|
هل تفكر في شراء الأثاث و مواد التشطيب من الصين ؟ شاركنا و أقراء تجاربنا هناك
السلام عليكم ورحمه الله وبركاته انا عندي كم سؤال واتمنى منكم المساعده انا عندي فله عظم ومليسه الدور الي تحت فيها مجلسين وصاله كبيره جدا ومطبخ داخلي ومطبخ مفتوح وصاله طعام ودرج دأري ودرج جانبي مساحه البناء تقريبا 400 هذا الدور يبغاله اثاث شرقي وفخم اما الدور الثاني فهو عباره عن صاله وغرفه نوم رئيسيه بمجلس صغير بحمام ومخزن واربع غرف نوم وحمامين هذا الدور يبغاله اثاث عصري الى كلاسيك بعد الشرح نبداء بالاسئله 1/الي راح الصين كيف الاثاث والديكورات عندهم وهل اقدر اخذ الرخام والسراميك من هناك ولا بس الاثاث؟ 2/الاسعار هناك نفس الاسعار هنا؟وبشكل عام كم تتوقعون تكلف الفله تشطيب كامل ؟ 3/هل راح القا اثاث فخم للمجالس؟ كيف راح يكون النقل وكيف يوصلونه وكم تكون الاسعار؟ 4/وهل اثاثهم عملي وعالي الجوده ولا بس شكل؟ هذي اسئلتي واتمنى اني ما اطلت عليكم واذا ما عليكم امر ابي ارقام مصممين ديكور داخلي شغلهم فخم في المنطقه الشرقيه ولكم جزيل الشكر اخوكم/سلطان مرعي |
ياأخي على علمي أن الأثاث هناك ثلاث درجات عالي الجودة ووسط ورديئ بنفس الشكل وأسعارهم ارخص من عندنا واذا تقدر تجيب سيراميك ورخام أفضل لك لأني شفت سيراميك
الدالية ودخت عليه المغسلة الواحدة ب20الف صيني أكيدبالصين ارخص موفق. |
هلا بك أخي الكريم يا طويل العمر أحد الزملاء كان عنده مؤتمر في الصين و يقول ذهلت لما رأيت هناك من أشكال و أسعار و قرر أنه يشطب بيته من هناك بالمقابل زرت أحد الزملاء بعد أن سكن منزله الجديد وكان التشطيب و الأثاث من الصين لكن يقول الطيب و المميز سعره مرتفع بالصين باستثناء أبواب الخشب حيث أن الأبواب أحضرها خشب صولد بحدود 2500 ريال للباب الواحد و هنا أسعارها بحدود 10000 ريال نتمنى لك التوفيق و أن شاء الله نقراء تجارب الأخوة و الأخوات شخصياً لمن خاض هذه التجربة |
حياك الله مرعي ..كنت في شهر August في الصين وبالتحديد مدينه فوشان..الرحلة للاثاث فقط...كانت برفقتنا فتاة صينيه من مكتب رتبنا له من السعوديه طبعا تعاملوا معاه كثير من اصدقائنا ومحل ثقة هو مكتب تجاري ترفقنا الصبية في محلات الاثاث وتسجل مشترياتنا بدقة وعنايه..وعلشان اختصر لك كل الطرق...زوجي حدد للمجلس ٥٠ الف سعودي شاملة كل شي...وغرفة الاستقبال ٢٥ الف ريال سعودي ... غرف البنات ٨٠٠٠ لاتتعدى هذا لو اشترينا من السعودية...كان قرار الرحلة مفآجى.. من البحرين الى الدوحة ثم ٨ساعات الى كوانزوا... استقبلتنا الصبية في المطار وكانوا حاجزين لنا في الفندق ركبنا التكسي الى فوشان ساعة تقريبا....سعر الفندق غير متوقع ٣٦٠ سعودي شامل افطار فندق خمس نجوم البلد تضيق الصدر وحر والاكل ما ينكل والله يديم النعمة... بشر انفاق جسور معلقة ...شعب طيب مسالم وخدوم...في المطار هناك ضوابط وتعليمات احذر منها ...