اسم ماركة كرسي المرحاض
 

نحن في مرحلة تركيب الأدوات الصحية وكنت قد خزنت اسم ماركة كرسي المرحاض (من زود الحرص في أحد جوالاتي)لكن للأسف فقدتها وحاولت البحث عنها في المنتدى لكن فشلت محاولاتي
أتذكر أن الذي كتبها أحد المهندسين ياليت اللي يعرف يرد عـــــــــاجلا
وله دعوة في ظهر الغيب

لالالالالالا 13 اللي دخلو ولا واحد يعرف
تكفوووون أبغى اسم الماركة الجيدة للكراسي الأفرنجية وياليت مكانهم في الرياض وين أحصلهم ؟
بانتظار الرد على أحر من الجمر

هذا الرابط ممكن يفيدك

http://www.almuhands.org/forum/showthread.php?t=104415&page=2

اللهم وفق صاحبة الرد وأعنها على ذكرك و شكرك و حسن عبادتك، و وفقها لما تحب و ترضى، و أحسن خاتمتها

فتحت الرابط لكن احترت بالأفضل هل
بورسلينا أو أمريكان ستاندر أوسمعت عن كوهلر أوسيلفر
وش رايكم ياأهل الخبرة؟؟؟؟ بغض النظر عن السعر

جزاك الله ألف خير ومتعك الله بالصحة والعافية
ماقصرت اخوي للبناء فنون
كما عهدناك متعاون جدا...... نفع الله بك

اختي سكون
حبيت اردفي موضوعك لان الكلمه امانه والرد ضروري لمن عنده تجربه
والمفروض الانسان ينصح للناس بالي كان وده احد يرشدهويدله عليه
من تجربتي المتواضعه

ابعدي ثم ابعدي ثم ابعدي عن كراسي سلفر الصينيه
فعلا تراها مطب كبير
مدحوها لنا المدى مدح لين خلاها احسن شي وقلنا محل كبير ويخافون على سمعتهم
وقال لنا بعنا من هالموديل10 الاف كرسي
ووو-وبعدين تاكدت انهم بايعينها على شقق مفروشه وفلل للبيع وفي هالحاله مايهيم الا الرخيص


لين خذناها
والي اغرانا ان سعر الكرسي الواحد ب450 ريال
مقارنه بالماركات الايطاليه ب2000 ريال للكرسي
يعني اربع كراسي بسعر كرسي حمام ايطالي تقريبا
وقلنا راس ماله كرسي اذا ماصلح نغيره

بس للامانه
ابعدي عن الصيني قد ماتقدرين
في كل شي شطافات خلاطات
ولو قالوا لك نخب اول
الي يقطر 24 ولوكنتي
مسكرته
والحمام صاير مسبح حسبي الله عليهم
ليتهم علمونا بعيوبها قبل لو انهم قالوا لنا هذا رخيص وفيه هالعيوب وهذا غالي والله اريح


معليش اختي والله بنبهك لها النقطه
السيفون الي يضخ مائه بشكل الدوران اعزكم الله
مره سيء
سواء من سلفر او غيره

ومساله انك تقولين بغير بعدين تراه صعب
جدا لان البيت محتاج اشياء ثانيه مهمه اكثر
وبتقولين على الاقل هذي راكبه
اشوف الي ما ركب
وحليني لين تلقين سباك يجي علشان هالامور
يايجي على شي بيكسره والا فلا
ههههه تاكلهم يديهم على التكسير ياكافي هههه


هالحين لي 5 اشهر بفصل مطبخ رئيسي ومغاسل وووو
ما قدرت وماسويت شي غير التفرج على النت فقط هههه
ترى البنيان غثيث
والواحد يصل لمرحله يمممممل
ووده يريح
وان شاء الله انه الهدوء الذي يسبق العاصفه

فعلا أنا ماأرتاح لأي شي صيني مع انهم يقولون أول من بدأ بصناعة الكراسي الصين
أعجبتني أكثر ماركة أمريكان استاندر
ألف شكر استرخاء على النصيحة وحرصك على منفعة الآخرين
وأسأل الله العظيم أن يجعلها في ميزان حسناتك يوم القيامة

