مشاهدة النسخة كاملة : من أفضل في تفصيل المطابخ؟؟


أم دحومي
04-18-2009, 05:26 PM
السلام عليكم ورحمة الله وبركاته..

انتهيت من تنفيذ المطبخ ومشاكله ..وأرفقت في الصفحه 8 صور بالــ 3D للمطبخ من تصميم شركة كافكو..متمنيه للجميع الاستفاده من الموضوع..

ناوين بإذن الله نفصل مطبخ ..بس أبغاه مودرن وملون..بنفس هذا الطراز

http://www.almuhands.org/forum/imgcache2009/4/6013almuhands.org.jpg
http://www.almuhands.org/forum/imgcache2009/4/6014almuhands.org.jpg
شفت معرض كافكو بصراحه مررره حلو بس غويلي..والمهندس اليوم قلب روسنا وخصوصا كنت حابه تكون نهايات الدواليب مبرومه يعني نص دائري بس قال التكلفه عاليه لتتنفيذها!!
سمعت عن فن المنزل بس ماشفته وش رايكم فيه؟؟

واذا عندكم اقتراحات وتصاميم مميزة أتمنى منكم طرحها
مساحة المطبخ 4*4بعد الغء متر ونص للممر لباب المستودع..واللون ابيض وخط بالطول في وسط كل جدار باللون الأحمر والليموني مقاسها متر تقريبا..
هنا نزلت الصورة بعد مارحت البيت وصورته:

http://www.almuhands.org/forum/imgcache2009/4/6204almuhands.org.jpg
من يعرف محلات نفس نظامهم وجودتهم وأرخص يفيدنا..
وله كل الشكر والجزاء الحسن..
أنتظر آرائكم ومقترحاتكم..والألوان المقترحه لدواليب المطبخ..

رجعت للتعديل وبعد زيارتنا لكافكو وهذا اللي طلعت منه بس ماجاب شي جديد كله من تصميمنا بس حطه بشكل هندسي..
http://www.almuhands.org/forum/imgcache2009/4/6250almuhands.org.jpg
هذا دولاب كامل جدار قدام الباب راح أحطه بلون احمر بس الميكرويف سبب لي عقده ماكنت ابيه هنا بس تنازلت ماقدر يجيب حركة يكون في جهة ثانيه وكنت أبغى أطرافه مدورة مو زاوية عادية بس طلعت تكلف نااااااااااارمثل هالصورة الدولاب الأول المدور
http://www.almuhands.org/forum/imgcache2009/4/6256almuhands.org.jpg

http://www.almuhands.org/forum/imgcache2009/4/6252almuhands.org.jpg

http://www.almuhands.org/forum/imgcache2009/4/6253almuhands.org.jpg

http://www.almuhands.org/forum/imgcache2009/4/6254almuhands.org.jpg
انتظر رايكم ..فالتصميم وتوزيع الألوان والفرن اللي يجي تحت العيون أبعى مكان ثاني غير مكانه ..
(طيب ايش رايكم يكون المطبخ احمر والدواليب العلويه ليموني والدولاب الكامل اللي لوحده ابيض..؟ طبعا السطح (الصبه)ابيض..والكاونتر احمر ان وجد عندهم..
خوفي من الاحمر يكتم المطبخ احب الاتساع فالمكان..)
شاكرة مقدما لردودكم

mwm_m11
04-18-2009, 09:51 PM
هلا بك ام دحومي ,,

عندك مروميكس

طنه للمطابخ

ورده للمطابخ

العليان للمطابخ

والتخصصي وشارع الامير سلمان مليان اذا انتي بالرياض

تحياتي لك

ناعمة العود
04-18-2009, 09:58 PM
والله يا ام دحومي

بناء على لفه كامله لكل الرياض

ماخليت محل بدون اي مبالغه مادخلته ووريته الفكره الي ابيها ويقولي سهل تنفيذه وبعدين لما يصممه يسوي تصميم عادي تقليدي


مالقيت التصميم الي في راسي والي ابيه مودرن فيه كرفات


والمساحه عندي 6 متر

بس مافي احد يبرد القلب

كلهم يرجعون بي الاخر لتصميم واحد مافيه اي ابداع

نصيحه بماانك تبين شي معقول

اختاري التصاميم الي موجوده في المحل

لا تجيبين من النت وتقوليلهم نفذولي بذات اذا كان المطبخ

المنيوم مو خشب

وعلى فكره انا في الأخر نفذت عند الرشيد للمطابخ

اسعارهم معقوله وان شاء الله لما يركبونه راح احطه وانتي احكمي

أم دحومي
04-18-2009, 11:57 PM
شاكرة مروركم الكريم
وفي انتظارك يالغاليه (ناعمة العود)
وبالفعل انا محتاجه ألمنيوم وأبغى ابداع فالتصميم مو شكل معتاد صحيح كافكو عندهم الحلو بس لخبط راسنا المهندس فالتصميم
والمشكله المعروووض كله عادي ..
ربي يسهل الأمور

نقية الروح
04-19-2009, 12:25 AM
http://www.almuhands.org/forum/imgcache2009/4/6204almuhands.org.jpg
..


للاسف ما اقدر افيدك ام دحومي

بس اذا تكرمتي ممكن اعرف البلاط من وين ؟؟

أم دحومي
04-19-2009, 01:00 AM
أهلين اختي نقية الروح ..البلاط من الملحم في مخرج 9 طريق الامام هو معرض كبييير نفس الاباء والمدى..وسعره معقول اذا على خبري ب35ريال للمتر..او اقل..
شاكرة مرورك

نقية الروح
04-19-2009, 01:12 AM
أهلين اختي نقية الروح ..البلاط من الملحم في مخرج 9 طريق الامام هو معرض كبييير نفس الاباء والمدى..وسعره معقول اذا على خبري ب35ريال للمتر..او اقل..
شاكرة مرورك

ألف شكر اختي
المحل هو نفس النخبة ؟؟
وايش صناعته ؟

@سفريات@
04-19-2009, 01:58 AM
هلا فيك أنا شفت شغل الخليجيون للمطابخ يجنن شغلهم مره مضبووووووط بس الجودة والله ما أدري وسعر المتر عندهم 1200

وأنا سبق سألت البنات عن محلات المطابخ بالرياض الي مجربينها وهذي ردودهم :




البنام - العليان – المنى



مطابخ فرح مخرج 9

وإذا رحتي وإستقريتي على شي ياليت تذكرين لنا عشان الكل يستفيد

أم دحومي
04-19-2009, 02:21 AM
مرحبا سفريات..
شفت الخليجيون...بس على قولك وااااااااااااو غلا والأاون محدوده لأنها فايبر قلاس والداخل خشب ومدري ايش يعني شغلانه..
وبحول الله أفيدكم لو طحت على محل صاحي بس ربي يستر

رهف-سعد
04-19-2009, 12:11 PM
ام دحومي
اولا .انتي ايش نظام مطبخك مفتوح ولا مغلق وتبين في كل الجدران ولا بس اثنين او ثلاثه...
ثانيا:كافكو مميز وبعدين الزوايا يقدر يوظفها دواليب يعني يعمل كيرف ماتضيع هدر عند بعض محلات المطابخ وعنده لون جديد الموف المحروق رائع،وانا سويت مطبخي عند الخليجيون لاني كنت ابي درجة الاحمر الي عنده وما حصلتها عند كافكو وعند الخليجيون اللون التركواز حلو
والبرتقالي مع البني مره حلو هي من الوان المودرن بس ماتناسب السيراميك الي اني حاطته
فمالك الا الخشبي بالوانه والابيض واحمر والليموني واتصور الاحمر مع الليموني بيطلع رايق مع اضافة الزجاج المثلج

ناعمة العود
04-19-2009, 01:53 PM
عزيزتي ام دحومي اللون الأحمر يطلع معك جنان

انا كنت اتمنى ان مطبخي احمر بس الأحمر احلا شي معه اللون الابيض

أم دحومي
04-19-2009, 07:26 PM
ألف شكر اختي
المحل هو نفس النخبة ؟؟
وايش صناعته ؟
والله ياختي نسيت من زمان شارينه بس هو واضح على طريق الامام معرض كبيييير بكذا لوحه وبعض اللوحات ماعلقت خخخ الأكيد هو الملحم مع الاباء مع المدى كلهم بمعرض واحد..تشوفين بداخله كل شي سيراميك مع ادوات صحيه ومطابخ..بالتوفيق

أم دحومي
04-19-2009, 07:33 PM
عزيزتي ام دحومي اللون الأحمر يطلع معك جنان

انا كنت اتمنى ان مطبخي احمر بس الأحمر احلا شي معه اللون الابيض


مشكورة يالغلا عالذوق أنا حابه اضيف كذا لون بس بشكل ناعم والمشكله في زوجي والمنهدس كلما قلت شي طنوا علي بعذروب..
لو قدرت نزلت صور للتصميم عشان تساعدوني فالألوان لأني محتاجه احد يساعدني ويرسيني على بر ومشكلة زوجي مستعجل عشان عقد اللأجار بيخلص..
والأحمر راح احطه بحول الله بس مدري كيف التوزيع صعب كل المطبخ احمر!!

أم دحومي
04-19-2009, 07:47 PM
ام دحومي
اولا .انتي ايش نظام مطبخك مفتوح ولا مغلق وتبين في كل الجدران ولا بس اثنين او ثلاثه...
ثانيا:كافكو مميز وبعدين الزوايا يقدر يوظفها دواليب يعني يعمل كيرف ماتضيع هدر عند بعض محلات المطابخ وعنده لون جديد الموف المحروق رائع،وانا سويت مطبخي عند الخليجيون لاني كنت ابي درجة الاحمر الي عنده وما حصلتها عند كافكو وعند الخليجيون اللون التركواز حلو
والبرتقالي مع البني مره حلو هي من الوان المودرن بس ماتناسب السيراميك الي اني حاطته
فمالك الا الخشبي بالوانه والابيض واحمر والليموني واتصور الاحمر مع الليموني بيطلع رايق مع اضافة الزجاج المثلج

أهلين رهف سعد المطبخ مغلق بس راح اسوي كونتر فالمقدمه ودواليب الجدران الفوقراح تكون قليييله بس الأرضيه بتكون على جهتين فقط وجهة زي ا لدولاب كامل<<<<قولي خلاص صممتي وش تبين بعد!! ههههه
بس محتارة فالأولوان خصوصا..
رحت لكافكو بس كل شي بقيمته طبعا وومعليش الكيرف شمعناه؟؟مدري نفس اللي ببالي او ايش!
بس صدمنا بالسعر وألغينا بعض الأشياء مثل الكروم اللي يجي نهاية الدواليب..ولسه نبغى نعرض فكرتنا على كذا محل ..
والألوان بتكون بس 3احمر وليموني وابيض بس ابيضهم ماعجبني..هذي مشكله ثانيه.. مشكورة على ردك

رهف-سعد
04-19-2009, 10:40 PM
ام دحومي انا شفت التصميم الي سواه لك كافكو مش بطال بلنسبه للثلاجه انا مانصحك تعملينها مغلقه للنظافه مع انو جماليه احسن وبلنسبه للفرن انا عندي اقتراح انك تعملينها نظام التكتك وهو سطح الفرن المنفصل عن الشوايه وهذا انا عملته في بيتي وممكن تحطين الماكرويف فوقها يعني فوق الفرن وبدل الشفاط العادي تستخدمين الي زي حق المطاعم السريعه مادري وش اسمه وماياخذ مكان وتغيرنه يعني تنظفينه كل فتره وسؤالك عن الكيرف هوالبرمه يعني زوايه المطبخ بعض المحلات ماعندهم استغلال للمنطقه هذي فاكافكو يستغل الزواياوبلنسبه للالوان حطي الي تحت كلها ليموني والي فوق احمر مع الزجاج المثلج وبلنسبه للرخام انا نسيت اذا عنده احمر حطيه وانشاء الله بيطلع حلوونصيحه الكورم الي في نهاية المطبخ جمال جدا لاتضيعينه وبالنسبه للكاونتر خليه ديكور ثاني يعني فكره ثانيه مو شرط كافكو يعمله لك وبالتوفيق والمطبخ يستاهل يندفع عليه لانه مو زي الاثاث اذا انحط مايتغير الا بعد سنين اذا انتهت صلاحيته وبالتوفيق مره ثانيه

أم دحومي
04-19-2009, 11:52 PM
ام دحومي انا شفت التصميم الي سواه لك كافكو مش بطال بلنسبه للثلاجه انا مانصحك تعملينها مغلقه للنظافه مع انو جماليه احسن وبلنسبه للفرن انا عندي اقتراح انك تعملينها نظام التكتك وهو سطح الفرن المنفصل عن الشوايه وهذا انا عملته في بيتي وممكن تحطين الماكرويف فوقها يعني فوق الفرن وبدل الشفاط العادي تستخدمين الي زي حق المطاعم السريعه مادري وش اسمه وماياخذ مكان وتغيرنه يعني تنظفينه كل فتره وسؤالك عن الكيرف هوالبرمه يعني زوايه المطبخ بعض المحلات ماعندهم استغلال للمنطقه هذي فاكافكو يستغل الزواياوبلنسبه للالوان حطي الي تحت كلها ليموني والي فوق احمر مع الزجاج المثلج وبلنسبه للرخام انا نسيت اذا عنده احمر حطيه وانشاء الله بيطلع حلوونصيحه الكورم الي في نهاية المطبخ جمال جدا لاتضيعينه وبالنسبه للكاونتر خليه ديكور ثاني يعني فكره ثانيه مو شرط كافكو يعمله لك وبالتوفيق والمطبخ يستاهل يندفع عليه لانه مو زي الاثاث اذا انحط مايتغير الا بعد سنين اذا انتهت صلاحيته وبالتوفيق مره ثانيه
مشكوووووووووووووووووورة اختي..أفكارك قريبه من افكاري خصوصا الفرن ماابغاه كامل (المعتاد)..
ومشكلة الكروم انحسب لحاله علينا 2000ريال عشان كذا تنازلنا عنه..
وفيه اشياء راح اتنازل عنها عشان السعر تعرفين الواحد بآخر عماره ينتهي..<<هذا وهو دور واحد..ربي يعين ومشكورة مرة ثانيه على اقتراحاتك..