المهم المجلس كانت ميزانية ٥٠ الف كلفنتا في الصين ١٨ الف سعودي ...غرف البنات الميزانيه ٨آلاف كلفتنا ٣٦٠٠ ريال ... يعني وفرنا ٥٠٪ علما ان زوجي كان حريص على نوعية الخشب والجودة تستحق الصين ان تزورها لتوفر الكثير واثاث رائع بمعنى الكلمة مهم ان ترافق زوجتك لتذكر بالكثير من احتياجاتكم لاني اشتريت اضافه الى الاثاث الاكسسوارات والاشجار الصناعية..والتي لايمكن ان تصدق انها صناعية.. واطقم الشاي واثاث الحدائق واللوحات الحائطيه...... وفي طريق العودة احمل معك الشاي الاخضر من اجود الانواع باقل الاسعار والشاي الاحمر من بعدة كرهت كل انواع الشاي ...اخيرا وصل الاثاث ميناء الملك عبدالعزيز بالدمام وصل الى البيت سليم ولله الحمد والمنة وبدأنا بترتيبه وتوزيعه في البيت ..اسأل الله لك التوفيق
|
اقتباس:
عين الماء بارك الله فيك وجزاك الله عنا خير الجزاء من غير مبالغة إجابة شافية و وافية تكتب بماء من ذهب فعلاً نسمع كثيراً لكن من سمع ليس كمن رأى سيتم تغيير عنوان الموضوع تحية و تقدير لــــ عين الماء و الشكر موصول للأستاذ / سلطان مرعي بعد توفيق الله عز وجل ثم جهوده في طرح مثل هذا الموضوع |
مشكور ياخي الفاضل نور الرس والشكر ايضاً للاخ ماجد المحيميد وشكري الجزيل لاختي عين الماء يعطيك الف عافيه والله انك وضحتيلي اشياء كثيره جداً بس كيف كان الشحن وهل وصل كل شي سليم لاني سمعت من بعض الاخوه ان السراميك وصل نصه مكسر والابواب مخدشه فمادري هل هذا الشي حصل معكم ومين اتفقتو معه عشان الشحن ومين المكتب الي اتفقتو معه من السعوديه وهل مدينه فوشان هي احسن المدن عندهم للاثاث وكم المده الي استغرقتوها في الصين لشراء الاثاث.......اسف على الاطاله واتمنى من جميع الاخوه مشاركتنا بتجاربهم ولكم كل الشكر |
استفدت كثير من الموضوع صراحه :)
|
اخي الفاضل ماجد جزيل الشكر والتقدير لتثمينك الموضوع.....للحديث بقية لاستفساراتكم .....المكتب التجاري هو في فوشان وليس بالسعودية.. وارسل لهم زوجي على الايميل ورتب معاهم السكن والاثاث والشحن ...كانت رحلة اثاث..والسراميك والابواب فاتت علينا...ولااقدر افيدك بذلك..الاثاث وصل سليم ..بالنسبة لمدينه فوشان مدينه عجيبه بكل المقايس...انا صنفتها اكبر مدينه في العالم تصنع اثاث... ومجمعات مترابطة مع بعض تشعر بالاعياء من اعدادها (١٠ ايام مدة اختيار الاثاث...طبعا ماتقرر الشراء من اول مرة بس اذا عجبك شي اخذ الكرت وسجل علية ملاحظتك واحفظه...لان العودة لهذا المحل ليس سهل دائما احفظ الكرت وسجل عليه النوعيه والصنف ..عملتهم (١٠٠امبي =٥٥ريال سعودي ولازم تفاصل بالسعر واذا رفضوا عطهم تلفونك او تلفون المترجمة وحدد مبلغ اذا وافقوا عليه بيكلمونك اسلوب جديد اتبعه زوجي يعلل ذلك بأن البلد غاصة بالاثاث رغبه شديدة منهم بتصريف البضائع .. واحب الفت انتباهك للسجاد... جدير بالاهتمام.. لانه غير مألوف.. بالراشد مول سجاد عجبني من جلود الحيوانات بسعر ٨٠٠٠اول افتتاحه بس الان ماعندي فكرة وله فرع بالسيف بالبحرين..