شكرا لمرورك مهندسنا المبدع للبناء فنون

كان الله بعون الجميع
ومثل ماتفضلوا الاخوان ابتعدي عن الصيني لو مدح لك مليون مره
جزاك الله خير استرخاء - نفس الشي انمدح لي سلفر كثير
لكن من نظره وحده عرفت ان لو بلاش ما آخذه
فيه كراسي مجربينها اسبانيه رائعه جدا بحثت عنها
في السوق وحصلتها عند محلات الدوسري اسمها اندوسا indusa
سعرها بحدود 1400 مشكلتها مقاسها مايتوافق مع الحمامات عندي
--------------------------------------
وبداءت ابحث عن بديل هناك العديد من الصناعات والماركات
استنتجت بعض النوعيات الجيده
امريكان استاندر -القي تجربه وانتي بكرامه في دورات
المياه في اسواق غرناطه (معذره على الاقتراح ولكن بيت الراحه يتطلب
المزيد من الجهد والبحث عن الافضل ):-)
روكو اسباني -للتجربه- اسواق الرياض جالري ممتازه وهي من اول الخيارات عندي
الخزف السعودي اسواق المملكه ( الوليد بن طلال يقدر يشتري شركات ثانيه :-)
من وجهة نظري الخزف ممتازه وعيبه غطاء الاكرليك ضعيف

راس الخيمه اعجبتني بعض الموديلات ولفت نظري وزنها الثقيل
وقوة غطاء الاكرليك وهي خياري الأول مع الاسباني روكو
سعر راس الخيمه الجيد يترواح من 600 الى 3000
واغلي كرسي عندهم ابشع شكل كرسي شاهدته في حياتي

تحياتي واتمنى اكون افدتك

تواجدك جدا أسعدني زهور الأرياف وسعدت أكثر عندما قرأت ردك
ماشاء الله اطلاعك واسع
انقذتيني من الحيرة اللي كنت فيها وان شاء الله راح اشتري كرسي وانا واثقة :s13::عند بيت العمر يهون كل التعب
جعل الله التميز حليفك
دمتي بحفظ الرحمن....

يامرحبا ياسعدنا المهندس أدهم عندنا
الكراسي أرضية عادية
ها...... اش رايك يا باش مهندس؟

شكلها جميل لكن أريد العملية منها للاستعمال اليومي وتعيش لسنوات

اللــــــــه أكيد يرضيني
أقصد مش بتاع ضيوف استعمال قليل

المغسلة خلاص انتهينا منها الكرسي والسيفون تقريبا 1000ريال

كويتي ........؟؟؟؟؟؟؟؟؟؟؟؟؟؟؟؟؟؟

مو كل شي عليه ضمان كويس

ولا وش رايك

جزاكم الله خير

سجلت عندي افضل الماركات وان شاء الله نبتعد عن الصيني الف شكر اخت استرخاء على ذكر تجربتك وحرصك على منفعه الناس ..

ياليت يكون فيه موضوع يكتبون الاعضاء عن الاشياء اللى ندمو عليها عشان ما نخسر زياده ..

:s11::



جزاكم الله خير استفدنا منكم ومن خبرتكم :)

سلمت يمناك مهندس أدهم وألف شكر على المعلومة الجديدة
السوق مليئ بالماركات العربي والأجنبي مما يزيد من حيرة المستهلك
لكن هل أكواسان تتفوق على الخزف السعودي من ناحية الجودة وخدمة مابعد الشراء
أدري انا أتعبناك مهندسنا الفاضل
لكن اسأل الله أن يجعل ذلك في ميزان حسناتك

اختي احنا ركبنا المراحيض والمغاسل والشاور ماركه برتغالية لكن موديلاتها عجييييييييبة تهبل بصراحه واسعارها مو رخيصة لكن قوووووووية حتى اني ركبن فوق المرحاض اشوف قووته حسيته ثقيل وقوووووي عدل ..

