سؤال عن الاثاث الله يعافيكم ..
 

ما رايكم في اللون الابيض المخشب المائل الى الرمادي في اثاث غرف النوم هل اصبح موضة قديمة واين افضل محلات تفصيل غرف النوم في الرياض ؟
سؤال اخر لو سمحتوا اريد صور لاعمال جبس على مداخل الاقواس المفتوحة ويستحسن من واقعنا الخليجي . والف شكر

ليش ما رديتوا :s6::
ابعاقبكم بسؤال آخر بعد :s13::
هل تكفي الانوار الصفراء من النجف والسبوت لايتات في انارة مجالس الاستقبال ولا لابد من الانارة البيضاء ايضا ؟
بليــــــــــــــــــــــــــــــز شوية وجهات نظر , تكفون .:s7::

شكرا مهندس ماجد .... :s11:: :s11:: :s11::

عطوووره معليش اعذري الناس عقب اللحمه مصابين بالتخمه..
حبيبتي من ناحية غرف النوم اختاري اللي يعجبك وترتاح له نفسك خصوصا انها للنوم مو مجلس ضيوف او شي تحتاجين رأي آخر..يعني حتى لو موضه دامها عاجبتك الناس ماراح تدري عنها لأنها غرف خاصه..

عن المحلات..أنا شفت محل بطريق الملك عبدالله اسمه ميام وتابع لهم جنبهم نانسي وبعد قصر ساره..أنا مادققت في شغلهم ماكنت حريصه وقتها لكن انتبهت للفصالات نوعيه ممتازة وايطاليه طبعا الكوالتي والجوده انتي تختارينها بحسب ميزانيتك و خشب الزان على قولهم الأفضل..

لكن بأحاول أجيب لك رقم نجار الكل مدح شغله لكن ماتعاملت معه وماحصل لي أشوف صناعته..و سعره معقول
عموما حاليا سوي بحث قوقل باسمه أفضل محلات تفصيل أثاث وشوفي واحكمي..

الجبس اعذريني ماعندي فكرة..
والاضاءه لاتجازفين الأصفر والسبوت بدون منازع..الناس قامت تطنز فبيتي يقولون كأنهم داخلين قصر أفراح أبيض وأصفر<<لزوم القعده عند زوجي*_*

اهليــــــــــــــــــن ام دحومي نور المنتدى ..
طولت الغيبة
والله لك وحشة , كل يوم افتح واقول يا رب تكون ام دحومي رجعت ومافي ...:s3::
انشاء الله تكون مشاكل النت عندك ولت بلا رجعة:s5:: وانشاء الله تكوني قطعت شوط في بيتك :s2::
الله يوفقك
سعدت بردك وكالعادة درة ماتقول الا درر ...
واقنعتيني باثاث غرفة النوم والاضاءات مادام عن تجربة , و اكون لك شاكرة لو وجدتي لي رقم النجار احس انا راح نحتاج له كثير يمكن بعد نفصل غرفة الاولاد عنده ابيها على الطراز المودرن والسرر فوق بعض والمكتبات مشبكة معها وحركات يعني ابيها موسعة للغرفة... يعني لازم نجار شاطر يفهم مجموعة صور ويعطينا الزبدة ...
طولت معك ...سامحيني ... :s23:: وشكرا لك على ردك وعساك على القوة :s15::

يؤيؤ تسلميييين ..أبشرك الحين الأمور تمام جبنا مقوي للنت وضبط ربي يستر عليه..

وربي أحرجتيني يادرة الدرر..
هذا رقم النجار لكن حاليا مدري عنه هو رجع من باكستان او لا....
0509455211اسمه همايون لهم ورشة فالصناعيه..
بس عيبه مايسوي تنجيد لو عندك سرير مثلا يحتاج تلبيس قماش أو كرسي تسريحه لكن يسوي الأساس ويوديه لمحل تنجيد قريب لهم لكن شغلهم موفخم مره<<هذا رأي الآخرين ماأقدر أحكم..طبعا أقصد محل التنجيد مو النجار ..على كلام حماتي تقول عن النجار انه ينفذ نفس اللي ببالك..
بس تمنيت أشوف شغله لكن تعرفين الغرف الخاصه للآخرين صعب نشوفها.

لكن محل ميام جايبه لهم صور معقده نوعا ما و السراير تنجيد والحمدلله ماقال ضد اي صورة ان فيها صعوبه ,فيها مودرن للعيال وغرفتي كلاسيك..
بعكس المحلات الثانيه مثل تناتل والبناء والعمار..وهذا اللي ريحني لكن يزيد سعره عن النجار بحوالي3آلاف ريال تنقص أو تزيد..
لكن التجربه خير برهان ليتني خلصت عشان أخبرك وش أفضل بس للأسف لسه مااعتمدنا أحدننتظر عودة النجار وتسعيرته النهائيه للغرف.
..وبحول الله يفيدونا المجربين..
بالنسبة لقطعة الشوط لسه أنا فالشوط الأول^_^ لكن الصعب اللي خايفين منه تسهل الحمدلله وربي ييسر الباقي..لكن ماعتمدنا شي الى يومك
وربي يكون معاااك ويسهل أمرك يالغاليه