اشتريتة من الصين ٧٠٠ ريال...جهاز رياضه بالدمام ٢٨٠٠ ريال من الصين ٦٥٠ريال اما بالنسبه لتكاليف الشحن والمكتب والمترجمة....وكذلك التكاليف عند وصل الكونتينر فالى وصولها الى الباب سيكون لي عوده لان معلوماتي ليس دقيقه احصرها مع زوجي بالعناوين اثاثنا احتاج ٢ كونتينر واحد كبير واحد صغير ..لانه حاليا مشغول بالبيت وتركيب الاثاث...للاحاطة المكتب والطاقم الاداري والمرافقين لكم يتحدثون الانجليزية فقط.. هناك مكاتب لديها مترجمين يتحدثون العربيه الفصحى وديانتهم الاسلام
|
عين الماء وفيتى وةكفيتى
بس كم كلفك النقل من الصين الى الميناء جزاك الله كل خير |
أختي العزيزة شكراً على الموضوع المميز
لدي بعض الاستفسارات: 1- هل تم جمركة بضاعتكم ؟ وكم النسبة؟ وأين يتم دفعها؟ 2- هل يطلب شهادة مطابقة للمواصفات السعودية؟ 3- هل يوجد تأمين على البضاعة ضد الكسر ... الخ؟ |
متابعه معكم وفي انتظار الاجابة من اختنا الفاضله
|
على وشك الانتهاء من العظم
وأفكر في جلب اعمال التشطيب والاثاث من الصين هل يوجد مكاتب بالرياض للتخليص والشحن اعمل معه عقد ؟ |
متااااابعه
|
متااااااااااااااابعه
|
الله يعطيكم العافيه على الموضوع الشيق
نحن بحاجه ماااسه لأي معلومه من هنا وهناك الله يجعلها في موازين حسناتكم |
تحمست .. ابي اروح
ان شاء الله بعد انتهاء العظم <<< مابعد تخلص خريطتها :d >>> ياشين العجله بس و 5 نجوم لهذا الموضوع الرائع .. |
اسف على الانقطاع عن الموضوع ذلك لظروف السفر اشكر جميع الاخوه الذين شاركو بالموضوع وفي انتظار الرد على بقيه اسئله الاخوه بس مو معقول محد اثث من الصين الا الاخت عين الماء اتمنى من جميع الاعضاء التفاعل بس شكله قرب يجيني احباط وشكلي بهون فكرت فيها الاهي تذاكر وفيزا وفندق ومترجم وسياره وجمرك وحجز وميناء ورسوووم و مدري ايش ومدري ايش بيطلع لي بالعرض :s14::راح يكلف دبل ما ظنه راح ينفع اشتري من هنا ازين مادري كلامي صح او لا وش تنصحوني وشكراً |
مادري كلامي صح او لا وش تنصحوني
نفس المعاناه كنت ناويه السفر للصين لشراء الفرش بس الحمد لله انتهت المعاناه باللف على كل محلات الأثاث بمديتة جده واخيرا اشترنا من المطلق كل الفرش عنده من الصين وفى ناس تقول انه مصنع محلى فترة التخفيض كلف الطقم 10 الآف مش أكثر مع الطاولات طبعا واذا حابين انزل صوره لصالون الرجال ماعندى مانع |
السلام عليكم
يعطيكم العافيه انا لي فتره اسأل عن هالموضوع مع بعض الشباب وقالوا لي انا محلات(( ميداس)) اللي بالرياض تستورد من هناك ولها مصنع خاص وشف اللي يعجبك ونزل 40% من سعره الحالي ومريت عليهم وشكل الموضوع راح يجيب نتيجه اذا كان الفرق 40% مع العلم ماني متأكد من كلامهم 100% وأتمنى ان كلامي راح يفيد بشيء |
مؤسسة مستقبل التطور الدمام
أخي الكريم
يوجد مؤسسة مستقبل التطور في الدمام عمالة فليبينية هاتف 0503949689 تصميم وتنفيذ تفضل واتصل اي وقت |
