مساعده من اصحاب الخبره ؟محلات ادوات صحيه بجده- سيراميك- بويات -
عندي شقه وبتوسع في الشقه المقابله يعني بافتح جدار المطبخ بيكون طويل وغرفه الجلوس
احتاج لتصميم سامحوني اكثر كمان احتاج محلات مطابخ علما انه بالمنتدى عرفت مطابخ الصفوة وفعلا رحت افضل سعر وتصميم حلو ومقبول محلات ادوات صحيه بجده- سيراميك- بويات - اكسسوارات لداخل دواليب المطبخ----------- باسعار معقوله ويعطيكم العافيه :s11:: |
هلابك اختي اسمحيلي اعدل العنوان ليتسنى الرد عليك |
شكرا زخات مطر مافي احد ساعدني برد كنت متفائله بكم اجابه ؟_؟ |
اقتباس:
هلابك اختي اذافتحتي المطبخين خلي مطبخ والثاني طاولة طعام عائلية والادوات الصحية افضل الانواع والشركات جروهي موجودة بكل المحلات بسوق غراب واسعارها معقولة السيراميك والبورسلان عندك محل اسمة الحوراء اسعاره جدااا معقولة بالنسبة للسوق وعندة صيني نخب اول وثاني وموقعة شرق الخط السريع بعد حديقة الانعام الجميلة واكسسوار المطابخ عندك الحيدري بشارع الاربيعين قبل مستوصف الانصار يمين قريب من مقر الاحوال المدنية الجديد وانصحك خذيها من ايكيا ارخص والبويات او الدهانات اثنين عندك شركة جوتن وشركة الجزيرة وكثير محلات تتعامل معهم وعندها كتالوجاتهم وربي يوفقك |
زخات مطر وجودك فعلا ندي
اشكرك اخيرا احد اعطاني رائيه. بالنسبه لجروهي سمعت انها غاليه بالنسبه للادوات الصحيه . والحيدري رحت عنده لقيته غااالي ياريت بديل للأكسسوارات داخل الدواليب لأنها ضروري اركبها لسهوله التوزيع السيراميك انشاء الله بروح اشوفه ما قصرتي عل الوصف ما خطر ببالي ايكيا كيف اسعارها في الاكسسوار لتقسيم الدوالاب الداخلي فكررره اشوفها يعطيكي الف الف عافيه فرحني وجودك وردك ^_^ |
اقتباس:
وعنده خصوم حاليا ... اذا كنتي من جده ليش ما تاخذي الادوات الصحيه منه ؟؟ الله يعينك و يوفقك يا رب .. تحياتي مع روح الورد ,, |
احلى كلمه اسم حلو
نورتي شفت اليوبي فعلا وعنده خمسين بالميه لاكن نفسي في اشكال غير تناسب لون السيراميك الي شفته على بني ابحث عن شي كالرخام الصناعي بنيات متدرجه يعني عندك الاباء تححفه بس غالي ابحث عن بديل له مناسب في السعر الشقه لسه باقي لها شهرين وتخلا من السكان عشان نبدا الشغل فيها بس دماااغي بدأت في التخطيط والترتيب عشان تنحسب الامور وتكون محدده وواضحه وعملت ميزانيه معقوله للشقتين ادعيلي ربنا يوفقني ومشكوره |
اختي ممكن تمرين محلات تفصيل المطابخ وتساليهم افضل والسيراميك لفي شوي على محلات الخط السريع بتلاقين اشياء حلوة موفقة يارب |
عزيزتي زخات مطر الخط السريع روووعه واسعار معقوله محلات النهضه للسيراميك والمدى ومكارم النخبه احلى اسعار واشكال حلوة بس دعواتكم ربي يتمم لي على خير كل ما اتمنى
يعطيكم العافيه يا احلى منتدى |
اقتباس:
الله ييسر لك كل عسير ويتمم لك البيت وانتي بصحة وعافية وتتهنى فيه يارب وتعمرينه بالطاعات قولي امين |
الساعة الآن 06:55 AM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com