@سفريات@
04-20-2009, 04:59 AM
هلا ام دحوووووووومي

شوفي ممكن تسوين زي هالصورة

http://www.almuhands.org/forum/imgcache2009/4/6014almuhands.org.jpg

الدواليب حمراء كلها والدواليب الي فوق بالصورة الخشبيه حطي لونها ليموني ونفس فكرة الزجاج الأبيض الي فيها والرخام ابيض

أمـ الـولـيـد
04-20-2009, 05:29 AM
اعتذر من صاحبة الموضوع

وبسال عن محلات مطابخ في جده

سماءالشرقية
04-20-2009, 03:41 PM
ممكن تشوفين البلال للمطابخ الامريكية فيه خشب والومنيوم طريق كرنيش الدمام وانتي راجعة من الدمام الى سيهات تصميماته حلوة والوانه بعدوبعد الكيرف جميل بس اسعاره شوي غالية ولكن اهون من كافكو

أم دحومي
04-20-2009, 04:50 PM
هلا ام دحوووووووومي

شوفي ممكن تسوين زي هالصورة

http://www.almuhands.org/forum/imgcache2009/4/6014almuhands.org.jpg

الدواليب حمراء كلها والدواليب الي فوق بالصورة الخشبيه حطي لونها ليموني ونفس فكرة الزجاج الأبيض الي فيها والرخام ابيض

ربي يعطيك العافيه ياسفريات..
هذا اللي محيرني أخاف اخلي الدواليب حمراء كلها مع ليموني زي فكرتك ويطلع المطبخ مكتوم لأني اتوقع الابيض يعطي اتساع للمكان..بس ببالي مرررة الأحمر كله مع التذويق الأصفراني..شااكرة تفاعلك عطيتيني تشجيع لتنفيذه

أم دحومي
04-20-2009, 04:54 PM
اعتذر من صاحبة الموضوع

وبسال عن محلات مطابخ في جده



حياك يالغاليه وربي يسهل أمورنا

أم دحومي
04-20-2009, 04:56 PM
ممكن تشوفين البلال للمطابخ الامريكية فيه خشب والومنيوم طريق كرنيش الدمام وانتي راجعة من الدمام الى سيهات تصميماته حلوة والوانه بعدوبعد الكيرف جميل بس اسعاره شوي غالية ولكن اهون من كافكو

اختي انا فالرياض ..بس ماشاءالله اذا اسعاره ارخص من كافكو ليت اللي عرف اذا له فرع عندنا..مشكوووووووووورة اختي

أم معــتز
04-20-2009, 06:21 PM
أمس انا جايه من فـن المنــزل

غــــآاااااااالي نآر

وغير كذا مطابخـــهم جاهزه .. ما عندهم تفصيـل

بالتوفيق للجميع

أم دحومي
04-20-2009, 09:05 PM
أمس انا جايه من فـن المنــزل

غــــآاااااااالي نآر

وغير كذا مطابخـــهم جاهزه .. ما عندهم تفصيـل

بالتوفيق للجميع


الله يعافيك حبيبتي قطعتي عنا مشوار الروحه له..
احسه تخلف مطبخ جاهز من محل هااااااااي !!
مشكورة

نقية الروح
04-21-2009, 12:37 AM
والله ياختي نسيت من زمان شارينه بس هو واضح على طريق الامام معرض كبيييير بكذا لوحه وبعض اللوحات ماعلقت خخخ الأكيد هو الملحم مع الاباء مع المدى كلهم بمعرض واحد..تشوفين بداخله كل شي سيراميك مع ادوات صحيه ومطابخ..بالتوفيق

شكرا لك
والله يوفقك بمحل عدل :)

أم دحومي
04-21-2009, 11:58 AM
شكرا لك
والله يوفقك بمحل عدل :)


آآآآميييين ربي يسمع منك..مشكوورة واتمنى اني افدتك ودايم وصف الحريم تراه لك عليه ههههه

أم دحومي
04-21-2009, 12:12 PM
ناعمة العود انشاءالله مطبخك مايتأخر فالتركيب تحمست أشوفه قبل نقرر التفصيل..ربي يوفقك

كلمة حق
04-21-2009, 12:58 PM
الله يسهل امرنا وامركم

انا شفت كافكو لايعلى عليه بس الاسعاااااااااار نااااار
والله نفس المعاناه

أم دحومي
04-21-2009, 01:05 PM
فعلا هذا اللي قاهرني اني شفت كافكو فخلاااااص المحلات العاديه طاااحت من عيني بس ربي يهديهم فالأسعار <<هباااال بالرغم من وجود كذا محل نفس الكوالتي والديزاين بس نفس المشكلة تتكرر(الأسعار)..

@سفريات@
04-23-2009, 08:15 AM
صباااااااح الخير

هذي صور مطابخ أخوات لنا من احد المنتديات قلت احطها لكم عشان نستفيد

هذي من مطابخ الرشيد

http://forum.hawaaworld.com/attachment.php?attachmentid=212624&stc=1&d=1239350656



البنام (بنامكو)

http://www7.0zz0.com/2009/03/23/13/786238105.jpg

http://www.3tt3.net/up/upfiles/OL168091.jpg


وهذا عند مطابخ المستقبل بالدمام ..............عاد ما أدري لهم فرع بالرياض او لا ؟

http://up2.m5zn.com/photo/2009/4/22/11/2yd1va47m.jpg/jpg


وهذا من كافكو .............

http://up2.m5zn.com/photo/2009/4/22/11/0wxo63lqe.jpg/jpg

@سفريات@
04-23-2009, 08:29 AM
والله يا ام دحومي

بناء على لفه كامله لكل الرياض

ماخليت محل بدون اي مبالغه مادخلته ووريته الفكره الي ابيها ويقولي سهل تنفيذه وبعدين لما يصممه يسوي تصميم عادي تقليدي


مالقيت التصميم الي في راسي والي ابيه مودرن فيه كرفات


والمساحه عندي 6 متر

بس مافي احد يبرد القلب

كلهم يرجعون بي الاخر لتصميم واحد مافيه اي ابداع

نصيحه بماانك تبين شي معقول

اختاري التصاميم الي موجوده في المحل

لا تجيبين من النت وتقوليلهم نفذولي بذات اذا كان المطبخ

المنيوم مو خشب

وعلى فكره انا في الأخر نفذت عند الرشيد للمطابخ

اسعارهم معقوله وان شاء الله لما يركبونه راح احطه وانتي احكمي

نعووووووووووووووومة بكم حسب لك المتر ؟؟

هندسة الفن
04-23-2009, 10:53 AM
بما انك من الشرقيه
بشور عليك بمحلات رحتها عندها مطابخ روعه

في مطابخ الجعيب في شارع 28 في الخبر
عنده تشكيلات رائعه من المطابخ وحديثه بس ومصممين ممتازين
وملتزم بالمواعيد بس مشكلته سعره شوي مرتفع

في محل اسمه عالم حواء اظن انه معروف بالاثاث والمفروشات

لكن لما دخلت شفت نماذج المطابخ لديهم
كانت مره جميله وبأسعار معقوله لكن ماادري عن عملهم
لاني ماعرف احد تعامل معهم


في عندك محلات في شارع الملك خالد بالخبر حق مطابخ
لو تمرين عليها تشوفين

نبيل الجهني
04-23-2009, 04:49 PM
اعتذر من صاحبة الموضوع

وبسال عن محلات مطابخ في جده



1 - المنى طريق المدينه النازل
2 - راشونال شارع صاري عنده خصم 50%
3 - الحيدري شارع صاري
4 - ألنو- بينو - شارع فلسطين قبل مركز الجمجوم
5 - هاكر حي الروضه بجوار البنك الفرنسي

ملاحظة: الاسعار تقريبا متقاربه الى حد ما.

أم دحومي
04-23-2009, 05:07 PM
صباااااااح الخير

هذي صور مطابخ أخوات لنا من احد المنتديات قلت احطها لكم عشان نستفيد

هذي من مطابخ الرشيد

http://forum.hawaaworld.com/attachment.php?attachmentid=212624&stc=1&d=1239350656



البنام (بنامكو)

http://www7.0zz0.com/2009/03/23/13/786238105.jpg

http://www.3tt3.net/up/upfiles/ol168091.jpg


وهذا عند مطابخ المستقبل بالدمام ..............عاد ما أدري لهم فرع بالرياض او لا ؟

http://up2.m5zn.com/photo/2009/4/22/11/2yd1va47m.jpg/jpg


وهذا من كافكو .............

http://up2.m5zn.com/photo/2009/4/22/11/0wxo63lqe.jpg/jpg


مشكووووووووووووووووووووووووووووورة مرة حلوين يعطيك العافيه
وياليت اللي يعرف موقع الرشيد والبنام يدلنا..

tarf55
04-24-2009, 05:32 PM
البنام فيه فرع في طريق الامير سلمان وفيه في التخصصي

والرشيد في التخصصي هذا اللي اعرفه

والله يسهل امرك وتخلصين على خير

أم دحومي
04-25-2009, 04:27 AM
البنام فيه فرع في طريق الامير سلمان وفيه في التخصصي

والرشيد في التخصصي هذا اللي اعرفه

والله يسهل امرك وتخلصين على خير

يااااااااااااااااااااااارب يجزيييييييييييك بكل خيييير
مشكوووورة ربي يفرج لك في عرصات يوم القيامه

أم دحومي
04-26-2009, 03:01 PM
بعد أخذ جولة على المطابخ المذكورة أعلاه رأينا مايلي..<<مهب سهله الأخت السياسية..
رحت للبنام(بنامكو)حلو بس شكل الجوده ماتقارن بكافكو..
رحت للرشيد مررررررررة تقلييييييييييييدي مو على شهرته..
طلعنا للخليجيون الأفضل في تصميم المطبخ بس كعملية الدواليب بالنسبة لي ماتصلح
مثل الدواليب العلويه عمقها فقط30سم او اقل نسيت يعني اقل من الدواليب المعروفه بس بالنسبه لي مايناسب كعمليا..ماعندي غير هالمطبخ وأبغاه يضف مواعيني..ومشكلة الألوان ماتتوفر كلها وفيه تركيبه غريبه للدواليب داخلي خشب وخارجي ألمنيوم مدري كيف تجي بسس فخم والكل وذوقه
وكمان مو على كيفك مقاس الدولاب والأدراج لأنها تجي جاهزه من المورد..بس الضمان 5 سنوات
لكن الأحلى إننا طلعنا بتصميييييييييم غيييير..ولكن ماأنقص من قيمة المحل.. روووووعه
كافكو التصميم تقليدي لكن جودة وكوالتي هاااااااااااي والضمان 10سنوات والأفضل شكلا قلباوقالبا وكذلك الضمان على الأجهزة لكن استغرب ان الوكيل الأصلي ضمانه سنه واحدة فقط!!
وقمنا بدورنا بأخذ تصميم الخليجيون وتطبيقه عند كافكو مع التنازل عن بعض الاكسسورات(مثل الإضاءة والكروم والسلال الداخليه والأرفف الديكوريه) لتقليل السعر واحتمال الأجهزه من الوكيل.
هذه وبالله التوفيق ونتمنى أن نحقق مانريد