تجربة تستحق التطبيق
بارك الله فيك |
اسلام عليكم ورحمة الله وبركاته
الموضوع ممتاز للمناقشه .... يوجد بالصين واحد يمني أسمه أبو محمد :s12::يخدمكم بكل ما يملك و أمين ونصوح . لدرجة واحد من جماعتنا انسرقت فلوسه وعطاه اليمني 7000 كويتي خلص أخونا ولما رد الكويت دز له المبلغ على حسابه (جزاه الله الف خير ) . عايش في الصين ويعرف كل صغيره وكبيره المشكله الكل يدق عليه مو محصليه. و نصيحه : أختي شرت غرف نوم لما جات الكويت طلع مو نفس الموديلات اللي أختارتها وناقصة قطع و براغي ومسامير :s26::. جارنا شرا سيراميك بس توهق المسكين لان نقص عليه أمتار كثيره من كل جزء في البيت. بس لما يكون السيراميك متوفر عندك تقدر تكمله أو تستبدله أو بعض الشركات رجعتة بنفس القيمة اذا الكرتون عليه . وهذا ما حصل معي . لازم يندرس الموضوع من كل الجوانب اذا فكر احد يروح ويجمع اسماء الشركات و المناطق و أفضل شركات الشحن مع التأمين طبعا.............. لذلك وجب التنبية وجزاكم الله خير . |
السلام عليكم {عين الماء} كم تكلفت سفرك مع شحن البضائع لأني أفكر في الشراء من الصين
|
تجلربه حلوة حأفكر اشتري الأثاث من الصين:s29::
|
مساء الخيرات اختي عين الماء ولا يهون اخونا سلطان المرعي نشكرك على طرحك وافادتك بما لديك ويليت تفدينا بكيفيه التواصل مع المحلات التي اشتريتي منها ولك جزيل الشكر ليستفيد الجميع
|
بصراحه الموضوع روعه
خلصنا بيتنا عظم مساحة البناء 420 ودي اني اشطب من الصين بس نحتاج الي توفر معلومات الدق والسؤال الاهم كيف هي الجوده؟؟؟؟؟؟؟ ونتمنى وضع الرقام مكاتب ممكن نتعامل معها هناك الف شكر موضوع رائع |
الله يجزاكم بالخير على التواصل . لكن ا تزال كثير من امعلومات غير وافيه مثل طريقة تحويل الفلوس هل هي عن طريق البنك ام شيكات سياحيه ام فتح حساب بنكي في الصين والتحويل له؟؟؟
|
موضوع مهم جدااااااااا واسئله كثيره بس مافيه اجوبه شافيه و وافيه سؤال بس بسيط ... الواحد يروح الصين يبحث عن الفرق فى السعر عن هنا هل المصاريف من الالف الى الياء من بدايه الذهاب حتى استلام الاثاث وتفريغه فى البيت تسوى التعب والعنوه ؟؟ اللى جرب يعطينا تقدير بسيط السؤال الثانى ... مافيه مكتب تم التعامل معه يختصر على الامور كلها .... بحيث اختار الاثاث من هنا حسب كتالوج او صور معروضه وهو يرسلها وبكذا نكون افتكينا من السفر ؟ >> مجرد فكره للحديث بقيه |
السلام عليكم وجدت بأحد المواقع بعض ما قد يُجيب على تساؤلات بعض الاعضاء سأقتبس المهم مما قرأت .. علماً بأن صاحب التجربة ( الشراء من الصين ) كانت تجربته في عام 2008 اقتباس:
وفق الله صاحب التجربة على إفادتنا |
اسعد الله جميع اوقاتكم بكل خير
