|
عنود سهيل الله يحييك من الاساسيات عند تنظيف الموقع تغطية أبواب الخشب و الحديد من الأسفل متر و احد و الأفضل أن يتم تغليف الابواب تماماً وضع النايلون على الجدران جيد لكن له اثار الشطرطون احياناً تكون البوية جديدة فيؤثر عليها خاصة إذا كان قوي تغطية درابزين الدرج تركيب حنفية عادية بكل دورة مياه و مطبخ للحصول على الماء داخل دورات المياه لأن في حالة عدم وجود هذه الحنفيات يجعل عامل التنظيف يجر و يسحب لي الماء لحد ما يعدم الدنيا بعد التنظيف و الانتهاء تماماً من داخل الفيلا يتم وضع قطعة سجاد أو قماش عند المداخل و يبداء السباك بتركيب الأدوات الصحية و الخلاطات داخل الحمامات و عندما ينتهي السباك تماماً يتم جلي و تنظيف الحوش مع مراعاة الأدوات اللي يستخدمها معلم الجلي لأن للأسف أن كثير منها مساحيق و منظفات قد تؤثر سلباً على السيراميك و البورسلان و الرخام |
عنود سهيل
ماكفاك التعليق هناك جايتن تكملين علينا هنا أقول إركدي لا يطيرونا من هنا وهناك ثمن أبحل بعمري وش لون بكمل بيتي من غير اسئله :s2::........هاهاهاهاهاهاي إسترخاء حياك الله زين هالموضوع الي خلاك تطلين علينا إلا وش أخبار حلوه ومشكلة واجهتها |
سفريات ادرسي اسئلتك عدل قبل لاتحطينها ترى بتجيبين العيد وبترجعين الذي مضى :s23:: استرخاء ياعساك الجنة قولي آمين وطلعتي فلته باللبناني عنود سهيل يالله تتمم عليك بخير بس تنظيف البيت خلك على ماقالت استرخاء والله يسهل على الجميع ونفرح بتنظيف البيت بعد هالمشوار :s2:: |
جبنا شركة تنظيف للبيت وطلبو علينا سعر غااااااااااالي واحنا بيتنا ما فيه وساخه يعني مجرد مخلفات عاد انا قلت لابو الشباب اببببببببببببببشر انا انظفه قصدي اشرف على تنظيفه انت بس جب لنا عامل وخدامات الاهل ما يقصرون .. وخدامتي خلها تحلل معاشها هاليومين كل شغلها بهالشقة ويالله تقوم فيه .......عاد ابو الشباب تحمس وقالي يالله قومي كتبي لسته بالمنظفات والاشياء الللي تحتاجينها لتنظيفه ........
عاد يوم جد الجد اللحين الصبح يسألني وين اللسته وانا مضيعه ما ادري شكتب ؟؟؟؟ منظف جف ولاكلوركس ولا شنو ؟ ما ادري وبدت الدلاخه والتوهان ومو عارفه من وين ابدأ .؟ داخله وابغيكم تساعدوني والا تراني بضف عفشي وبروح قسم التنظيف والتنظيم و ابسط هناك .. >>>تهدد بعد .. المهم .. اللحين انا ناوية ابدأ بتنظيف البيت حبه حبة .. يعني الحمامات بما انها تركبت و ابوابها ونوافذها ببدأ بتنظيفها اول شئ .... وبعدين وش اسوي انظف شنو ؟ و شنو ؟ وشنو ؟ وووووووالخ ........لما تطلع روحي بسم الله علي ... ملاحظه : الحنفيات ركبناها خلاص ؟ ماركة قروهي ؟ و انتو قلتو لازم ما تتركب الا بعد التنظيف عاد اللحين خلاص اللي صار صار بس اشلون احميها من المنظفات ... ملاحظه 2: الابواب راح تتركب خلال هالاسابيع .. الفزعه ساعدوني ......... |
استرخاء .. امس دخلت موقع المهندس وشفت موضوع لتنظيف البيت وكنتي مشاركه فيه مبرووووووووووك على وصولك لهاذي المرحلة ويتمم لك ربي على خير وتسكني بيتك بصحه وعافية وييسر لك امورك .. عاد انا من عرفت انك جبتي عامل خلااااااص هونا عن الشركة و قلت لزوجي تجربتك واقتنع فيها ...هذا غير ان شركات التنظيف اغلب اللي تعاملو وياهم ما يمدحونهم ما ادري ليش ؟ عاد انا ادري انك ما بتقصرين وياي بنصائحك الحلوة .. ياريت تفيديني وتساعديني وش هي الخطوات اللي نظفتو فيها البيت ؟؟؟ وش الاشياء اللي تحتاج تنظيف ؟ يعني على ما اعتقد ان الجدران والاسقف ما له داعي ننظفها ولا بعد تتنظف ههههه ؟ الارضيات وش الاشياء اللي استخدمتوها لتنظيفها ؟ ارضيتنا بورسلان و ما عندي رخام في بيتي كله ؟ الاطقم الصحيه ؟ ووووغيره .. انا اشتريت من العملاق اللي اعلانه فوق في المنتدى .. وش رأيك فيه يصلح لو لازم منظف اقوى ؟ والكلوروكس والجف والفلاش وين استخدمهم ؟ مع العلم انا احنا ركبنا الخلاطات والمكسرات والحنفيات وكل شئ من ماركة قروهي وقال لنا المحل ما نستخدم لها هالمنظفات ؟ اتمنى اني ما ازعجتك بأسئلتي هاذي بس الله يعلم شكثر انا اللحين محتارة و ضايقه علي من الحيرة مو عارفه من وين ابدأ وشلون ؟ مع العلم ان مو انا اللي بشمر عن السواعد وبفرك لا يزعم بس اشراف بس ما ادري اشلون اشرف عليهم ههههههههههه .. ساعدوووووووووني بنات ومهندسين >>شدخلهم بالتنظيف ..تراني بصيييييح .. >>>دموع تماسيح ككككككككك... |
هلا والله بغلووووووووو يحليلك ضحكتيني
(ساعدوووووووووني بنات ومهندسين )<<<<<< مايركبون مع بعض |
:s13:::s13:::s13::
سفرفر داشه تعلقي هالكلمه ههههههههه :s31:: هناك عاد ما في الا بنات اهني في مهندسيييييين .. من البيت على ورق الى تسليم المفتاح يفهمون بكل شئ >>>تف تف لا نعطيكم عين .. كاهو للبناء فنون اعطانا معلومات قيمة ما شاء الله عليه خبرررررررة .. ولا اقدع ست ههههههه .. >>> انا توني ادري ان الحنفيات تتغير بالفلاش جان رحت فيها من ابو الشباب علقني بمشنقة هههههه ولا قبضني الباب >>> مسويه فيها ضعيفه |
كل ما ادخل
اجلس اضحك مافيه شيء اعلق عليه :) |
مبروووووووووووووووووووووووووووك عليكم المطر اهل الرياض .........
جعلها الله امطار خير وبركة ...........:s11:::s11:: |
مهندس ،، بدر // طيب وش ضارك اضحك ووسع صدرك . قبل ما يصير الضحك بفلوس . بو عذبه // الله يبارك فيك ،،،، و يجعله اللهم صيباً نافعاً . |
| الساعة الآن 09:43 AM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com