@سفريات@
04-26-2009, 08:01 PM
ام دحوووووووووومي مبرووووووك والله يتمم لك على خير وجزاك الله خير على المعلومات

والله خوفتيني وأنا خايفة خلقة وشايله هم هالمطبخ الله يسهلها من عنده يارب

طيب بسألك التصميم الي سويتيه عند الخليجيون مجاني ؟؟

والدواليب عمقها 30 احس قليل

والبنام كم سعر المتر عندهم ؟

احب النظام
04-26-2009, 09:46 PM
مبارك ام دحومي

مدام انة مطبخ واحد مو حسافة علية

ان شاء الله يطلع مثل ما تبين واحسن

ماجد المحيميد
04-26-2009, 10:00 PM
هلا بكم

بصراحة أنا دخلت متأخر للموضوع

أنا ما أحب التفكير الزائد و البحث في ظل وجود شيء أرى فيه تحقيق الغاية من المطلوب

بصراحة اتجهت قبل فترة إلى طريق الأمير سلمان مخرج 17

و سويت لفه و من غير مبالغة بعد دخول المعارض الكبيرة

لله بالله ارتحت لصالة العرض الخاصة بشركة شيخ المطابخ و أخذت منهم المطبخ ألمنيوم مواصفات عالية جداً و كالعادة الداخلية طاحت على لون غير موجود و بعد جهد جهيد حصلوا لنا اللون اللي جبنا رقمه لهم

المطبخ خارجي و صغير حوالي 9 م طلع بحدود 17 ألف

لكن يستاهل شيء مرتب و شغل ثقيل جداً

@سفريات@
04-26-2009, 10:28 PM
يعطيك العافية ابوابراهيم ماقصرت

طيب عندهم المونيوم التصاميم الحديثة الموديرن؟

أم دحومي
04-27-2009, 02:05 AM
ام دحوووووووووومي مبرووووووك والله يتمم لك على خير وجزاك الله خير على المعلومات

والله خوفتيني وأنا خايفة خلقة وشايله هم هالمطبخ الله يسهلها من عنده يارب

طيب بسألك التصميم الي سويتيه عند الخليجيون مجاني ؟؟

والدواليب عمقها 30 احس قليل

والبنام كم سعر المتر عندهم ؟


ربي يسلمممممممممممك ويبارك فيك يالغاليه
بصراحه انا اقتنعت بعد ماقالوا لي ان هذا مطبخ مو أثاث أقدر أغيره بعد فترة..واحتمال ينتقل معي لمحطاات سكني..ههه
الخليجيون التصميم مجاني بس مايسلمونه لك الا بعد الاعتماد والتنفيذ عندهم بس أنا حفظت التصميم ورسمته وراح اسلمه لكافكو بإذن الله..وفعلا عيب دواليبهم العلويه صغيرة بس أدراجهم الأرضيه كبيره وسنعه وكلن وذوقه وحاجته..
البنام بصراحه شغلهم مو ذاك اللي ينافس كافكو
وبعض المحلات اللي دلوني عليها الأخوات حلللوة بس شغل خشبي وكلاسيك وماعندهم مودرن عشان كذا مادققنا عليهم نطلع على طوول..وأنا مع اللي يفصل برى كافكو الخشبي وتدرجاته لأن الخشبي مايبان نقاط العيوب فالتفصيل مو زي الملون<<يفضح وهذا اللي معقدني..
سعر بنامكو يختلف حسب الكوالتي وحاجتك اول مادخلنا قال المترب2500..واااو وبعدين قال فيه شي ب900 وطالع..حسيت بنوع من النصب..
ربي يعيينا ويوفق الجمييييييع..شككككرا لتفاعلك..ولا داعي للخوف ياأختاااه هههه<<وحده خلاص باعتها

أم دحومي
04-27-2009, 02:08 AM
مبارك ام دحومي

مدام انة مطبخ واحد مو حسافة علية

ان شاء الله يطلع مثل ما تبين واحسن


شكككرا..فعلا هذا اللي مطمني على قولهم :مملكة المرأة

أم دحومي
04-27-2009, 02:13 AM
شيخ المطابخ تخوفنا جدا من خدمات مابعد البيع لأن فيه نااس ذمووه ومامدحوه نهائي..لما يستلمون مبلغهم ينسووون ان فيه احد شاري منهم..بس للأمانه هالكلام زمااان يمكن 3سنوات تقريبا..وانشاءالله تغيرت الاداره للأفضل
بإذن الله نمر عليه ونلقي نظره..و نسأل عن تصميم المودرن عندهم..

@سفريات@
04-27-2009, 06:38 AM
ام دحووووووووووووومي

مشكورة والله يجزاك خير يارب وإن شاء الله يطلع على ذوقك

ماجد المحيميد
04-27-2009, 06:40 AM
يعطيك العافية ابوابراهيم ماقصرت

طيب عندهم المونيوم التصاميم الحديثة الموديرن؟

هلا بك

سفريات

معظم الشركات اللي تنفذ الالمنيوم من الطبيعي بتقوم بتنفيذ كل تصميم العميل يرغبه

و أنا بقول لك قصتي مع شيخ المطابخ

في ردي على أم دحومي

ماجد المحيميد
04-27-2009, 07:16 AM
شيخ المطابخ تخوفنا جدا من خدمات مابعد البيع لأن فيه نااس ذمووه ومامدحوه نهائي..لما يستلمون مبلغهم ينسووون ان فيه احد شاري منهم..بس للأمانه هالكلام زمااان يمكن 3سنوات تقريبا..وانشاءالله تغيرت الاداره للأفضل
بإذن الله نمر عليه ونلقي نظره..و نسأل عن تصميم المودرن عندهم..


هلا بك

طبعاً أنا فعلاً قرأت أحد الأعضاء قبل فترة يتذمر من خدمات ما بعد البيع

لكن أنا من باب الأمانة بذكر اللي حصل معي عند شيخ المطابخ و يعلم الله ما أرجي منهم شيء لا من قريب و لا من بعيد

أنا و الداخلية سوينا لفة بعد العصر على مخرج 17

بصراحة ما شدنا عرض سواء الموجود عند شيخ المطابخ

لكن بالصدفة شاهدنا لون عند أحد الشركات الأخرى اللون كان عبارة عن عينه مساحتها حوالي 40 * 60 سم و فعلاً قرأت الرقم اللي على هذي العينة
اللون خطير جداً
و سألتهم قالوا اللون هذا جديد و مصنع لنا فقط

المهم لما استقريت على شيخ المطابخ قلت لهم أنا أبغى اللون رقم ،،،،
فقالوا ما عندك مشكلة بنجيب لك اللون لكن أي شركة اللي تنتج هذا اللون
فقلت بصراحة أنا دخلت معرض ،،،، وشفت عندهم العينة و عليها هذا الرقم

المهم خلال يومين اتصلوا و قالوا حصلنا اللون تعال اعتمده
فعلاً مريتهم و اعتمدت اللون و كنت جداً مستعجل على التركيب
فقالوا خلال 20 يوم
أو أدفع لنا كامل المبلغ و نركب لك خلال أسبوعين فقط
بصراحة دفعت المبلغ كامل و سجلنا جميع الطلبات بالمخطط اللي هم قاموا برفعه من البيت
فعلاً صار تأخير يمكن يومين أو ثلاثة عن الموعد المقرر للتركيب و هذا بنظري طبيعي
لما جابوا المطبخ طبعاً كانت أم الشباب غير موجودة طبعاً لعدم وجود مطبخ بالبيت
فلما ركبوا المطبخ أنا أبي الفكه ودنا نخلص و بس
قلت لها تعالي ركبوا المطبخ و قالت بشر كيف شكله
قلت يجنن أخر كلام
فلما حضرت
قالت لا الأبواب هذي درفتها من الأطراف سيخفة و اللي أحنا طالبين عريضه ؟؟ بعدين إحنا طالبين الأبواب اللي فوق المجلي فيها كذا و الرفوف الديكور طالبينها ألمنيوم و ليس زجاج و طالبين الديكور الممتد من الأعلى يشمل الثلاجة بعد ؟؟؟
طبعاً كل هالملاحظات طلعناها من واقع المخطط و العقد و الشروط اللي أحنا طالبينها

في قرارة نفسي أيقنت أني ما راح اطلع معهم بنتيجة

لكن شهادة لله

توجهت بعد العصر للمعرض و بلغتهم

طبعاً حاولوا يقنعوني لكن رفضت على استحياء

و فعلاً تخيلوا خلال أيام قاموا بفك جميع أبواب المطبخ و تغييرها إلى درفة عريضة و أيضاً تم تغيير المسكات لأن اللي تم تركيبها أول غير المطلوبه أصلاً

و تردد علينا الفني يمكن ثلاث إلى أربع مرات لتعديل الملاحظات

و الكلام هذا من حوالي سنة

هذه تجربتي معهم طبعاً فرع مخرج 17

طبعاً هي شركة لـ مستثمر أجنبي

بسمة النهار
04-27-2009, 08:00 AM
أم دحومي وجميع اللي شاركوا بالموضوع
جزاكم الله خير..

أم دحومي
04-27-2009, 04:07 PM
نشكر اخونا ابو ابراهيم على التوضيح.
وبإذن الله لنا زيارة لشيخ المطابخ..
وممكن نحسن الظن فيهم بسبب الاستعجال في تصنيع الطلب..
شاكرة للجميع مروره ومداخلاتكم القيمه اللي ساعدتني في اختيار مطبخي..

@سفريات@
05-02-2009, 02:54 PM
باركك الله فيك ابو إبراهيم على ذكر التجربة

@سفريات@
05-02-2009, 02:56 PM
ام دحووووومي

شوفي هالتصميم ممكن يناسبك .........الدواليب بعضها احمر وبعضها اصفر

http://www.almuhands.org/forum/imgcache2009/4/7945almuhands.org.jpg

غـــــدير
05-02-2009, 07:05 PM
للبناء فنون ..

شوقتنا نشوف مطبخ بيتك ..

بس انت تقول شفت اللون بمكان و فصلت بمكان ..

و انا ناويه على خليجيون .. يعني يصير اشوف لون برى

و اطلع على خليجيون برقم هذا اللون ..؟؟

ولا هذا النظام مايمشي عليه الكل

أم دحومي
05-03-2009, 12:20 AM
ام دحووووومي

شوفي هالتصميم ممكن يناسبك .........الدواليب بعضها احمر وبعضها اصفر

http://www.almuhands.org/forum/imgcache2009/4/7945almuhands.org.jpg

مشكووورة سفرفر وربي يبارك فيك وبتفاعلك معي ومايهونون البقية الله يعافيهم
..بإذن الله تم تنسيق الألوان وبحوله وقوته يطلع التنفيذ على مانبغيه..
وربي يوفق الجمييييع

أم دحومي
05-03-2009, 12:23 AM
للبناء فنون ..

شوقتنا نشوف مطبخ بيتك ..

بس انت تقول شفت اللون بمكان و فصلت بمكان ..

و انا ناويه على خليجيون .. يعني يصير اشوف لون برى

و اطلع على خليجيون برقم هذا اللون ..؟؟

ولا هذا النظام مايمشي عليه الكل

معليش عالتدخل بس حبيت افيدك الخليجيون ألوانهم محدده بس الموجود عندهم فالمحل..واستخيري ياختي فالموضوع قبل بما انهم خشب مايعرف مدى قوة تحمله مستقبلا..بالتوفييق

وحده شيك
05-03-2009, 04:31 PM
اذاتين الموديرن ما لك الا الخليجيون بلتخصصي مره موديرن

أم دحومي
05-04-2009, 12:00 AM
اذاتين الموديرن ما لك الا الخليجيون بلتخصصي مره موديرن



مشكووورة ياشيك عالتفاعل رحنا لهم بس نظامهم ماعجبنا وذكرته في ردودي السابقه..

ألف شكر مرة اخرى

أم معــتز
05-22-2009, 10:58 PM
الجميع*
يعطيكم العافيه على ذكر تجاربكم

وحده شيك
05-31-2009, 03:40 AM
بسالكم عن مطابخ ايكيا وش ريكم فيها عندي اوفيس متر و ثمانين مره صغير ودي بمودرن كيف طريقتهم ومتي يخلصونه انا حابه اللون الكرزي وش رايكم فيه 0عندهم موضوع المجلي رخام صناعي مع مغسلته او لاخشب والمجلي ستيل ؟

أم دحومي
06-06-2009, 02:01 PM
مرحبا اختي وحده شيك..
سمعت عن جارتي من قرايبها تمدح ايكيا مرررة وجودته وضمانه..ولون الكرزي رايق بس دخلي مثل لون ثاني على دولابين لون غير الكرزي لو حبيتي..
وقريت عن المجلى الستيل اقوى فالتحمل..
ربي يوفقك ..ويكتب الخير للجميع هالمطابخ سوت لنا أزمة ربي يعين..

