنا على الديكورات والاشكال والالوان والقماش وكل شي...من منطلق ان المحل له سمعه كبيره...تطمنت ولا رحت اشوف مراحل العمل ..ولكن كانت توقعاااتي خطأ والاجانب عاثوا في ارضنا الفسااد ..والله المستعان... وش اكتشفت: اولا المحل يتعااقد مع اكثر من منجره حتى يقدر يغطي اكثر من زبون في وقت واحد يتعااقد حتى مع المنااجر الرخيصه حتى يلفقون لنا كنبات تمشي الحال كم سنه والزبون الي يتحمل كل شي يستخدمون خشب المحرقه.....والله على ما اقول شهيد يستخدمون خشب المحرقه ... جيت يوم من الأيام بالمنجره الي وصفها لي العامل ويوجد فيها كنبي للتفصيل ...ويوم دخلت المنجره شاب راسي من هول الصدمه....الخشب الركيك والبالي...وخشب المحرقه بشكل عاام...وفيه بعض الخشب الجديد ..بس اعتقد يسوونه للي يدقق او الي يتاابع معهم....والباقي يحطون لنا من هالمحرقه وبالاخير يلبسونه خشب جديد 8 ملمتر ويحطون الديكور ويصبغونه...ويلبسونه بالقماش..وطلع جديد وانت ما تدري يا غافلين لكم الله بان الشكل زين والبلا من دااخل... قسما بمن نفسي بيده....باني شفت في بيتي حشرات غريبه تطلع من الخشب...وذلك لسوء العمل ووساخة المنجره..وعدم الاهتمام بالنضاافه عند التحميل للزبون.. الله لا يسامحهم لا دنيا ولا آخره طبعا هيئات ومتابعة اسواق ...يفتح الله...وزارة التجاره تلفونهم ما يرد...الله يعين... يقول احد المتخصصين..بان بعض المناجر في السعودية تستخدم كراتين الموز...داخل الكنب..تخيلوا عاد :( والخدااديات يحشونها حفاايض وهدوم مستعمله :0shok: الحذر يا اخوان...والي يبي يفصل له كنب لا زم يتاابع....وتشرط على المحل لا ينتقل من مرحلة إلى مرحلة الا وقد اشرفت على تلك المرحله وشفت الخشب المستعمل في كنبك يعني قبل تلبيسه بالفورميكا..لازم تشوف خشب الهيكل وقبل تلبيسه بخشب الديكور لا زم تشوف الفورميكا بعد الصبغ لازم تشوف جودة الصبغ وهكذا والله يوفق الجميع الي يعرف ايش اقدر اسوي بالنسبه للحشرات الي تسكن داخل الخشب يقول لي...هل لها علاج...او او يعطيني خبر والله لايهينكم |
بسم الله الرحمن الرحيم
صراحة عنا بجدة اصحاب محلات الكنب والستائر يحتاجون الى مراقبة اكثر لانهم صراحه كتير يستغلو الناس وبعضهم يتاحيل على الزيون عند البيع وبعد البيع يعطيك اسوء امواع الخشب والقماش شـكــ وبارك الله فيك ـــرا لك ... لك مني أجمل تحية . |
[align=center]فعلا يوم جيت افصل كنب المجلس درت كم محل وكل واحد يمدح بظاعته وخشبة وهو اللي نبهنا على مسالة خشب المحرقة
لكن ولله الحمد طحت على محل صحيح صغير المحل ومن شكلة ماتتوقع شغله لكن الان لي سنتين والحمد لله كل شي تمام وان جالسه ادور لكي تصميم حق كنب الصالة وان شاء الله راح افصل عنده [/align] |
حراااااااام
|
جزاااك الله خير على التنبيه.. حسبي الله عليهم ماخلوا شي ماغشوه؟ .
|
الله يكون في عونك أخي ......والله تأثرت من مشكلتك مع هذه المحل وياليتك تقولنا إيش أسم المحل ولو على الخاص علشان نتجنبه ......وياكثرهم والله ذكرتني بمحل نجدت عنده طقم كنبي الأمريكي والنتيجه دمار وقد أخذ منا كامل المبلغ ولم نأخذ منه لاحق ولاباطل .........وبعدها على طول نجدته مره ثانيه فى مكان ثاني وصرفت عليه أضعاف مضاعفه ولو شريت جديد كان أحسن لي لكن ما نقول إلا حسبي الله ونعم الوكيل |
بعد إذنك أخوي بنسخ المشكله اللي عرضتها وأنقلها بالفيسبوك من غير ذكر إسمك إذا سمحت
لازم ينتبهون العالم من الناس هذولا حسبي الله عليهم |
لاحول ولاقوة الا بالله
الله يستر انا توني مفصله كنب مغربي وشارطه عليهم بس الله المستعان والله ماعليهم من احد يفروون مخ الزبوون لين يصدق انهم الافضل والاحسن |
اقتباس:
اقتباس:
تعتبري انتي من المحظوظين والاذكياء في نفس الوقت...مشكلتنا يا اعزااائي هو التفاخر...وانا فصلت من المحل الفلاني او من الشركه الفلانيه...بالاخير نطلع مضحوك علينا... اقتباس:
اقتباس:
اقتباس:
اقتباس:
اقتباس:
عاد اتخيلوا لما قد الضيفان في المجلس....شوي وتطلع حشره من فوق شماغ واحد منهم... ايش رح يكون موقفي ههههههه...من جد موقف ما له داعي |
[align=center]عذرا الخاص لايعمل لدي لان عدد مشاركاتي لاتسمح بذلك
لذلك سوف اضعه على العام اما بالنسبة للمحل فاسمه بلاد الشمس شارع مكتبة المتنبي وهو محل صغير على زاوية والعامل اسمه محمد ابو الكلام وصلى الله وبارك[/align] |
| الساعة الآن 08:47 PM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com