مو متأكده من اسم الماركة بس يمكن .. سوسداين

اتأكد وارد عليج خبر .. بالتوفيق ..

بصراحه الكويتي ....يعني مغامره هههههه بس اذا هو قوووووووي و مضمون متأكده ان سمعته راح تسبقه و بتنتشر موديلاته واسمه بالسوق .. اما اذا العكس فما راح يأخذه احد وبيطيح بجبدهم ههههه

كلام مهندس ادهم ثقه وله وزنه
ومع الصناعه لوطنيه والخليجيه والعربيه
----------------------
سبق ومريت معارض السهو في التخصصي
ماشفت اكوسيل :-) لان عرضهم سيئ
ومحلهم يشعرك بان الزمن توقف لديهم في عام 1985م
رغم ذلك لفت نظري معظم الكراسي عندهم جيده
وميزت احدهم لجودة تشطيبه ووبين البائع انه صناعه ماليزي؟؟
يمكن يرد البائع ليخاطب عقلية الجميع وبدل مايقول كويتي
يقول ماليزي الله اعلم
تحياتي ومتابعين

الكويتي قد يكون مغامره .. ولكنه مغامره مضمونه .. كما كانت أحواض البانيو والشور من مصنع أوال البحريني مغامره حلوه أثبتت نتائجها جودته ومتانته


كما ذكرت سابقا .. التجربه هي خير برهان

وحلاة الثوب .. رقعته منه وفيه

اختي جبت لك اسم الشركه sanindusa

برتغاليه ..

ألف شكر لك غلا الروح

طبعا ما شكك بكلام المهندسين لا مهندس أدهم و ولا غيره

ولو كنت شاكه ماجيت هالمنتدى عشان استفيد منهم ومن خبراتهم

بس ما عمري سمعت عن الكويتي !!!!

يعني حتى انه ماهو متوفر بالمحلات

انا شفت كراسي صينيه و عليها ضمان مثل ماتفضلت بس الكل ما ينصح

و العالم ماتنصح فيه من واقع تجربه مو من فراغ ..

و الخبير بيعرف اذا كان الكرسي يستحق هالضمان أو لا

بس اذا ما عنده خبره شي طبيعي بيبتعد عن هالصناعات

حتى لو عليها ضمان

و يمكن اغلبية الناس من عندها خبره و تعتمد ع الاستفسار والنصحيه

و تجارب الآخرين و هذا اللي يخليها تتجه الى الصناعه الاروبيه

مو لانه عندها عقدة الفرنجي برنجي مثل ماتقول ..

و اذا الصناعه الخليجيه صارت ممتازه اكيد فخر لنا كلنا

و اذا انت مجرب شخصيا و شفت بنفسك جودتها مع الاستهلاك

يمكن ناخذ منها ليش لا

تحياتي

السلام عليكم
اختي غدير وليسمح لي المهندس ادهم (السهو) فرع الدمام شارع الامارة لا يوجد لديهم الكويتي وسئلتهم عن الكويتي وقال انه سوف تكون موجودة في بداية السنة ( لكن انا من واقع تجربة لف ودوران على المحلات وجدت ان افضل الصناعات ( الامريكي بشكل عام (امريكانستاندرد- كارت من كوهلر وكيله محمد محمد الدوسري الدمام) والصناعة المحلية خزفية المعدات الداخلية اسباني وضمان 5 سنوات تحياتي لك وتقديري للجميع

ّتشكر اخوي فارس الشرقية على الافادة

ما شاء الله مواضيع مفيده للجميع الله يمتعكم بالعافية

مين عنده فكره عن ماركه اسمها ( اديال استندار) لقيت منها نوعية
تصنيع في مصر بترخيص من الشركه الايطالية السعر جدا مناسب
والاشكال حلوه والضمان خمسة عشر سنة..

اذا فيه نصيحه بخصوصها

شكرا لكم جميعا

ماعندكم علم فتخرجوه لنا

والله انكم ماقصرتم وخيركم سابق

بارك الله فيكم

موضوع مهم ورائع
ياليت تكملون لاني متابعه بشغف