الصحرا
07-01-2009, 11:38 AM
ام دحومى انا ماشفت افضل من كافكو والتيسير عيبهم الوحيد السعر ؟؟؟ لكن فيه معرض اسمه شبكة المطابخ سعر مناسب واقل جوده من كافكو لكن انا اعتبره درجه ثانيه ؟؟ اهم شي لو اقتنعتو بتصاميمهم لازم تشرطون مدة للتنفيذ ؟؟؟؟ وغرامه بعد المده عن كل يوم؟؟ فيه اشياء تفصيليه فى المطابخ لا يعرفها الا اصحاب الخبره ؟؟ اسالو عن ادق التفاصيل؟؟؟؟؟؟ مثل هل الادراج هدرولك او عجلات والمفصلات الداخليه صناعتها ؟؟ ولاهم طريقة التمتير فهذه مصيدة الزبائن فهناك مصانع تدبل الزاويه مرتين ؟ واخرى تضيف قيمة المجلى ؟ وغيرها من الالاعيب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

امجاد امة
07-01-2009, 12:32 PM
ياليت اللي يعرف طريقة اخذ القياسات والتمتير يعلمنا الطريقه لاننا لما رحنا بنامكو قال لنا المجلى حسابها بروح والزوايا سعر مترها اكثر من سعر المترلباقي المطبخ واذا فيه ادراج بعد سعرها اغلى
هل طريقة الحساب هذي صح ؟

أم دحومي
07-01-2009, 11:38 PM
(الصحرا)ربي يبارك فيك الحمدلله خلصنا من دفع قيمة المطبخ وباقي التركيب ربي يعين..
(أمجاد أمه)اتمنى من اصحاب المعرفة انهم يدلونك على الطريقة الصحيحه اعذريني مو عارفه..

الصحرا
07-05-2009, 12:01 AM
امجاد امه
طريقة التمتير تختلف من مصنع لاخر وفيها يكون التلاعب فى الاسعار فربما تتجاهل مصنع ما لغلاء سعره وتقبل فلى الاخر لانه الاقل وتفاجا انك دفعت مبلغ مساوى للمصنع الجيد؟؟ اسال كل مصنع عن طريقه تمتيرهم ولا تسال فقط بكم المتر ؟؟ المعتاد من الزاويه للزاويه بدون تدبيل وبدون اضافه مبلغ للمجلى ؟؟

@سفريات@
07-05-2009, 12:31 AM
هلا فيكم شوفوا هذا مقال عن طريقة التمتير والغش فيها


تلاعب بالقياسات

أوضح -مدير معرض مطابخ- أن هناك طريقة غش واحتيال لا يتنبه لها الكثير من الزبائن تتعلق بكيفية حساب الأمتار فبعض المعارض يحسب 10 أمتار بـ30 مترا فيحسب الرخام لوحده والألمنيوم السفلي لوحده والعلوي لوحده.
والبعض الآخر يتخذ طريقة أخرى في هذا النوع من الغش، فبعد حساب الأمتار يضيف عليها الزوايا الواحدة منها بـ1،5 متر في حين أن الزوايا تحسب بمتر واحد ويضيف أيضا الدالوب الطويل بـ 1،5 متر في حين أنه يحسب بمتر واحد ويضيف كذلك الأدراج الأربعة بـ 1.5 متر، و الطريقة المفترض اتباعها أن يحسب كل زاوية بمتر ويضيف عليها المجلى فقط في الرخام الصناعي.

وطريقة الغش في حساب الأمتار التي غالب ما تتبع في السوق هو أن يعرض صاحب المعرض المتر بأقل من سعره المفترض بـ 250 إلى 400 ريال وذلك ليكسب الزبون وبعد استلام المقدم الذي يبلغ على الأقل 50 في المائة من قيمة العقد يبدأ بإضافة بعض المواد الأساسية في المطبخ على عدد الأمتار التي تم حسابها من قبل، فيحسب الزجاج بـ500 ريال والمسكات بـ500 ريال والدولاب الطويل بـ1،5 متر والزاوية بـ1.5متر والأدراج 1،5متر والكورنيش بمترين والقاعدة بمترين، فيتحول عدد الأمتار من عشرة أمتار إلى 30 مترا، دون أن يعي الزبون ذلك، خصوصا أن المصنع لا يوضح ذلك إلا بعد تسلم العربون حتى لا يتمكن الزبون من التراجع.



تلاعب بالمواصفات

ومن جانبه قال -مدير معرض مطابخ- إن الغش في الرخام من أهم أنواع الغش وأكثرها تأثيراً على المطبخ، فالرخام الصناعي فيه الأمريكي والصيني ولكل منها أنواع، فالصيني منه ما هو صب كامل وما هو قشرة والأخير يتأثر بالخدش وبالتالي يتغير لونه عندما يظهر البودر الذي تحت القشرة، والزبون لا يطلب القشرة إطلاقاً وإنما توضع من دون علمه، وأفضل أنواع الرخام الصناعي الصب الكامل 1،5سم من النوع الأمريكي.
وأضاف المحروس أن الفورميكا أيضا من المواد المعرضة للغش والتي لا تقل أهميتها كثيراً عن الرخام، فيوجد منها الهندي، السوري، المصري والصيني وأفضل هذه الأنواع الهندي ويبلغ سعر اللوح بـ 63 أو 73 ريالا، وسماكة الفورميكا تختلف من 1،5 إلى 3 مل والأفضل ال 3 مل والغالبية من مصانع المطابخ يركبون ال2 مل.
وذكر المحروس أنواع الغش في المفصلات وهي: الصيني والإيطالي، والأخير بلا شك يعتبر الأفضل حيث إن الصيني يحتاج إلى شده بعد شهور قليلة من تركيبه ويتطور ذلك حتى يتم تغيره، والمشكلة أنه يوجد في السوق ما هو صيني وقد كتب عليه ما يوحي بأنه إيطالي، ويبلغ سعر المفَصل الإيطالي الذي يفتح 180 درجة ب3،5 ريال و90 درجة ب1،15 ريال والصيني بـ 65 هللة.
وزاد المحروس الغش في الزوايا سواء زوايا الدواليب أو المطبخ بالكامل، فمنها الألمنيوم ومنها البلاستك ويعتبر الألمنيوم الأفضل بدون أدنى شك حيث يعيش فترة طويلة بعكس زوايا البلاستك.

losaa
07-07-2009, 06:55 PM
ام دحووووومي

شوفي هالتصميم ممكن يناسبك .........الدواليب بعضها احمر وبعضها اصفر

http://www.almuhands.org/forum/imgcache2009/4/7945almuhands.org.jpg
مشكوره سفريات مره عجبنى التصميم الى ارفقتيه بس ممكن يتنفذ على ستايل كلاسيك تحياتى للجميع

losaa
07-07-2009, 07:07 PM
هلا بكم

بصراحة أنا دخلت متأخر للموضوع

أنا ما أحب التفكير الزائد و البحث في ظل وجود شيء أرى فيه تحقيق الغاية من المطلوب

بصراحة اتجهت قبل فترة إلى طريق الأمير سلمان مخرج 17

و سويت لفه و من غير مبالغة بعد دخول المعارض الكبيرة

لله بالله ارتحت لصالة العرض الخاصة بشركة شيخ المطابخ و أخذت منهم المطبخ ألمنيوم مواصفات عالية جداً و كالعادة الداخلية طاحت على لون غير موجود و بعد جهد جهيد حصلوا لنا اللون اللي جبنا رقمه لهم

المطبخ خارجي و صغير حوالي 9 م طلع بحدود 17 ألف

لكن يستاهل شيء مرتب و شغل ثقيل جداً



والله كما سبقنى البعض جعلتنا متشوقين لا لقاء نظره على مطبخكم الكريم طبعا بعد اذن الداخليه والخارجيه كمان
ودمتم بتوفيق من الكريم دنيا وآخره

horan_02
07-14-2009, 03:14 PM
مشكووورين أفدتوني كييير ......... لي رجعة بعد حين

أم رند
07-14-2009, 06:45 PM
مساء الخيرات...ممكن اللي جرب المنيوم العصرالحديث اللي بالتخصصي يفيدنا عن مستواهم لأن عندهم أشياء حلوة...

ام تميم123
09-12-2009, 12:58 PM
والله موضوع قيم ورائع تسلمين ام دحومي والجميع على التفاعل والاثراء واخص بالشكر اختي سفريات ياحبي لك مجتههههههههههده عشرة ع عشرة


والاخ ابو ابراهيم والصحرا ...

وفقكم الله لكل خير ويسر اموركم واسمحوا لي ارفع الموضوع لانه يستحق الرفع والاطلاع ..


بس ياليت ام دحومي ولا عليتس امر وكمان ابو ابراهيم بعد اذن الداخلية نشوف مطابخكم <<<شايله هم

على الاقل الالوان وخصوصا ابو ابراهيم حمسن للون مره

وام دحومي شلون وزعتي االالوان خاطري ب3 الوان بس اخاف اعفس الدنيا


الله يعين بس

ماجد المحيميد
09-12-2009, 02:31 PM
والله موضوع قيم ورائع تسلمين ام دحومي والجميع على التفاعل والاثراء واخص بالشكر اختي سفريات ياحبي لك مجتههههههههههده عشرة ع عشرة


والاخ ابو ابراهيم والصحرا ...

وفقكم الله لكل خير ويسر اموركم واسمحوا لي ارفع الموضوع لانه يستحق الرفع والاطلاع ..


بس ياليت ام دحومي ولا عليتس امر وكمان ابو ابراهيم بعد اذن الداخلية نشوف مطابخكم <<<شايله هم

على الاقل الالوان وخصوصا ابو ابراهيم حمسن للون مره

وام دحومي شلون وزعتي االالوان خاطري ب3 الوان بس اخاف اعفس الدنيا


الله يعين بس



أم تميم

هلا بك

بالنسبة للون أنا قلت ما حصلناه و تعبوا الجماعة لحد ما حصلوه

بس

ما قلت حلووووووووووووو

بالعكس

يمكن عادي و أقل من عادي بعد

على كل حال تحقيق للرغبة و حب البلاغة :)

هذه بعض المشاهدات في هذا الرابط




http://www.almuhands.org/forum/showthread.php?t=84905

ام تميم123
09-13-2009, 07:46 AM
أم تميم

هلا بك

بالنسبة للون أنا قلت ما حصلناه و تعبوا الجماعة لحد ما حصلوه

بس

ما قلت حلووووووووووووو

بالعكس

يمكن عادي و أقل من عادي بعد

على كل حال تحقيق للرغبة و حب البلاغة :)

هذه بعض المشاهدات في هذا الرابط




http://www.almuhands.org/forum/showthread.php?t=84905





هههههههههههههههههههه

وانت الصادق وحب الشرافة :s23::

مو هنا يكمن مربط الفرس وهنا فقط اتفقن جميع النساء وهن دوما مختلفات (حب الغريب والي بصعوبة يجي للتميز والانفراد)
ويعطيك العافية على تجاوبك استاذي ماجد دوما رائع ومتفرد:s13::


مطبخك ولا احلى تصميما ولونا ..اهنئكم على الاختيار الموفق ..


تحيتي ومودتي

عين ثالثة
09-15-2009, 04:24 AM
ما شاء الله موضوع حافل للمفضلة مع وافر الشكر لكل من أسهم في محتواه ..

فراشه فيروزيه
12-12-2009, 09:38 PM
للرررررررررررررررررررررررررررررفع

أم دحومي
01-27-2010, 11:49 PM
بعد طول غياب عن الموضوع حبيت أنزل لكم صور مطبخي بالــ 3D من كافكو..
لعل أحد يستفيد من التصميم وياخذ فكرة....
وأشكر كل من ساهم معي في موضوعي بفكرة أو ملاحظة او رفع..ربي يجعله بموازين أعمالكم الصالحه

طبعا خلفيات الصور لونها يختلف عن لون سيراميك مطبخي..والأرضيه أبيض
أما ألوان الدواليب مثلها بالضبط ولله الحمد ماتأثر اللون الأحمرالغامق على مستوى حيوية المكان..

بسم الله نبدأ.....
..لاإله إلا الله محمدا رسول الله..


