|
سؤال عن بيت الكهرباء
مرااااحب لكل الموجودين:s25:: حنا اللحين بالعظم وكل يوم انا وسي السيد مختلفين هو يقول يمين وانا اقول يسار :s6:: مالكم بالطويله هاللحين الشيء اللي يسمى القسام (موزع) الكهرباء يعني الفتحه اللي بالغرفه ويكون مجمع الاسلاك... انا ابغاه بشكل جمالي اكثر يعني مايكون مربع ومغطى ببلاستيك زي اللي دايم نشوفه بالبيوت هل ممن الممكن يكون تحت بالارض مايكون بالجدار او مكان غير واضح ؟؟ هيلب مي بليييز :confused::confused: |
هذي مسأله ما فيها شطاره كثيره .. والخيارات محدوده أمامك فاشتراطات ادارات الكهرباء تنص على أن تكون مرتفعه عن الأرض .. وسهل الوصول اليها .. وشكل الصندوق ( المعدني وليس البلاستيكي ) هو شكل قياسي معتمد من ادارة الكهرباء ولا تملكين تغييره أو تعديله ما يمكنك عمله هو جعل موقع ( لوحة التوزيع - الطبلون ) في موقع مخفي .. وليس واضحا .. مثل تحت الدرج - بجوار مدخل الخدمات الخلفي - ممر خلفي ... الخ ) كما يمكنك تجميل مظهرها وشكلها بعمل خزانه مناسبه لها .. مع ضمان تهويتها ( المشربيات مثلا ) أو تعليق صوره أو منظر طبيعي فوقها .. وغيرها من الحلول الديكوريه فكري دائما بأن هذا الطبلون أو لوحة التوزيع سيكون أول ما تبحثين عنه في حال حدوث عطل كهربي في المنزل |
شكرااا ياسيد ادهم وعطيتني افكار حلوه للطبلونات بس كان قصدي ... القسام (العلبه البلاستيكيه ) الموجود في كل غرفه واللي يوصل الكهرباء من الافياش للطبلون واللي يكون حجمه 20*20 |
المعذره سيدتي على سوء فهمي فأنظمة الكهرباء عندنا لا تتواجد بها مثل هذه القسامات أو الموزعات فقط هناك لوحات توزيع .. ومنها يتم سحب اسلاك لكل نقطه كهرباء على حده ربما يختلف نظام الكهرباء عندنا عن الانظمه عندكم اكرر لك أسفي سيدتي |
هل المقصود من النقطه علبة الاسلاك الموجوده اسفل السقف اللي من خلالها التمديد للافياش واتمنى انه يكون فيه توضيح اكثر علشان اسوي زي ماتفضلت وقلت لي لانه فكرة العلبه اللي موجوده بكل غرفه انا رافضتها ومو عاجبني شكلها |
هلا بك أصلا ليش العلب ؟ استخدام العلب (القسام) سواءً 20 * 20 أو 15 * 15 هذا في عداد النسيان وما عاد أحد يستخدم هالطريقة عند العمل وفق الطرق الكهربائية الصحيحة حيث أن التمديد يكون مباشرة من الطبلون إلى كل مفتاح أو فيش دون عمل علب للتجميع |
شكرا مهندس ماجد
طيب احنا خلصنا عظم واعتقد الكهربائي يكون خلص تمديد الليات بالصبات حسب النقاط اللي حددناها.. ممكن الان نطلب منه عدم وضع علب والتمديد مباشره لكل نقطه وبعدين هل هذا يتطلب شغل اضافي عليه لو تحجج بذلك مثلا وهل هذه الطريقة لها سلبيات اتمنى تنورنا يا استاذنا |
| الساعة الآن 11:54 PM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com