تصميم بيتي واحب اشوف رايكم
 

السلام عليكم جميعا
اولا احب اشكر الجميع لاني استعنت بهذا المنتدي الرائع بشكل كبير بعد الله لتصميم بيت العمر لكن تعرفون ارضاء الناس غاية لاتدرك واعتقد اني وصلت لقناعة تامة بان التصميم يتوافق مع رغباتي والحمدالله بس حبيت اشوف اراء عل وعسي نستفيد منها
وهذا هو تصميم البيت الطابق الارضي والاول



https://www.dropbox*****/s/0qbevvnlqr...2014.07.05.png

https://www.dropbox*****/s/e8rjrvnxw2...2014.06.59.png

ماشاء الله تصميم رائع لكن اتوقع مكلف جدا ناوية اصمم بيتي قريبا منه لكن اصغر فلو ساعدتني. كم مساحة البناء وكم مساحة الارض واين مجلس النساء وكيف يدخلن
على المقلط وبالتوفيق

سؤال اخر هل من الممكن فتح المقلط على الصالة بباب سحب كبير حتى تستفيد من المقلط في حالة عدم وجود ضيوف وهل فكرت في المصعد والمسبح

صباح الخير محبة طموح وشكرا لذوقك
بالنسبة للتكلفة صحيح غالي بس هذا بيت العمر والخسارة في بيت العمر ماتعتبر خسارة
الارض مساحتها 60*60 متر ومساحة الفيلا مع الملحق تقريبا 900 متر ومساحة البنا كامل تقريبا 1000 متر
مقلط النساء او مجلس الحريم هو اول غرفة علي اليمين بعد المدخل مكتوب عليها (family living) وانا مش ناوي احطلها باب بيكون مفتوح عشان اعطي الشخص شعور بالوسع وبالنسبة لدخولنا لو فيه ضيوف نستخدم الباب الخلفي الي يودي علي طول المطبخ التحضيري وغرفة العائلة
المسبح فكرت فيه طبعا وانا تعمدت تكون ورا البيت مساحة 12 متر تقريبا ممكن تكون للمسبح او حديقه وقعد للعيال والمصعد فكرت فيه بس لين الحين ماعندي قناعة كاملة احطه

ملاحظة بسيطة لوغيرت مدخل النساء عن الرجال يعني مدخل النساء من جهة الشرق والرجال من جهة الجنوب الا يكون افضل واذا تبي نصيحتي لوصغرت البيت اشوي احس الكبير في هالزمن بس حق التنظيف يعني مثلا الغرف الي تحت ايش الفايده منها هذا مجرد رأي وانت صاحب القرار والله يكتب لك الخير

البيت الكبير للعيال احنا مابنتم في الدنيا الله يخليهم ويطول عمارهم بالنسبة للغرف الي تحت للضيوف الحمد الله أهلي وانسابي كل نهاية أسبوع عندي (اللمه حلوة) وغرفهم جاهزة يرتاحون فيها أي وقت وهي للزمن هههههه (يعني لما أكبر انا وأم العيال الله يحفضها نقعد تحت) بالنسبة لمدخل الرجال لو لاحظتي انه من برا الفلة أساسا والمجلس والمغاسل وغرفة الطعام منفصلين تماماً عن الفلة
بعدين احنا الرجال ما نصبر عن القعدة برا يعني ممكن بعد فترة تشوفين مجلس خارجي أو خيمة وتكون مجلس للرجان وهذا المجلس يصير من نصيب ضيوف أم العيال ههههه(راحتكم تهمنا يالحريم) وانتي تعرفين الزمن تغير الحين جارك ما تعرف اسمه وممكن يزورك ممكن في العيد بس يسلم
بس شكرًا للملاحظة

الله يوفقك ويتمم عليك بخير انا شايفه الباب لكن كلهم من جهة واحدة يعني مابين البابين الامترين. مادري احس اريح للحريم يكونون بعيدين عن الرجال انا سويت بيتي قريب من بيتك لكن الباب الكبير للعائلة وباب الرجال مثلك خارجي اما النساء فتحت لهم من جهة الشرق

انا ماشوف المهندسين ردوا عليك بعد واظن السبب انك ما نزلت الموضوع في القسم المناسب وأظنه في قسم استشارات هندسية أشوفهم يردون هناك بسرعة ومايقصرون فلو نزلته هناك أتوقع أفضل والسلام دعاءي للجميع بالتوفيق

اتمني المشرفة زخات مطر تساعدنا في موضوع النقل للمكان الصحيح
وبالنسبة لمحبة الطموح خلينا نشوف التصميم يمكن استفيد

ماشاءالله جميل الله يهنيكم