|
بيتي من قوقل ايرث بسرعة ردوا بليز ترى المهندس يقول انتي اللي معطلتنا
السلام عليكم جزاكم الله خير على مشوراتكم الزينة اللي اشوفكم تفيدون فيها بعض والحين أختكم وسن تبي شوركم في بعض التفاصيل بوريكم صورة البيت و عطوني رايكم فيه أول بعدين بفصل استفساراتي لأني أنا مشتتة .. فاستحمولي حوستي الله يجزاكم خير http://www.almuhands.org/forum/imgca...0almuhands.jpg اللون الأصفر مستوى الشارع اللون الوردي ملعب للأولاد بمستوى الشارع أيضا اللون الأبيض درج اللون السماوي القبو أو بما تسمونه هنا بالمنتدى حوش ساقط السؤال .. المنطقة اللي بالسماوي تبعد عن سور البيت 5م تقريبا تخيلوا منطقة تجيب الهمم و الغم .. اللي يطلع من باب المسبح و يرفع راسه يطالع سور البيت يحس نفسه بغوانتانامو الله يفك اسرهم لقيت حل اني آكل الارتفاع هذا ببناء تنور للشوي نطلع له ثلاث درجات السؤال .. هل الدرجات تجي بوسط المنطقة اللي بسويها شوي ؟ .. والا اسوي درجين جانبيين من 3 درجات برضو ؟ السؤال الثاني كيف احط سور عالملعب طبعا الملعب يطل على هالحفرة اللي اسمها حوش ساقط كيف اسوره ؟ ابيه بابسط سور ممكن لان الجزء الخلفي من البيت فيه تراس فـ ودي ما يكون سور للاخير ابي اللي يوقف بالتراس يتفرج على الاولاد يلعبون بالملعب انا ما ودي اهذر كثير .. انتم مهندسين و ذووقيين و بتفهمون الصورة علموني عن هاللي كتبت عشان اكمل استغسارات شكرا جزيلا سلفا |
هلا بك وبالتوفيق بداية لكن الموضوع يحتاج إلى الكثير يبي له محاضرة لأجل أن نستوعب المطلوب الصورة غير واضحة و الخطوط كذلك ناهيك عن الطلبات اللي ما يمديك تقراها وتشوف الصورة إلا ضاع المطلوب |
كتبت رد طويل عريض و طار :(
عموما جزاكم الله خير |
مهندس ماجد
وش الموب واضح الله يرضى عليك عشان نبدا بالترتيب |
بما اني كتبت رد و طار ضاق صدري .. فــ بصوره تصوير يمكن التصوير ابلغ من الكلام
حاليا استشرت كذا شخص و قالوا كويسة حركة تبنين زي الدكة عالية وتخلينه معلقة بالجدار عشان تخففين من وطاة الارتفاع وبخليها عالاقل اربع درجات حسب ترتيب الجدار ان شاء الله بصور و احط الصورة وبتفهمون قصدي |
معليش مضطرة اكتب اربع ردود عشان اقدر انزل صورة برابط
استغفر الله |
سبحان الله و الحمدلله ولا اله الا الله و الله اكبر
|
سيد الاستغفار
اللهم انت ربي لا الله الا انت خلقتني وانا عبدك وانا على عهدك ووعدك ما استطعت اعوذ بك من شر ما صنعت ابوء لك بنعمتك علي ابوء بذنبي فاغفر لي فانه لا يغفر الذنوب الا انت |
لا حول ولا قوة الا بالله العلي العظيم
|
اليوم إن شاء الله بروح البيت و بصور كل الاشياء اللي بطلب مشورتكم فيها الحين شوفوا الحركة اللي بسويها بالسور الساقط باربكيو كورنر بس وين احط درج الباربكيو 1- على جانبي دكة الباربكيو 2- في وسط دكة الباربكيو ؟ http://www.almuhands.org/forum/imgca...3almuhands.jpg |
وهذي خارطة البيت