بابين مدخل للمطبخ من الصاله والآخر المقابل للمستودع
http://dc03.arabsh.com/i/01055/i1w61zb0xwpp.jpg


سطح الفرن معلق وتحته درج طويل<<هالفكرة اقتبستها من الخليجيون للمطابخ
والدواليب الليمونيه زجاج ملوّن بدون مسكات لفتحها ..ساده معطيها شكل أحلى..<<أيضا الفكرة من الخليجيون
http://dc03.arabsh.com/i/01055/zxgiwzezj7w2.jpg


هنا الصورة للفرن الكهربائي وتحته درج وجنبه غسالة أواني مخفيه تماما حتى أزرار التحكم..
تحت المكيف أضفت رفوف من ايكيا(ابيض واحمر) تحت بعض
http://dc03.arabsh.com/i/01055/0pv4jz2ngkx3.jpg


http://dc03.arabsh.com/i/01055/bb1079lbfj0z.jpg


الثلاجه بالوسط مافيها مشكله من تنظيف جوانبها لأنها مصممة بإحكام ومفتوح الدولاب فوق للتهويه بشكل مخفي..
الميكرويف حطيته داخل الدولاب فوق الأدراج..
والدولاب المعاكس تحت سويت داخله سلال سحب لحفظ المعلبات والمواد الغذائيه لسهولة الوصول لها..
ولو تلاحظون أطراف الدواليب بالكروم العريض أعطاها شكل جمالي غيييير..
http://dc03.arabsh.com/i/01055/w1n5g9bi9qbp.jpg

http://dc06.arabsh.com/i/01055/rnhhm1011qya.jpg

منظر من باب المستودع
http://dc06.arabsh.com/i/01055/djn6a4bups7u.jpg


منظر من باب الصاله
http://dc06.arabsh.com/i/01055/ojblmwd8krmx.jpg

هذا الجدار بدون سيراميك لأنه ممر وضعنا عليه دواليب ساده بدون مسكات زجاج مرمّل ولكنها جانبيه ليست فالوسط مثل الصورة
أقتبستها من صورة فالمنتدى هنا لتصميم دواليب دورات المياه أكرمكم الله..وطلعت النتيييييييييييييييجه:.........

http://dc06.arabsh.com/i/01055/d4sjs3zq0leg.jpg

http://dc04.arabsh.com/i/01055/zad6x8bza3wo.jpg

أتمنى للجميع الاستفادة والتوفييييق..في رعاية الله..
اللهم صلي على محمد وعلى آله وصحبه أجمعين

اجواء
01-29-2010, 12:37 AM
واوووو روعه وابداع ان شاء الله تتهني فيه
بس ممكن اعرف كم كلفك؟

أم دحومي
01-29-2010, 04:28 AM
واوووو روعه وابداع ان شاء الله تتهني فيه
بس ممكن اعرف كم كلفك؟

شكرا على الاطراء ربي يبارك فيك..

زخات مطر
01-29-2010, 07:35 AM
ما شاء الله
مطبخك حلو ام دحومي
مودرن بجودة:s11::
:s7::دخلت على الموضوع متأخرة
الله يباركلك فيه وتزيني فيه
ألذ الطبخات
لدحومي :s12:: دحومي

أم القمر
01-29-2010, 07:45 AM
هلا بك أم دحومي

مطبخك رووووووعه ما شاء الله تبارك الله

والالوان ذوق

الحمد لله إنك توصلتي للي تبغينه وهذا يعتبر النجاح بحد ذاته أهنيك من كل قلبي

وإن شاء الله تطبخين فيه بالعافيه ومنزل مبارك عليكم


:s::

أم دحومي
01-29-2010, 01:54 PM
ما شاء الله

مطبخك حلو ام دحومي
مودرن بجودة:s11::
:s7::دخلت على الموضوع متأخرة
الله يباركلك فيه وتزيني فيه
ألذ الطبخات
لدحومي :s12:: دحومي



يسلموووووووووو يالغلا من ذوووقك ...
ربي يبارك فيك ويسلممممك..
عقباااااااااااااالك يااااااارب بأحسن مطبخ فالعالم:s8::

أم دحومي
01-29-2010, 02:00 PM
هلا بك أم دحومي


مطبخك رووووووعه ما شاء الله تبارك الله

والالوان ذوق

الحمد لله إنك توصلتي للي تبغينه وهذا يعتبر النجاح بحد ذاته أهنيك من كل قلبي

وإن شاء الله تطبخين فيه بالعافيه ومنزل مبارك عليكم



:s::


هلا وغلا بالقمر أم القمر ..
ربي يبارك فيك ويجزاك خير..
الحمدلله بفضل رب العالمين ثم جهود الأعضاء فهالمنتدى ساعدوني بنظريات وردود أعطتني بُعد للتفكير فالموضوع..
ويارب لك الشكر مقتنعه فيه بالمره..
<<<وبالفعل التصميم بال3d يعطيك الانطباع العام عن الشكل النهائي ويسهل اتخاذ القرار..
ربي مايحرمني أخوّتكم ..
عقباااااالك يالغلا.......

برلانته
01-29-2010, 07:20 PM
ماشاء الله ام دحومي الله يباركلك فيه ويهنيك يارب
بس حبيت اسالك عن اسطح العمل عباره عن ايش خشب
وكم سعر المتر عند كافكو

أم دحومي
01-30-2010, 12:55 AM
ماشاء الله ام دحومي الله يباركلك فيه ويهنيك يارب
بس حبيت اسالك عن اسطح العمل عباره عن ايش خشب
وكم سعر المتر عند كافكو

مرحبا بك اختي..
ربي يبارك فيك وعقبااااالك...
السطح رخام صناعي بس جوده عاااليه..
مافي خشب..كله ألمنيوم ايطالي من الصناعة المتينه والراقيه..
المتر ماأتذكر بالضبط لأننا أضفنا تصميم مو موجود جاهز عندهم يمكن 2500ريال للاستاند الجاهز..
السعر بحسب التصميم..اذا كان التصميم من نفس الموجود بالورشة جاهز يحسبون بالمتر لكن لمايكون مثل ماسوينا التصاميم أشكالها غير وبمقاسات غير اللي عندهم يكلف أكثر..
وبالمناسبة هم يعطونك السعر كامل للمطبخ شامل لكل شي
(إضاءه ,إطارات دواليب من الكروم,المجلى.....)وانتي تقدرين تتنازلين عن اللي مو مهم وينقص فالسعر..والكرفات سعرها نااار.
أخذنا الأجهزه والمجلى بالخلاط من محل ثاني..أرخص ..
وحياااااااااااك..

كانت معي
02-21-2010, 07:22 AM
ماشاء الله
تبارك الله



تجربه مثمره

شجعتيني على كافكو

لكني لازلت بصدد البحث عن تصميم مناسب

موفقه

والله يبارك لكم فيه

@سفريات@
02-21-2010, 09:20 AM
هلا والله ام دحومي وش اخبارك إن شاء الله اموركم تمام

ألف مبروووووووووووووووووك المطبخ ماشاء الله مره حلو تطبخون فيه بالعافية
كم أخذ معكم مدة تفصيلة وتركيبه

أم دحومي
02-21-2010, 04:52 PM
(كانت معي)...ربي يبارك فيك وعقبالك..

سفريات...هلا بك يالغائبه الحاضرة..الله يسلمك ويبارك فيك والعاقبه لك بالمسرات*_*
..يكلف التفصيل شهر واحد..والتركيب فالبيت يومين..
وحيااكم

دوسرية
02-22-2010, 03:01 AM
ما شاء الله تبارك الله

وأخيررررررا شفنا مطبخك يا أم دحومى......

وعدتي......ووفيتي......

ما شاء الله ترتيب رائع والوان جريئه وتفتح النفس

وأكيد بعد هذا المطبخ الحلو ....الاكلات الحلوه من إيد أم دحومي بتطلع ألذ..........

الله يبارك لك فيه........وتتهنين فيه.

أم دحومي
02-22-2010, 11:18 PM
تسلمين يادوسريتي الغاليه عقبااااااااااالك
ماشفتي شي بس انتظريني...
لكن الطبخ لك عليه تراي مهنا ذاك الزود لكن ربك كريم الجوعان بياكل غصب *_*

أم القمر
02-25-2010, 11:43 AM
:s11:: هلا بك أم دحومي :s11::

عزيزتي حابه أسألك عن الدواليب العلويه لكافكو هل هي عميقه والا مثل الخليجيون


لا حرمك الله الاجر على موضوعك القيم هذا

وبإذن الله شريحه كبيره من الناس راح تستفيد من موضوعك وأنا أولهم

أم دحومي
02-25-2010, 06:56 PM
أم القمر حياك الله..وربي يجزاك الخير كله وينفع بنا الاسلام وأهله..
من ناحية عمق الدواليب عندهم اللي يعجبك تختارينه مثل الدواليب المعتاده..
عيب الخليجيون جاهزه تصاميمهم .لكن كافكو حطي اللي تبين وينفذونه..
عن نفسي دواليبي المربعات الليمونيه مو عميقه عشان شكلها يتطلب كذا..لكن الآرضية كلها مقاس عادي..والدولاب الكبير عميييييق
بس أدراجهم تبرد القلب كبيرة ..
وحياااك

حياة طيبه
02-27-2010, 02:54 PM
جزاك الله خير أم دحومي
صراحه شجعتيني على كافكو

أم دحومي
02-28-2010, 12:55 AM
جزاك الله خير أم دحومي
صراحه شجعتيني على كافكو

الله يوفقكم لما فيه خير...وان شاءالله تدعون لي لما يطلع مطبخكم بأحسن حال :s23::

كانت معي
04-14-2010, 08:15 PM
السلام عليكم

ام دحومي بعد اذنك ...
الحين دواليبك العلويه

اللي في جهة الشباك اثنين متصلين
اما اللي فوق سطح البوتجاز منفصلين ... مثل ما فهمت من الصوره ...

هل الهدف شكل جمالي .. ؟؟؟
وشرايك فيه بعد ما طبقتيه ؟؟

ومعليش ...المنفصلين هل فيه امكانيه وضع شي بينهم ( استخدام سطح السفلي كـــ رف ؟؟


شاكره من القلب سماحة روحك

ثلوج دافئه
04-15-2010, 02:38 AM
بارك الله لك في سكناك

بس حبيت اسال الادراج الثلاثة اللي بين الابواب كيف مقاساتها يعني العمق والطول والعرض وهل فيها رف ولا لا لاني بصلح مثلها
وهل تعتقدين ان فكرة الجدار بوية مو سراميك جيدة من ناحية انه في المطبخ لاني ناوية اطبق تصميمك بفرق ان مطبخي 5 في 4 واللون حابه الخشبي مع الابيض اش رايك بحكم خبرتك

وتبين الجد استفد من خبراتك اللي تنزلينها بالمنتدى كثير الله يثيبك من عنده ويلبسكم انتي واهلك لباس التقوى

اختك ثلوووووووج

أم دحومي
04-15-2010, 03:07 AM
السلام عليكم

ام دحومي بعد اذنك ...
الحين دواليبك العلويه

اللي في جهة الشباك اثنين متصلين
اما اللي فوق سطح البوتجاز منفصلين ... مثل ما فهمت من الصوره ...

هل الهدف شكل جمالي .. ؟؟؟
وشرايك فيه بعد ما طبقتيه ؟؟

ومعليش ...المنفصلين هل فيه امكانيه وضع شي بينهم ( استخدام سطح السفلي كـــ رف ؟؟


شاكره من القلب سماحة روحك

هلا بك...انا كان هدفي الأول جمالي ثم العملي..لأن المطبخ أهم شي فبيتي عشان يفتح نفسي لما أدخله..لأني عانيت مسبقا..
وهو بالنسبه لي بعد ماطبقته راائع وحلو تغيير عن المعتاد..لكن العلويه صعب الوصول لها لأنهم ركبوها عاليه<<وهذا مثل ماذكرت جمال ديكوري بالنسبه للمحل في طريقة تركيبهم للمطابخ لكن غاب عن بالنا نخبرهم ينزلونها شوي..فحبيت أستخدمها كتخزين للأواني اللي ماتستخدم كثير..

وامكانيه الرف عن نفسي ماحبيته..لأن المسافه بين الدولابين بسيطه..

وحياك الله لأي استفسار..

أم دحومي
04-15-2010, 03:24 AM
بارك الله لك في سكناك

بس حبيت اسال الادراج الثلاثة اللي بين الابواب كيف مقاساتها يعني العمق والطول والعرض وهل فيها رف ولا لا لاني بصلح مثلها
وهل تعتقدين ان فكرة الجدار بوية مو سراميك جيدة من ناحية انه في المطبخ لاني ناوية اطبق تصميمك بفرق ان مطبخي 5 في 4 واللون حابه الخشبي مع الابيض اش رايك بحكم خبرتك

وتبين الجد استفد من خبراتك اللي تنزلينها بالمنتدى كثير الله يثيبك من عنده ويلبسكم انتي واهلك لباس التقوى

اختك ثلوووووووج

هلا والله وألف غلا اختي ثلوج..