دعوني ادلو بدلوي بهذا الشأن انا ناوي ان شاء الله اروح الصين عشان الاثاث باذن الله...لانها فاتتني روحة السيراميك والرخام... احد زملائي راح السنه الماضيه 2009 في شهر ما يو ...المهم بعد حوالي خمسطعش يوم رجع الشرقيه وجاب معه اشياء بصراحه خياااااااااااااااااال راح لمدينة قوانزو.... الرخام والسيراميك والديكورات الرخامية (السجاد ) او بالانقليزي ميدالون .....اشكال خيال وقد اختصر لي المشوار الزميل وقال تقريبا السعر الفارق عن السعوديه حوالي 50 في الميه...بدون مقارنه للجوده لان بعض الاشياء الي جابها موجود بالسعوديه باقل جوده وبسعر خيالي... تخيلوا يا جماعة الخير .....لما راح هنا لشركة ونتك للالمنيوم للتسعيرة قالوا بيتك المنيوم من درايش وزجاج ووووووو يكلف 96000 ...المهم الاخ اخذ مقاساته وراح الصين وجاب من احلى المواصفات وبسعر 18000 ريال......وعشان ما اكون مبالغ انا شفت الفاتوره بنفسي وشفت الدرايش وسمك الزجاج كان رائع جدا طبعا دبل وحراري الابواب الخشبيه كلفة الباب 600 ريال ....ومثلها هنا بحوالي 1300 اشكال الخلاطات تهبل...هذا الي على شكل سمك او عصافير ...وقال لي ما يهمك الشكل شف وش الماده الداخليه الي مصنوع منها الخلاط...لقيتها نحاس ومن الجوده العاليه المراوش السنقل 90x90 بابواب زجاج خيال مرسوم عليها نقوش تهببببببببل ...الواحد 750 ريال والسعر بالسعوديه الواحد بحوالي 2500 ريال حمام البخار او السونا كلفه تقريبا 3800 ريال ...عاد هنا يمكن بعشرين الف طبعا الرجال ناوي يروح يأثث من هناك ويمكن نروح مع بعض ..إلا اذا نويت اروح مع ام ريف ...عاد هذي خطة ثانيه وبالله التوفيق طبعا زميلي هذا ما راح هناك الا لما تحمس من زميل اخر كان ناوي يأثث عمارته من السعوديه وحاط 200000 ميزانية ...ولما راح الصين أثث بنفس الطلبات الي كان يبيها وزياده بعد ب 90000 ريال....هذا بالنسبه للي عندهم فلوس اما بالنسبه للناس المنتفين ((زيي طبعا)) هههه فاعتقد رح تكون ميزانيته من 50000 الى سبعين الف وسلامتكم....والي طبعا حمسني اروح بهالمبلغ واحد راح ومعاه حوالي 70000 وجاب اثاث كامل 45000 وكل واحد حسب ميزانيته...بالرغم تم زيارة هذا الشخص وشفنا العجب العجاب ...حتى النافوره الي بالحوش وسعرها هنا حوالي 8000 ريال...جابها من الصين بحوالي 1200 أسأل الله لا يحرمكم جميعا من فضله....ومو عيب الواحد يشغل مخه يا جماعة الخير عشان يقدر يتلافا بعض الاشياء والخساير الي ما لها داعي في زمن اصبح التجار لا يخافون الله ولا يهابون قانون او دوله... نسيت اقولكم......غرف النوم الي هنا الصينيه على 8000 ريال ....بالصين بحوالي 1500 ريال......ويا قلب لا تهزن :) طبعا قد يختلف معي بعض الاشخاص ولكن صدقوني الصين تعتبر قاره وكبيره ولا تحكم على سعرها الغالي من مدينة واحده فكل ولايه لها سعرها الخاص.....وطبعا انصح لاحد يروح وقت المعارض لان الاسعار ترتفع هناك انصح بعدم شراء اسلاك الكهرباء من هناك او الاجهزه الكهربائيه ....إما لعدم ضمان جودتها على المدى البعيد او لعدم وجود وكيل لها هنا للتصليح والاستبدال بس الاضاءه والاثاث والابواب والالمنيوم ما في مشكله.... الشحن لازم تشترط على المصنع (باكنق مضبوط) يعني التغليف حتى تضمن الوصول بسلامه وبدون تكسير وذا تذكرت شي بقول |