بعد يا ليت تعلقون عليه http://www.almuhands.org/forum/imgca...4almuhands.jpg خل نشوف موضوع الباربكيو كورنر وين نحطه بعدين نشوف كيف نسور الملعب بدون أن يشوه منظر اطلالة التراس اللي في خلفية البيت السؤال مرة اخرى هو وين اودي درج دكة الشوي ؟ هل في النص كما اللون البرتقالي أو عالجانبين كما التركواز جزيتم خيرا |
[align=center]لماذا الاصرار على وجود ركن الشوي مرتفع فوق دكه ؟
ليش ما يكون بنفس مستوى الحوش الساقط ؟[/align] |
الصور مو واضحه كثير
|
مدينة الخبر حياك أخوي لعدة أسباب 1- المنطقة المحصورة بين باب البيت في البيسمن و سور البيت -اللي عبارة عن ارتفاع دورين باعتباره حوش ساقط- صغيرة يمكن 5 متر فالارتفاع بشع 2- خصوصا أن هناك تيراس مطل على هذا المنظر فاردت أن يكون فيه آكشن بهالجدار الصلب 3- عندما تكون عندي عزيمة .. وارغب أن تكون في الحديقة سأجعل طاولة -طاولة تناول الطعام ليست طاولة البوفيه- تحت الدكة لتعليق فوانيس أوشموع -أي ديكورات- و يساعد على ذلك كونها مغطاة 4- سأجعل ركن الشوي فوق الدكة وسأجعل درجين في الزاويتين و في الوسط سأجعل الشكل دائري و في نصف قطر الدائرة جلسة مبنية عليها مراتب وش رايك ؟ المتأنقة بصور صور عادية إن شاء الله و اوريكم عشان تتضح الرؤية .. ما قصرتي عزيزتي |
أختي ممكن تحطين المسقط الأفقي للدور الأول ؟ أحس السلم بعيد كثير عن غرفة النوم الرئيسية والغرف المجاورة لها في الدور الأول . .
|
لا أختي المتأنقة .. البيت خلّص الحين .. والدرج موب مرة بعيد عن الاجنحة الرئيسيات الأماميات و ثانيا فيه اسانسير جنب الجناح اللي على اليمين أي مقابل للماستر بيدروم |
[align=center]ركن الشوي ليس بحاجة الى رفع وإن كان هذا الرفع لن يضره لكنه سيضيق من مساحة الحوش الساقط
السور بين ملعب الكره وبين الحوش الساقط سيكون من الحديد كما ذكرتي وركن الشواء نفسه سيكون مسقوفا مستوى سقف ركن الشواء سيكون بمستوى ارضية ملعب الكره أو منخفضا عنه بمسافه بسيطه بالتالي لن تشعري هناك بتأثير جوانتانامو توزيع ركن الشواء سيعتمد على اختيارك هل سيوجد به ركن لتناول الطعام ؟ جلسه مثلا ؟ أم أنه فقط للشواء ؟ مخطط السرداب مطلوب كي يمكن تصور علاقة ركن الشوي بتوزيعات السرداب بانتظار مخطط السرداب وتوضيحاتك [/align] |
اقتباس:
|
مرحبا ..وسن ,,
اولا ربي يتمم لكم ع خير ,,يعطيكم خيره ويكفيكم شره .. من وجهة نظري انك تعملي ركن الشوي بمستوى الحوش الساقط لعدة اسباب .. ** اولها ان حكاية الدرج والدكة راح تضيق المكان اكثر ,, (هي فكرتها حلوة بس لو بمساحة أكبر ). وبتكثر الحركات مابين حوش ساقط ..وملعب .ودكة شواء.وتراس ,, يعني لو تكتفين بارتفاع التراس عن مستوى الحوش افضل واجمل . ** وركن الشوي لمن يكون ع نفس المستوى ..اعتقد جماليا يطلع احلى ويساعدك تتفنني بالديكور وتوزيع الاضاءة..والزرع .. خاصة وانتي عاملة حفلة شواء .. منظره وهو قريب من الطاولة جميل عدا عن سهولة الحركة منه الي طاولة الطعام .. ** قضية الارتفاع الشاهق ....اشوف معالجتها ديكوريا سهلة وفيها خيارات متعددة ,, منها الرسم ع الجدار برسومات جميلة ومتقنة تعطي ابعاد رائعة ..وممكن ايحاءات باتساع المنطقة وتكسر من حدة الارتفاع ..يعني خداع بصري (بس اهم شي يكون باتقان واحترافية عاليه).. ,, وممكن كمان تعملي نافورة جدارية ..تعطي منظر جمالي رائع خصوصا لو وزعت حواليها أصص زرع معلقة .. وهناك الكثير من الافكار .. وعندي لكي اقتراح .. ليش ما تعملي ركن الشواء اسفل الدرج اللي بجانب المطبخ ...اشوف المنطقة مناسبة وقريبة من المطبخ ..وحتى لو رفعتيها بدكة ماراح تأثر ع مساحة الحوش .. اتمنى اكون افدتك ..وتقبلي تحياتي |