عزيزتي الدواليب تقريبا 45سم في 45سم..عمقها تقريبا20 الى 25سم وبينهم رف زجاج..<<معليش حاليا مو فبيتي عشان أقيس بالضبط,,

وعن جدار البويه بالعكس مناسب جدا خصوصا مثل ماذكرت انه ممرّ وبعيد عن الطبخ والشغل...والحمد لله فكرته عاجبه الكل..

ومقاس مطبخي قريب لمطبخك اذا مازاد متر واحد..

وبالنسبة لألوانك حلوة مره ومريحه..بس مأدري عن لون سيراميك مطبخك ومدى مناسبته لها..

واذا حابه تعملين عند كافكو فللأسف ماعندهم لون أبيض ناصع..بياضهم على اوف وايت..بس حلو لو السيراميك مو ابيض ناصع..عشان ماتضرب الألوان..

لو حبيتي تنزلين صور لمطبخك ولون السيراميك ماعندي مشكله نتناقش فالألوان أو أي حاجه حابتها..هنا بموضوعي او بموضوع خاص عشان الكل يفيدك..

وحياك ربي لأي سؤال....

ومشكوره عالدعوات الحلوه ربي يتقبل ويسعدك..

كانت معي
04-15-2010, 03:31 AM
:s8::
ماشاء الله
الحقيقه لم أكن أتوقع ان تأتيني الإجابه بسرعه !
مدري يمكن عشان ظروف الاجازه وكذا ...
تسلمين والله يالغلا ...



طيب >>> طمعت الاخت
طبيعة اللمعه اللي في دواليبك كيفها معك من ناحية التنظيف والتمسيح ؟؟
انتي عارفه بعض الايادي الطفوليه الملقوفه اللي بتطبع على الدواليب كل شوي (:72((:35(

وكمان ... كون الميكرويف داخل الدولاب .. ماشيه معك تمام ..؟
وليش فضلتي انه يكون مخبى جواة الدولاب عن كونه ظاهر زيه زي الفرن ؟؟
>>>>>>>> تحقيق هذا مو تساؤلات

اعذريني ..


رزقك المولى الفردوس..

أم دحومي
04-15-2010, 04:04 AM
:s8::
ماشاء الله
الحقيقه لم أكن أتوقع ان تأتيني الإجابه بسرعه !
مدري يمكن عشان ظروف الاجازه وكذا ...
تسلمين والله يالغلا ...



طيب >>> طمعت الاخت
طبيعة اللمعه اللي في دواليبك كيفها معك من ناحية التنظيف والتمسيح ؟؟
انتي عارفه بعض الايادي الطفوليه الملقوفه اللي بتطبع على الدواليب كل شوي (:72((:35(

وكمان ... كون الميكرويف داخل الدولاب .. ماشيه معك تمام ..؟
وليش فضلتي انه يكون مخبى جواة الدولاب عن كونه ظاهر زيه زي الفرن ؟؟
>>>>>>>> تحقيق هذا مو تساؤلات

اعذريني ..


رزقك المولى الفردوس..

خخخخ قصدك والله السهر اللي لحس مخي:s2::
..الاجازه مانعرفها مثل الناس لزوم عمل أبو الشباب..:s9::

الدواليب بصراحه أنا عاجبتني اللمعه بكثييير أحس المطبخ لماتنظفينه يطلع يبرق ويفتح النفس..وعاد اللطخات من المزايين حدّث ولاحرج..بس ماهمني لأن بصماتهم فالبيت تعطيك احساس بالأمومه هع:s23::<<أنواع الطناش فالتنظيف والله..بس مو كثير لطخهم..<<استحت,,
تنظيفها جدا سهل...برشه واحده من (داك)وتصبح لامعه<<دعايه مبتكره..

والميكرويف لما سألنا المهندس فالمحل عنها أفادنا انه مايضر كونه داخل الدولاب بس واسع المكان حوله للتهويه..وبصراحه ماحبيت أغيّره وهو نوعيته جيده..ومابغيت أخسر أكثر لأن اللي يباع عندهم غالي..وكنت مفكره أحطه فوق الأدراج جنب الثلاجه..لكن ألغيناه للسبب اللي ذكرته..وحاليا أموره ماشيه تمام..

وحياك في غرفة الادعاء العام مع المحامي :s20::..

أي أسئله ثانيه تفضلي بها دام كل سؤال بدعوة حلوة ربي يستجيب ولك بالمثل..:s::

ثلوج دافئه
04-15-2010, 04:23 AM
هلا وغلا بام دحومي ابشرك للحين مااخترنا السيراميك لان اموري مطولة ابي الف على المطابخ اول يمكن سبحان الله يتغير رايي ولا رسيت على المطبخ حددت السيراميك

أم دحومي
04-15-2010, 04:29 AM
هلا وغلا بام دحومي ابشرك للحين مااخترنا السيراميك لان اموري مطولة ابي الف على المطابخ اول يمكن سبحان الله يتغير رايي ولا رسيت على المطبخ حددت السيراميك



فعلا طريقتك ممتازه فاختيار السيراميك..لأن ألوان المحلات احيانا تكون محدوده مثل اللي عند كافكو والخليجيون فصعب تلقين نفس درجة اللون للسيراميك او مناسب له..

تمنياتي لك بالتوفيق ومطبخ شرح برح تنفذين فيه أحلى الطبخات...:s11::

كانت معي
04-16-2010, 06:56 PM
خخخخ قصدك والله السهر اللي لحس مخي:s2::

..الاجازه مانعرفها مثل الناس لزوم عمل أبو الشباب..:s9::

الدواليب بصراحه أنا عاجبتني اللمعه بكثييير أحس المطبخ لماتنظفينه يطلع يبرق ويفتح النفس..وعاد اللطخات من المزايين حدّث ولاحرج..بس ماهمني لأن بصماتهم فالبيت تعطيك احساس بالأمومه هع:s23::<<أنواع الطناش فالتنظيف والله..بس مو كثير لطخهم..<<استحت,,
تنظيفها جدا سهل...برشه واحده من (داك)وتصبح لامعه<<دعايه مبتكره..

والميكرويف لما سألنا المهندس فالمحل عنها أفادنا انه مايضر كونه داخل الدولاب بس واسع المكان حوله للتهويه..وبصراحه ماحبيت أغيّره وهو نوعيته جيده..ومابغيت أخسر أكثر لأن اللي يباع عندهم غالي..وكنت مفكره أحطه فوق الأدراج جنب الثلاجه..لكن ألغيناه للسبب اللي ذكرته..وحاليا أموره ماشيه تمام..

وحياك في غرفة الادعاء العام مع المحامي :s20::..


أي أسئله ثانيه تفضلي بها دام كل سؤال بدعوة حلوة ربي يستجيب ولك بالمثل..:s::


تسلمين
بسم الله عليك عن لحسة المخ:s4::


القصد اني لما سألتك ... كنت اقول بنفسي أكيد اليوم اربعاء والعالم منشغله ببداية اسبوع الانطلااااق..

والحال من بعضه كلنا منربطين بدواماتهم!

من قلبي اشكرك واشكر بساطتك معي

...
عاد انا انقطع اتصالنا مدري وش فيه الدي اس ال
وانقهرررت ابغى اشوف انتي رديتي أو لأ...

لما طلعت لاختي اخذت الجهازمعي ... >>>ماتصبر أبد !!
(((((((( كني هذررت بزياده .. ))


أسأل الله ان يبارك لك فيما رزقك
ويزيدك من فضله
ويصلح لك مزايينك ويحفظهم

(سلامي لـــ دحوميكم ,,, احنا كمان عندنا دحومي خخخخخخخ ... الله يخليهم

كانت معي
04-16-2010, 07:02 PM
والسموحه منك ام دحومي


بعد اذنك اذا احتجت اسئله أخرى تراني بقط وجهي عندك >>>>> أبد ما تنعطى وجه (tongue)

أغلى من الغلا
04-16-2010, 07:36 PM
شو رايكم بشغل مطابخ عروبة الشرق بالرياض ؟

أم دحومي
04-17-2010, 01:20 AM
والسموحه منك ام دحومي


بعد اذنك اذا احتجت اسئله أخرى تراني بقط وجهي عندك >>>>> أبد ما تنعطى وجه (tongue)


أختي حياااااااااااااك الله بأي وقت وأي زمان ومكان:s16::

لايردك غير كيبوردك بضغطه وحده...إسألي..وأنا أجاوبك...وربي يحييك..

وشكلك نظلتي نفسك يوم ينقطع اتصالك ههههه..خذي من غسولك هع,,

وسلامك بيوصل إن شاءالله لدحومينا..:s15::

أم دحومي
04-17-2010, 01:20 AM
شو رايكم بشغل مطابخ عروبة الشرق بالرياض ؟


للأسف ماعندي فكره....إن شاءالله يفيدونك الأخوان...

ثلوج دافئه
04-18-2010, 07:04 AM
اختي ام دحومي برايك الخشبي مع الابيض شنو يصلح له تدخيله لون اضافيه

من خبرتي بالالوان الاخضر ممكن بس مدري يصلح بالمطبخ او لا ولا ادخل البني الغامق

وبعدين وش نوع البوية اللي استخدمتيها للمطبخ وهل ربع لمعه ولا بدون

أم دحومي
04-19-2010, 04:58 AM
اختي ام دحومي برايك الخشبي مع الابيض شنو يصلح له تدخيله لون اضافيه

من خبرتي بالالوان الاخضر ممكن بس مدري يصلح بالمطبخ او لا ولا ادخل البني الغامق

وبعدين وش نوع البوية اللي استخدمتيها للمطبخ وهل ربع لمعه ولا بدون


هلا بك ثلوج...وحياااك..
..كل شيء يرجع لذوقك فالنهايه وإيش حابه واللي فبالك ومشتهيته على قولنا..
..لكن برأيي البني ماأتوقع ينجح معك..لون الأخضر حلو وبيطلع مميز على حسب التصميم وتوزيع ألوان سيراميك المطبخ مايكون كثير ..
اول صوره بموضوعي عجبتني باللون الأحمر الغامق..
>>وتراي متخيله الخشبي اللي تقصدين نفس الللون بالصوره.مدري هذا اللي فبالك او لا..

عموما لو بتعملين مطبخك في محل عندهم تصميم عالثري دي..راح يسهل عليك كثير اختيار الألوان لما تشوفينها فالجهاز وتعدلين فيها لحد ماتقتنعين..لأن الصور توضح لك مثل الطبيعه..

http://www.almuhands.org/forum/imgcache2009/4/6014almuhands.org.jpg

http://www.almuhands.org/forum/imgcache2009/4/7945almuhands.org.jpg

بالنسبه للبويه ربع لمعه..لابد منها فالمطبخ عشان التنظيف يكون سهل..

وحياك ربي لأي استفسار آخر..

ثلوج دافئه
04-21-2010, 07:22 AM
هلا وغلا بام دحومي
صادقه تخيلت الاخضر بدرجة معينه وكمان الازرق السماوي ممكن يجي
اما بالنسبة للون الخشبي ايوه هذا اللي اقصد وبالنسبة للسراميك والبوية ناوية ان الله شاء نفص ديزاينك
مع ان فيه حركة ثانيه شفتها وعجبتني بس بستنى لين اشوف محلات البلاط والمطابخ واجمع افكاري
وان شالله انزل موضوع عن مطبخي بتفاصيله بس مو قريب لان لسى احنا باقي شهرين ويشطبون ان صدقوا العمال
وان شفت اسعار المطايخ في العلالي مره مره اجلت التفصيل اشوي لين ناخذ نفس
(ماودي افصل اي كلام)

وتسلمين ياعزيزتي في ابدأ نصائحك لنا...........ويرزقك من حيث لاتحتسبي

أم دحومي
04-22-2010, 04:16 AM
أختي ثلوج ربي يوفقك ويسعدك وين ماكنتي ويرزقك ماتتمنين وأكثر....

أسعدني تواجدك..وأتمنى لك كل الفائده...وهلا بك مليوووووووووون..