الله يعطيكم العافيه كيف الواحد ينسق من هنا عشان يروح للصين مع مين ينسق من المكاتب ارجو الرد
|
التنسيق ضروري يكون من هنا مبدأيا...لازم يكون احد يعرف ناس هناك ويتواصل معهم من هنا عشان يلقونه بالمطار ويودونه للاماكن الي يبيها على طول
|
مشكورين بس كيف نحصل مترجم ومن يساعدني في عملية التسوق
|
[align=center]
السلام عليكم اعتقد ان انسب حاجه هي لو كان هناك مكاتب تصميم في الصين , ترسل لهم المخطط , او صوره للبيت وهوعظم وهم ينسقون لك الديكورات من الوان واثاث واكسسوارات بالبحث عنها في المحلات ويرسلون لك الصور تروح لهم وتشاهد اثاثك على الطبيعه اذا عجبتك اختياراتهم [/align] |
وانا كذلك افكر
|
شكرا للاخ اللذي وضع السؤال والأخوة اللذين اجابو عليه ...
بصراحه موضوع مهم بس يليت تكملون محاسنكم وتعطون اسماء المكاتب اللذين تم التعامل معاهم .. مكاتب مضمونه وكيفية الشحن .. وكيفيت التعامل مع اهل البلد من حيث الشراء ؟؟؟؟ واسماء البلدان اللتي تشتهر بالصناعه هناك وافضلها .. ودمتم بود |
يا اخوان
شروط مهمة للبضائع الصينية 1- حاول تحسب قيمة (التذكرة - الشحن الاقامة - الاكل - التفريغ في السعودية - عامل التركيب في السعودية ) ثم اضف السعر النهائي الى قيمة البضاعة 2- من خبرات ناس الاثاث اغلبة مودرن احذر 3- انت تشتري بالحبة والتاجر يصنع او يشتري من المصنع ارخص (صحيح فية تجار في السعودية شجعين ) 4- لازم تكون الكمية كبيرة حتى يخف عليك قيمة الشحن (الكونتينر صندوق الشحن 20 قدم يمكن قيمتة 4000 ريال و40 قدم 7000 ريال فحاول ان تكون بضاعتك تملىء الكونتينر والا تطلع عليك غالي مثلا شخص يشتري غرفة نوم عجبتة 4000 ريال ثم يشحنها لحالها ب 4000 ربال حرام في السعودية ارخص 5- احذر التعامل مع العرب القائمين في الصين من تجارب شباب يقولون انهم غير امينين 6- لا تشتري الا بعد حساب كل شيء الابعاد والكميات والاسعار والشحن وخاصة الابواب خذ معلم يقيس لك قبل السفر والنوافذ والبلاط والمطبخ والغسالات الفخمة احذر من علب السباكة انها تكون مفتوحة سهل صيانتها 7- احذر ثم احذر ثم احذر ان يشحن المكتب بضاعتك وانت غير موجود لا تسافر الا وانت في الميناء تشوف الكميات انها غير ناقصة ومعها كتلوج التركيب احذر ثم احذر بالتوفيق |
بارك الله فيكم جميعـــــــــــــاً.. موضوع يستحق المتابعه
|
الموضوع جدااااااااااا رااااااااائع استفدت منه وانشاء الله انفذه
|
جزاكم الله خير .... موضوع جدا رائع ....نتمنى تكملته حتى يصبح مرجع شامل لهذا الموضوع المهم.... من عناوين وغيرها....تحياتي لكل من شارك وأفادنا حتى بمعلومه صغيره أو نصيحه.... متابــــــــــــــــــــــــــــــــــــعه |
| الساعة الآن 01:07 PM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com