السلام عليكم مرحبا مدينة الخبر ركن الشوي ليس بحاجة الى رفع صادق ليس بحاجة لرفع البارح قعدت بالبيسمنت وجلست اتأمل لقيت أنهم لسه ما دفنوا الارض ! يعني تقريبا متر او اكثر رح تروح بالدفان والفينيش يعني مجرد دور واحد اللي مضيق صدري ومابعد انصبغ ولا انزرع يعني اذا طلع عليه الشجر المتسلق بيصير اقل قسوة ان شاء الله وإن كان هذا الرفع لن يضره لكنه سيضيق من مساحة الحوش الساقط صادق سيضيق .. عشان كذا غيرت رايي <---خخخ كل شوي له راي :s14:: إلا والله حسيت إني لو بحط دكة مرتفعة .. خلاص خربت هالمنطقة وهي اصلا خلقة عرضها 5 امتار ب15 تقريبا السور بين ملعب الكره وبين الحوش الساقط سيكون من الحديد كما ذكرتي ايه استقريت إن شاء الله على اعمدة حديدة على شكل قضبان موب مرة متقاربة ومافيها موديل مجرد حماية بأقل تفاصيل ممكنة وركن الشواء نفسه سيكون مسقوفا مستوى سقف ركن الشواء سيكون بمستوى ارضية ملعب الكره أو منخفضا عنه بمسافه بسيطه بالتالي لن تشعري هناك بتأثير جوانتانامو طيب وش رايك أنا الحين هونت عن اني ارفعه مرة .. ودي ارفعه درجتين بس .. عشان الحوش اللي ورى ما يفقد تماسكه كحوش والا وش رايك ؟ توزيع ركن الشواء سيعتمد على اختيارك هل سيوجد به ركن لتناول الطعام ؟ جلسه مثلا ؟ أم أنه فقط للشواء ؟ ابيه يكون مستعد لكل هذا حسب ما تسمح به معطيات المكان من مساحة و نحوه مخطط السرداب مطلوب كي يمكن تصور علاقة ركن الشوي بتوزيعات السرداب ماله علاقة الحوش هذا ما يستحق يصير الا مكان شوي واكيد اللي بيشوي المعازيم فبالتالي لازم له مرافق مغسلة جلسة والاكيد انه لازم يحاط بالزرع و يسقف بعريش خشب ممدد عليه رشاشات مويه وش رايك برايي هذا ؟ إن المكان الشوي و الجلسة التابعة له مرفوع بدرجتين فقط وهالدكة محاطة بالزرع ؟ بانتظار مخطط السرداب وتوضيحاتك حاولت ارسم وبكرة بدور المخططات الاصلية عموما البيسمنت يحتوي على ركنين رئيسيين ايمن مطل على الدرج الآتي من ملاحق الرجال فيها حيمنيزيوم كبير الايسر فيها غرفة ترفيه للاولاد بالوسط بين هالركنين اول موزع فيه ستاند بالوسط فيه اربع مغاسل يمينك شاورين يسارك واجهة كلها مراية امامك على اليمين غرفة بخار وعلى اليسار فتحة توزع بالوجه حمامين وعاليسار غرفة معدات في يسار البيست منت مجلس مرفوع بدرجة مفتوح ثلاث حيطان فقط ثم بار ادري ازعجتكم بس والله حيرة مرة شديدة والمهندس التابع لنا سيغادر للاجازة ويقول حاولي يا مدام تقررين عشان اخلص اكثر شي ممكن والمدام كل يوم له راي :s4:: تكفون ساعدون الله يفرج لكم يارب وترى عندي كذا استفسار بعد مروا عليهم بقسم الحدايق يامهندسنا مدينة الخبر خاصة و يابقية المهندسين عامة الله يجزاكم الجنة :s2:: والآن اليكم مخطط البيسمنت بس لاتضحكون عليه http://www.almuhands.org/forum/imgca...9almuhands.jpg |