أم القمر
09-30-2010, 10:28 PM
هلا والله وغلا با أم دحومي

الله يبارك فيك حابه أسألك عن مطبخك شوي ولو إنه لسَ بدري علي بس علشان أستفيد ويستفيد الغير من موضوعك

حابه أسألك عن الكونتر ذكرتي في أحد ردودك إنه رخام صناعي ذو جوده عاليه ؟؟؟ كيفه الآن معك ومع الاستخدام هل تغير أو تأثر من الاستخدام ؟؟
طيب المجلى يالغاليه أكيد ستيل ( اللي حول المجلى بعد رخام صناعي اذا رخام ما تأثر بالمويه والغسيل )

الله يعطيك العافيه على سعة صدرك ويبارك في ايامك ويجزاك بالجنه أنتِِ ومن تحبين


:s15::

أم دحومي
10-01-2010, 10:27 AM
هلا والله وغلا با أم دحومي


الله يبارك فيك حابه أسألك عن مطبخك شوي ولو إنه لسَ بدري علي بس علشان أستفيد ويستفيد الغير من موضوعك

حابه أسألك عن الكونتر ذكرتي في أحد ردودك إنه رخام صناعي ذو جوده عاليه ؟؟؟ كيفه الآن معك ومع الاستخدام هل تغير أو تأثر من الاستخدام ؟؟
طيب المجلى يالغاليه أكيد ستيل ( اللي حول المجلى بعد رخام صناعي اذا رخام ما تأثر بالمويه والغسيل )

الله يعطيك العافيه على سعة صدرك ويبارك في ايامك ويجزاك بالجنه أنتِِ ومن تحبين



:s15::



أهلين اختي الغاليه أم القمر..

أبشرك السطح إلى الآن أموره تمام وانتي يمكن عارفه كمّل عندي المطبخ ألحين أكثر من سنه..
وحوالين المجلى ماتأثر نهائي..
وأنا ماأرحم فالشغل حتى القدور الحارّه أحطها عليه..وماشاءالله متحمل..

إذا أنتي ناويه على كافكو فاشتغلي وانتي مغمضه عيونك..لكن لو برى تأكدي منهم على نوعية السطح عندهم إيش نوعيتها بالضبط لأني مو متذكره هل هي صناعة إيطاليه و(جرانيت,رخام) أوصناعته محليه..أتوقع بيفرق عن الموجود فالسوق..

وربي يسهّل أموركم..

@اميرة الذوق@
10-01-2010, 12:28 PM
.
.

اول شي الله يبارك لك في مطبخك

ويرزقك من واسع فضله


ثاني شي انا سمعت ان مطابخ كافكو مطابخهم خشب بس ماعندهم المنيوم !

وكم سعر المتر عندهم

وايش هو الكروم

وكمان ايش العمق المناسب للدواليب برأيك لانه مواعيني كثيره

وكمان الارتفاع

وياليت تشرفيني في موضوعي وتبردين قلبي

لاني وربي شايله هم المطبخ اكثر شي لانه لك وللزمن وماتقدرين تغيرينه بسهوله زي باقي الاثاث

اللي هو بعنوان محتاره في تفصيل الـمـطـبـخ ......ساعدوني يااهل الخبره

المنتدى مو راضي احط رابط الا بعد 15 مشاركه



واسمحيلي اذا قربنا نفصل المطبخ مع انه مابقى شي ابغاك تساعديني في التفصيل والتنسيق

.
.

أم دحومي
10-01-2010, 03:35 PM
.

.

اول شي الله يبارك لك في مطبخك

ويرزقك من واسع فضله


ثاني شي انا سمعت ان مطابخ كافكو مطابخهم خشب بس ماعندهم المنيوم !

وكم سعر المتر عندهم

وايش هو الكروم

وكمان ايش العمق المناسب للدواليب برأيك لانه مواعيني كثيره

وكمان الارتفاع

وياليت تشرفيني في موضوعي وتبردين قلبي

لاني وربي شايله هم المطبخ اكثر شي لانه لك وللزمن وماتقدرين تغيرينه بسهوله زي باقي الاثاث

اللي هو بعنوان محتاره في تفصيل الـمـطـبـخ ......ساعدوني يااهل الخبره

المنتدى مو راضي احط رابط الا بعد 15 مشاركه



واسمحيلي اذا قربنا نفصل المطبخ مع انه مابقى شي ابغاك تساعديني في التفصيل والتنسيق

.

.



هلا بك غلاتي...وربي يبارك فيك وعقبااالك يارب...ومن عيييوني أخدمك باللي أقدر عليه..لأني فعلا مريت بتجربتك المريره فالمطابخ ويارب ييسر لك أمورك...

حبيبتي كافكو دواليبهم ألمنيوم إيطالي والمتر يبدأ للاستاندر من 2500ريال..ويزيد إذا كان التصميم خاص..

لو السعر عليك غالي تقدرين تسوين مثلي تستغنين عن بعض الأمور وتقللين الدواليب..لأن كافكو فعلا محل لايعلى عليه..ولو البيت ملك مو حسافه عليه..

والكروم اللي أقصده يحطونه تحت وعلى جوانب أطراف الدواليب هو مثل الستيل لكن لونه كرومي يعني وشلون....يعني مثل الستيل المطفي..وبأصوره وأرجع لك للتوضيح..

وعمق دواليبهم مناسبه إلا إذا أنتي طالبه عمق أكبر فهذا راح يزيد السعر عليك وياخذ من مساحة المطبخ..

بالنسبة لمقاسات العمق ماتحددينها لحد ماتعتمدين على تصميم معين ونشوف المناسب..

أم دحومي
10-01-2010, 05:20 PM
هذي صورة الكروم على الأطراف السفليه والجانبيه اختي أميرة الذوق..وهو جانب جمالي فقط تقدرين تستغنين عنه لتقليل التكلفه

http://www.almuhands.org/forum/imgcache2010/1/77477almuhands.jpg

http://www.almuhands.org/forum/imgcache2010/1/77478almuhands.jpg

@اميرة الذوق@
10-01-2010, 10:28 PM
جزاك الله كل خييييير

وربي يسعدك على هالتفاعل سواء معي او مع اخواتنا في المنتدى

وربي يجعل كل كلمه تكتبيها حسنه في ميزان حسناتك

أم القمر
10-04-2010, 02:08 PM
هلا وغلا بالغاليه ........... أم دحومي

سامحيني يالغاليه ترى أبغثك بالأسئله :s23::
على فكره أنا مسيفه موضوعك عندي علشان أذا دعت الحاجه رجعت له وأستفدت من معلوماتك الله يجزاك خير

على فكره يالغاليه أعجبتني فكرة الفرن المعلق مثلك تماما بس حابه أعرف عندك فرن داخلي للخبز والتشقير أو فرن كهرب
شاكره لك تعاونك والله يجزاك خير


:s11:::s11::

أم دحومي
10-04-2010, 06:13 PM
هلا وغلا بالغاليه ........... أم دحومي


سامحيني يالغاليه ترى أبغثك بالأسئله :s23::
على فكره أنا مسيفه موضوعك عندي علشان أذا دعت الحاجه رجعت له وأستفدت من معلوماتك الله يجزاك خير

على فكره يالغاليه أعجبتني فكرة الفرن المعلق مثلك تماما بس حابه أعرف عندك فرن داخلي للخبز والتشقير أو فرن كهرب
شاكره لك تعاونك والله يجزاك خير



:s11:::s11::



يؤ ولو يالغاليه نخدمك بعيوننا....

بس قبل اعترفي وين شفتي فرني فيه!!<<تحاول تجرجرك...

عندي فرن كهرب حق الشوي والتحمير والكيك والفطاير وووو :s23::
بس من جد أنصحك فالكهرب مررره روووعه مريييح جدا والشغل مضبوط فيه...
ومكانه تواجده بمطبخي تلاقينه فالصور فالصفحه اللي أضفت فيها التصميم النهائي للمطبخ..

وحيااااك ياغاليتنا بأي سؤال...أنا تحت أمرك

أم القمر
10-05-2010, 09:14 PM
يا حبيلك والله

شوفي يالغاليه لي تقريبا 14 سنه إذا مو أكثر شوي وأنا أستخدم فرن كهرب وبصراحه لا يعلى عليه تعودت عليه وأنا في أمريكا بس في بيتي الجديد حابه أضيف الغاز والكهرب سواء ( الغاز فقط السطح مثلك معلق ومفتوح + الكهرب السطح منفصل عن الفرن الداخلي ) هذا اللي في نيتي أسويه إذا ما غيرت رأيي وطبعا رجعت للصور اللي في صفحة 8 وماشفت فرن الكهرب اللي عندك عجزت الشوف شجر فحابه أسالك الفرن الكهرب سطحه منفصل عن الفرن الداخلي حق الخبز والا كيف ؟؟؟

معليش سامحيني على أسئلتي الجميله :s13::

الله يجزاك خير
اللهم أسترها فوق الارض وتحت الارض ويوم العرض يارب العالمين

:s11:::s11::

أم دحومي
10-06-2010, 12:24 AM
ام القمر بقبقي عيونك شوي وشوفي هاللي قدامك الفرن الكهرب لونه فضي,,,بس على الطبيعه لونه أسود:) ومنفصل عن العيون

http://www.almuhands.org/forum/imgcache2010/1/78461almuhands.jpg

واللي أنا مسويته مثل اللي فبالك....العيون غاز نار تلهلب...مايهنالي أطبخ بدون ماأشوف النار أقصّر وأطوّل عليها على كيفي موب كهرب مدري وش سنعه...

وجبت لتس الصوره من موضوعي حق قصة عيالي :) تعيجزت أصوره وهنا موجود...

http://www.almuhands.org/forum/imgcache2010/1/71796almuhands.jpg

والفرن الداخلي حق التحمير كهرب...

بس معليش مره ثانيه اسألي على سنع...لاتخليني بعدين أتهور وأصور لتس مطبخي على الطبيعه...ترى ماودي..:)

ربي يحييك يالغلا وحياك لأي سؤال ثاني ...لو تبين أعلمك وشلون نولع نور المطبخ علمتك :)هع

أم القمر
10-07-2010, 07:16 AM
ام القمر بقبقي عيونك شوي وشوفي هاللي قدامك الفرن الكهرب لونه فضي,,,بس على الطبيعه لونه أسود:) ومنفصل عن العيون

http://www.almuhands.org/forum/imgcache2010/1/78461almuhands.jpg

واللي أنا مسويته مثل اللي فبالك....العيون غاز نار تلهلب...مايهنالي أطبخ بدون ماأشوف النار أقصّر وأطوّل عليها على كيفي موب كهرب مدري وش سنعه...

وجبت لتس الصوره من موضوعي حق قصة عيالي :) تعيجزت أصوره وهنا موجود...

http://www.almuhands.org/forum/imgcache2010/1/71796almuhands.jpg

والفرن الداخلي حق التحمير كهرب...

بس معليش مره ثانيه اسألي على سنع...لاتخليني بعدين أتهور وأصور لتس مطبخي على الطبيعه...ترى ماودي..:)

ربي يحييك يالغلا وحياك لأي سؤال ثاني ...لو تبين أعلمك وشلون نولع نور المطبخ علمتك :)هع


بقبقت الين نامت عيوني :s6:: هالفضي أشوف لونه أبيض وتوقعته غسالة الصحون :s16::
الله يوسع صدرك بالعافيه شوفي الغاز راح يكون إستخدامي فيه قليل بس حابه أحطه للاحتياط

أم دحومي ممكن تصورين لي باب المطبخ :s31:: ( قولي معد بقى الاهذا كلش سألتي عنه ) هههههههههه


الله يجزاك بالجنه يارب ويخليك لأهل بيتك

:s15::

أم دحومي
10-07-2010, 11:58 PM
غسالة الصحون الفضي المستطيل اللي جنبه :) بس عندي على الواقع مو مبين ان فيه غسالة لأنها مخفيه تماما بالدولاب..

وحيااااااك يالغلا...الباب راجعه لك بصورته خخخخ

dallash
10-10-2010, 12:20 PM
سيدتي بحكم عملي مصمم ومنفذ وسابق خبرتي في المطابخ انا لا انصح بكافكو لان اسعارهم جدا مرتفعة والجودة عادية ولاكن مش سيئة وشارع الامير سلمان جودة سيئة واسعار عادية ولكن احذري عند الحساب والتمتير تراهم لعابين
وانصك ان تهتمي ان يكون المطبخ عملي ويلبي احتياجاتك اكثر من المنظر والجمال وكل ما كان المطبخ بسيط كان افضل واستغلي المسحات بالسلال والاكسسوارات وروحي الصناعية واشتري الاكسسوارات بنفسك تتختاري افضل الانواع وبأقل الاسعار وديها للمصنع او المعرض وخليهم ينزلوها على التصميم وايضا حاولي تشتري الاجهزة ( الفرن الثلاجة الميكرويف ......الخ ) قبل التصميم عشان يحسبو حسابه في المساحات وما تنجبري تشتري شئ ان ما تريدينه ولا تستعملي الرخام الصناعي استعملي الطبيعي سماكة 3 سم
في مصنع في الصناعية القديمة ما عندهم معرض ولا مصمم بس علي مسؤوليتي شغلهم ممتاز جدا ومتين وموعيدهم ممتازه ما عليكي الاان تأخذي التصميم من اي مكان او اي مهندس فهمان ووضع متطلباتك في الحسبان وخليهم هم يعملوا المطبخ فيها توفير اكثر من النص وجودة جدا عالية اسمهم الشركة المتحدة لصناعات الالمنيوم ت 4483803
واذا بترسلي مقاسات المطبخ مع تفاصيل الباب والشباك وصورة لالوان البلاط انا علي استعداد اعملك التصميم هدية بمقابل ان تدعي لي ولوالدي بالمغفرة

أم دحومي
10-10-2010, 04:14 PM
مشكور أخي على تعقيبك وإن شاءالله يستفيد غيري مماطرحته لأني خلصت تفصيل...