سبحان الله أن ليان شوفي ردي على مدينة الخبر
صادقة أختي صح لسانك كل كلمة صح بس المنطقة اللي جنب الدرج حق الديرتي كيتشن ما تنفع لانها مزحومة واظن حنيحط يها معدات مدري دينمو حاجة زي كذا وأنا أبي منطقة الشواء مرتبة عشان احنا اللي حنشوي و نجلس حواليها راجعي ردي على مدينة الخبر و علميني رايك فيه الله يجزاك خير |
هلا عزيزتي وسن.. قريت ردك ...والحيرة هذي وتغيير الراي طبيعية...(كلنا في الهوا سوا)..وسببها اكيد ان الواحد يطمح يوصل للأجمل والأفضل .. ومشالله عليكي.. فكرتك حلوة جدا ..واكيد التأمل ع ارض الواقع له دور فعال ..بالذات لمن يرافقه الخيال المبدع ,, واشوف انك لو تتأني وما تتعجلي عشان تاخذي وقتك الكافي بالتفكير ..والمتابعة يعني لو تصبرين الين ينتهون من مرحلة الدفان والفينيش ..وتشوفين الوضع بعدها .. احتمال تعجبك بدون ما ترفعينها بدكة بسيطة ..وامكن تشوفي بالفعل انها محتاجة رفع ليعطيها خصوصية وحضور أقوى .. وبالتوفيق ان شاء الله |
وسن اعانك الله في ما احترت فيه والله يسهل عليك كل عسير |
وسن اعانك الله في ما احترت فيه والله يسهل عليك كل عسير وياااااك الله يجزاك خير أخوي علي والله يتقبل دعاك و يرزقك بركته آمين صلى الله على محمد |
أوكي أم ليان بسمع كلامك و انتظر وهذي صور للبيت صورتها عشان انتي وبقية خواني المهندسين يشوفونها يمكن تتضح الرؤيا لهم هذي واجهة البيت http://www.almuhands.org/forum/imgca...8almuhands.jpg وهذا يمين البيت وأنا واقفة عند باب الشارع http://www.almuhands.org/forum/imgca...9almuhands.jpg وهذا وأنا بطريقي لدرج البيسمنت و يظهر في اليسار منطقة ملعب الكرة http://www.almuhands.org/forum/imgca...0almuhands.jpg وهذا درج البيسمنت وتظهر المنطقة العميقة أياها ناقعة مويه بعد مدري وش قصة هالمويه :( http://www.almuhands.org/forum/imgca...1almuhands.jpg http://www.almuhands.org/forum/imgca...2almuhands.jpg |
|
بانتظاركم
رفع الله قدركم واعلا شانكم الله لا إله إلا انت سبحانك إني كنت من الظالمين |
[align=center]
إن شاء الله مايطول إنتظارك :) ................................. لي عوده [/align] |
خذ راحتك مهندس بدر
وبانتظارك جزاك الله خير ووالديك |
قرات الموضوع بسرعه
الاسئله كثيره ومشتته.... والردود من الاخوه والاخوات شافيه للبعض منها بس على شان لا نتطرق لاي اسئله تم الإجابة عليها، ودي انك تحطين اسئلتك او النقاط الي مازلتي محتاره فيها على شان ادرسها مع الصور والرسومات الي رفعتيها وابي احاول اغطيها لكي بقدر المستطاع |
ما شاء الله تبارك الله.. ألله يهنيكم بهالبيت ويجعله منزل مبارك لكم.. أختي ممكن سؤال لو سمحتي؟.. معليش باغير الموضوع بس بالنسبة للنوافذ.. هل الزجاج اللي استخدمتوه عاكس أو غير عاكس؟ ممكن تقولين لي أيش نوع الزجاج أو وين أنتو عاملينه؟ ألف شكر لك والله يوفقكم.. خالد |
ركن الشوي المكان المرغوب هو الركن ولكن طريقة توزيع مكان الشوي واشياء اخرى (ستاند الشاورما) في حالة العزايم المكان يكون قابل للجلوس (تمديد تلفزيون ونحوه) بوريكم الشكل اللي تخيلته و ارجو تصويب و تنقيح افكاري |
جزاك الله خير مهندس بدر
والله يجعل خدمتك لاخوانك خالصة لوجهه الكريم وفي ميزان حسناتك يارب khalid01 ما شاء الله تبارك الله.. ألله يهنيكم بهالبيت ويجعله منزل مبارك لكم.. جزاك الله خير ياخوي الله يمهلنا وأياكم ويلحقنا خير وكل مسلم صلى الله على محمد أختي ممكن سؤال لو سمحتي؟.. معليش باغير الموضوع بس بالنسبة للنوافذ.. هل الزجاج اللي استخدمتوه عاكس أو غير عاكس؟ ممكن تقولين لي أيش نوع الزجاج أو وين أنتو عاملينه؟ والله سألت لك تو الشخص المسئول عن متابعة العمار وبيجيب لي اجابة اسألتك بعد ما يتأكد بس ليه ما سألت عن عزله للصوت من عدمه <---هذي الوحيدة من المواصفات اللي أعرف إنها فيه (: ألف شكر لك والله يوفقكم.. العفو أخوي .. و الله يوفق الجميع يارب خالد |
اقتباس:
أخوي خالد سألت لك وطلع : زجاج غير عاكس (اللي برا جوا يشوف اللي برا و اللي برا ما يشوف) من مصنع المناع له عدة فروع منها صناعية السلي لونه أخضر فاتح من الخارج و أبيض من الداخل |
اقتباس:
أختي وسن،، الله يعطيك ألف عافية وشكرا على المعلومات المهمة.. والله يوفقنا واياك لأكمال البناء !! خالد |
كم المسافه مابين البيدروم وبين الركن الخاص بالشوي ............. حسب كلامك، المساحه الحاليه هي 15*5 وهي المعلومه غير دقيقه لوضع التصور لكن لنبدأ في طرح الافكار : 1- ركن الشوي والفاير بليس ركن الشوي كما تفضلتي، عباره عن زاويه وشخصيا ارى انها تكون مقاربه لهذي الصورة مع طبعا تغيير منطقة الشوي، ولا تنسين احتوائها على تجهيزات كافية، مثل مكان الغاز ( اذا كان الشوي بالغاز، او مكان لتخزين الفحم والحطب) ووجود مجلى لعملية التنظيف مع منضده او طاوله رخاميه او اياَ كانت خامتها لعملية التقطيع او التجهيز او التحضير. وهذي المعلومات اكدتيها في الرسم وبينتيها، لكن احببت اؤكد عليها من جديد. 2- رفع ركن الشوي او منطقة الشوي: رفع منطقة الشوي عن بقية الحوش الساقط ،فكره ذكيه، لتاكيد اهمية هذه المنطقة واعطائها عنصر جمالي اكبر، وسؤالك عن عدد الدرجات بتعتمد إجابته على عنصرين، العنصر الأول رغبتكم في تمييز موقع الجلسه، ثانيا: موقع الدرج والمساحه الخاصة به . بالنسبة لموقع الدرج، ليس التوسط هو الحل الوحيد، ففي حالة ضيق المسافة بالإمكان وضع الدرج في احد الزوايا، وذلك هو الأفضل لسبب بسيط، وهو سبب عملي اكثر من كونه سبب جمالي، وهو عند التجهيز للشوي يكون الدرج اقرب مايكون لمنطقة الشوي، خاصة عند نقل اللحوم والمستلزمات، فلن يكون الشخص مضطراَ للمرور من خلال الجلسه ليقوم بنقل المستلزمات او غيرها مساحة منطقة الشوي، تحدد مساحة منطقة الشوي بناء على مساحة الخدمات الخاصة بالشوي، من منطقة شواء وفرن، ونحوه، وهي في حالتكي عباره عن الزاويه المقترحه، وتضاف إليها مساحة الجلسه المخصصة. هل هي مخصصة لاقل من 8 أشخاص او اكثر؟ بطبيعة الحال، المساحة المعقوله لمنطقة الشوي ، والتي اعني بها هنا هي منطقة الجلوس ، هي 15 متر مربع ، توزع بالطريقة الي تلائم الحوش الساقط، دون إعاقة الحركة 3- وضع السقيفه او العريشه فوق منطقة الجلوس: السقيفه او العريشه تستخدم لسببين، السبب الاول يعتبر سبب وظيفي بحت وهو وقاية الجالسين من اشعة الشمس المباشره، السبب الثاني، عامل جمالي السقيفه تتفاوت احجامها ومساحاتها حسب التصميم المطلوب وحسب رغبة المالك والمساحه المخصصة للسقيفه، مايهم لديكي هو المساحه المخصصة للسقيفه، هل هي كافيه، هل ارتفاعها ووجودها لن يخلق نوعا من الإزدحام في الحوش الساقط هذي بعض الانواع لتعطيكي صوره عن الكلام السابق 4- الاندسكيب او الزراعة والتشجير: شخصيا انا من اشد المؤيدين لعمل توازن بين الغطاء النباتي بانواعه ( اثيل، شجيرات، اشجار) وبين التبليط في الاحواش الساقطه او غيرها من المساحات التي تهدر بالتبليط. مساحة الحوش الساقط، من السهل الخروج منها بلوحه جميله متناغمه تجمع مابين ركن الشوا ومابين المسطحات الخضراء ومابين التبليط الأنيق الافكار سهله جدا، اتركي مع بعضها لفتح باب الإلهام [IMG]http://www.almuhands.org/forum/imgcache2010/1/57***almuhands.jpg[/IMG] |
السلام عليكم م/ بدر وبقية الاخوان و الاخوات هذا مخطط المنطقة المراد تصور لها (الآوت دور) مع تغيير بسيط فقط في التوزيعات اللي داخل البيسمنت (الإن دور) يعني ماله علاقة بالترتيب الخارجي اللي محيرني http://www.almuhands.org/forum/imgca...7almuhands.jpg |
[align=center]سأحاول وضع مقترح وتصور لركن الشواء في البيسمنت إن شاء الله[/align]
|
الله يجزاك خير يا مدينة الخبر وحتى تأتينا بالمقترح الله يجزاك خير عندي سؤال لك ولبقية الاخوة و الاخوات ودي تفيدوني بمسألة الدهانات أنا أبي شركة (أجيال الرياض) شارع التخصصي تسوي البويه ولكن زوجي (يعمل في المقاولات عامة-مشاريع لكن ليست فلل-) لديه دهانين ويقول جربي الدهانين اللي تبعنا بنوفر كثير .. وإذا ماأعجبك شغلهم .. ساعتها نتعاقد مع أجيال الرياض بس خلينا نجرب نوفر بالأول وقال الأرضية دفعنا فيها عشان صعب تركيبها بعد ما الواحد يسكن .. بس البويات نحط شي معقول أو نحاول نخليه معقول قدر الإمكان عشان هالشي بسهولة الواحد يغيره وأنا اقتنعت إني أحاول أوفر بهالجزئية السهلة التغيير لاحقا السؤال الحين .. وش أقول للدهان ؟ .. وش الاسم المتعارف عليه للفينيش (الفرنسي/شديد اللمعان والنعومة) و (الإيطالي/الغير ناعم ولكنه لامع) اللي أنا شايفته عند أجيال أظن الفينيش الفرنسي اسمه ستوكو إذا ماني غلطانة ؟ علما بأن بيتي طرازه ريفي أوروبي وسأدرج صورة البيت الأوروبي اللي اقتبست واجهته عشان تقدرون تساعدوني أكثر بخامات الدهان و شركاتها مهندسينا .. تعبناكم معنا اسأل الله أن يجعل ماتقدموه خالصا لوجهه تعالى وفي ميزان حسناتكم آمين صلى الله على محمد |
| الساعة الآن 02:45 AM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com