ومعلوماتك جدا مفيده...

كانت معي
10-14-2010, 09:01 PM
وجبت لتس الصوره من موضوعي حق قصة عيالي :)



ترى منب ملقوفه ابد ابد :s16::

وينه موضوع قصة عيالك الله يحفظهم ؟؟؟؟؟

:19

علي الصالح
10-15-2010, 03:36 AM
اقول خلونا الحين نخلص العظم عشان نشقى من جديد
الله يعين

أم دحومي
10-15-2010, 05:48 AM
ترى منب ملقوفه ابد ابد :s16::

وينه موضوع قصة عيالك الله يحفظهم ؟؟؟؟؟

:19


هلا بك والله....اللقافه ثقافه مافيها شي:s23::...

هذا رابط الموضوع للقصه :)

http://www.almuhands.org/forum/showthread.php?t=107516

:s11::

اقول خلونا الحين نخلص العظم عشان نشقى من جديد
الله يعين


ربنا معك...بالتوفيق

missalia
10-15-2010, 07:51 PM
بصراحة انا كنت اسبوع الي طاف في الرياض ودرت تقريبا اكثر المحلات المشهورة اهناك والافضل كان مطابخ الالمانية لكن وايد غالية وعندك الامريكية سغرهم حلو لكن finishing والهم شوية تعبان ممممم عندج مطابخ منى او شركة المنى شغلهم وايد حلو. المهم في السعودية واحد خيارات اكثر عن عندنا..

((غروب البحر))
10-15-2010, 08:47 PM
بسم الله الرحمن الرحيم
الله يبارك لك أم دحومي شي رائع بس والله المبروم شي خطير وعملي جدا بالنسبه للمطابخ دخلت محل بجده والله ما افتكر اسمه بس هووووه فخم جدا على الخط السريع والله مطابخ أدوخ والاسعار يوووه يغمى عليك من 30 ألف ووطالع مافيه أقل

وهاذي بعض الصور اللي التقطها بس والله ما عرفت انزلهم

أم دحومي
10-16-2010, 12:27 AM
بصراحة انا كنت اسبوع الي طاف في الرياض ودرت تقريبا اكثر المحلات المشهورة اهناك والافضل كان مطابخ الالمانية لكن وايد غالية وعندك الامريكية سغرهم حلو لكن finishing والهم شوية تعبان ممممم عندج مطابخ منى او شركة المنى شغلهم وايد حلو. المهم في السعودية واحد خيارات اكثر عن عندنا..

الله يعينك اختي ويسهل أمروك...موفقه يارب..


بسم الله الرحمن الرحيم
الله يبارك لك أم دحومي شي رائع بس والله المبروم شي خطير وعملي جدا بالنسبه للمطابخ دخلت محل بجده والله ما افتكر اسمه بس هووووه فخم جدا على الخط السريع والله مطابخ أدوخ والاسعار يوووه يغمى عليك من 30 ألف ووطالع مافيه أقل

وهاذي بعض الصور اللي التقطها بس والله ما عرفت انزلهم

الله يسلمك ويبارك فيك عقبالك حبيبتي..

مشكلة المبروم فالسعر ياخذ دبل سعر العادي ..

وياليت نشوف صورك...التحميل سهل وبتلاقين هنا طريقتها فهالرابط..

http://www.almuhands.org/forum/showthread.php?t=95151

http://www.almuhands.org/forum/showthread.php?t=34860

موفقه اختي

ابو دودي
10-23-2010, 08:36 PM
اسعد الله اوقاتكم جميعا وعلى البركه اخت ام دحومي ان شاء الله راح انفذ مطبخك وانا وابو الشباب اتفقنا بس المشكله بالالوان السيراميك عندي 3 الوان بيج بني غامق عسلي وماني عارفه ويش الالوان الي ارتبها علشان التصميم يطلع حلو بلييييييز ارجو المساعده علما الارضية كمان بيج

أم دحومي
10-24-2010, 03:38 PM
هلا بك أختي أم دودي..ربي يبارك فيك ويوفقك ..

http://www.almuhands.org/forum/imgcache2010/1/70048almuhands.jpg

شوفي هذي صورة من حمامي تقريبا نفس ألوانك تقدرين تسوين نفس التصميم لترتيب الألوان..أنا مثلك أرضيتي فالحمام بيج..

وربي يعيييينك ويسهل أمورك..

Tiara
10-25-2010, 12:07 PM
ماشاء الله ياأم دحومي مطبخك مررره حلو الله يهنيكي فيه :)

أم دحومي
10-26-2010, 10:17 AM
ربي يسلمك اختي الغاليه تيارا ويهنيك بحيااااتك ياااارب..

ابو دودي
10-31-2010, 06:29 PM
الله يجزاك الف خير ويكثر من امثالك ولا خلا من مشاورتك:s25::

aljazee
11-01-2010, 05:21 AM
اختي الغالية ...أم دحومي
الله يعطيك العافية على هالموضوع القيم والتصميم الذوق...
اعجبتني فكرة الثلاث وردات ...وحبيت اعرف هل هي سيراميك ام رسم على الجدار ...ولك مني اطيب تحية:s11::

أم دحومي
11-01-2010, 11:14 AM
الله يجزاك الف خير ويكثر من امثالك ولا خلا من مشاورتك:s25::


الله يحييك يالغاليه وكلنا فداك:s15::

اختي الغالية ...أم دحومي
الله يعطيك العافية على هالموضوع القيم والتصميم الذوق...
اعجبتني فكرة الثلاث وردات ...وحبيت اعرف هل هي سيراميك ام رسم على الجدار ...ولك مني اطيب تحية:s11::

هلا عزيزتي الجازي..

الله يسلمك من ذوقك يالغلا..

الوردات عباره عن ملصقات وكل من شافها يتوقعها رسم..
أخذتها من ايكيا...بـ50ريال تقريبا..وانتي تلصقينها مثل ماتحبين بأي طريقه..
وهلا بك..

aljazee
11-03-2010, 02:10 PM
الله يجزاك الجنة ووالديك...ما قصرتي بييض الله وجهك

أم دحومي
11-03-2010, 06:23 PM
ويبيض وجهك حبيبتي الجازي ولك بالمثل...حياك الله...

كانت معي
03-27-2011, 04:39 PM
السلام عليكم

كيفك ام دحومي


بعد اذنك حابه اسألك


غسالة الأطباق .... كيف تحسينها فعاله معك ؟؟

شركتها ؟؟

هل اشتريتوها انتم او كافكو امنوها لكم ؟؟

اي شي في نفسك عنها من ملاحظات او تنبيهات

تجربتك معها !




تكسبين فيني معروف يالغلا

ام فارس محمد
03-27-2011, 09:28 PM
بعد اذن صاحبة الموضوع غسالة المواعين مريحة وعمليه بس تحتاج صابون وملمع خاص وملح وعندي ماركة ارستون مريحة جدا وابحثي عن تجارب عنها تلقين بالتفصيل في عالم حواء.............وجزاك الله خير يام دحومي على ذكر تجربتك بالتفصيل استفدت منها كثير الله يبارك فيك

كانت معي
03-27-2011, 09:38 PM
مشكوره ام فارس محمد



والشكر موصول للغاليه ام دحومي

أم دحومي
03-28-2011, 02:17 AM
هلا بك اختي الغاليه:كانت معي

الأجهزة أخدناها من مؤسسة عاليه مو من كافكو..

وميزتهم عاليه انهم عندهم ورشة صيانه اي خراب فالجهاز يجون يصلحونه لك..في طريق الملك فهد موقعهم..

شريت ماركة فافوريت ألمانيه...وشغلها ماعليه مدري استخدامي لها قليل بحكم ان عائلتي صغيره ومواعيني أغلبها بلاستيك :) عشان أغلب وقتي عالمجلى أحس مايسوى تشغيلها عشان قدر وملعقتين :)

بس فالعزايم تفك زنقه البيالات والصحون والفناجيل والملاعق تللللمع وتنظفها مايبقى غير الصياني والأباريق والترامس بس..

لو عائلتك كبيره أو ماتفضلون البلاستيك بتنفع لك ..

ربي يوفقك..

والله يحييك اختي الغاليه ام محمد :)

كانت معي
03-28-2011, 08:46 AM
اشكرك جدا اختي ام دحومي

ويعلم الله متصفحك هذا جدا افادني



اسأل الله لك التوفيق وان يصلح لك ذريتك

أم دحومي
03-30-2011, 04:16 AM
الله يحييك والله يالغاليه...وأتشرف بخدمتك على عيني وراسي..الله يسهل أمورك

ام فارس محمد
03-30-2011, 12:50 PM
الله يعافيك كافكو وين موقعه في الرياض والاجزاء الداخليه زي السلال والاجهزه منين اخذتيها منهم والا من غيرهم والارفف الداخليه المنيوم خفيف زي المطابخ العاديه والا عريضه

أم دحومي
04-03-2011, 12:25 AM
هلا بك أختي أم فارس...

كافكو فالتخصصي...أخذنا منهم السلال بس اخترنا الأرخص فالمعروض :) ..الأجهزة مو منهم..

وبالنسبة للأرفف هي سخيفه مو عريضه بس أقوى من العاديه..

وحياك الله..

ام فارس محمد
04-03-2011, 10:39 PM
الله يجزاك خير

سمو..إنسانه
04-25-2011, 04:54 PM
الله يهنيكي يام دحومي
لي فتره كاتبه موضوع عن المطابخ محد فادني
وبالصدفه اشوف موضوعك واستفدت كثيررررررررر
لأني كنت ناويه على كافكو بس متخوفه
وماكانت عندي اي خلفيه عن المطابخ
بس قريت اشياء ماكانت ببالي زي المفاصل وغيرها

بس من خبرتك تنصحيني بالمودرن ولاالكلاسيك
بيتي المعيشه أمريكي والصوالين كلاسيك
أميل للكلاسيك بس يجذبني المودرن أكثر واحسه عملي اكثر
ولي عوده بباقي الاسئله اذا ماعليكي امر

أم دحومي
04-25-2011, 09:29 PM
اهلين عزيزتي سمو انسانه..

من ناحية مودرن أو كلاسيك أكيد يرجع لشخصيتك ايش ترتاحين له اكثر..

أنا ميولي مودرن وأحس النظافه تبين فيه ويشجع على الشغل لما تكون ألوانه شرحه..

شوفي اكثر شي تميلين له واستخيري..

وأبشري بكل جواب لكل سؤال منك بإللي أقدر عليه..وربي يحييييييك

سمو..إنسانه
04-26-2011, 09:54 PM
يارب يسعدك يام دحومي ماتقصري
انا اميل للمودرن أكثر لأن موديلاته احلى والوانه كمان
طيب الافضل اللامع ولا المطفي
قريت كثير يقولو الامع يتوسخ بسرعه ويوضح فيه طبع الاصابع مع انه شكله احلى من المطفي
والافضل الصاج ولا الفورميكا اوتنصحيني بنوع غير
الله يسعدك يارب أتحمليني ابغى اكون عارفه كل شي عشان ماندم واختار بثقه ومااحد يغشني

أم دحومي
04-27-2011, 03:48 AM
هلا بك حبيبتي سمو منوّرة..

خلاص توكلي على الله وسويه مودرن..وإذا ناويه بالفعل تفصلينه عند كافكو خلاص ارقدي وآمني :) كلش عندهم تحت السيطرة.. :)

ومو فاكره ان عندهم مطفي..انا مطبخي ألمنيوم لامع و زجاج شفاف مرمّل وزجاج ملون...وبالعكس مبسوطه منه صحيح ان الألمنيوم اللمعه يبصم اليدين لو كانت مو نظيييفه..بس الشكل مره رااايق باللمعه ومو لهالدرجه تشوه البصمات لأنه مو مثل الاستيل الي يجيك على الأفران أي لمسه يطبع, لا فرررق..

والفورميكا او الصاج إذا كافكو ماعندهم الظاهر هالسالفه ماسألونا وش نبي بس خامتهم قويه..(ألمنيوم إيطالي)

ولو تبين من غيرهم بصراحه مو عارفه الفرق بينهم لكن كثير يمدحون الفورميكا..

والله ييسر أمورك...فعلا المطبخ يدوووخ الراس ربي يعينك..

سمو..إنسانه
04-28-2011, 01:29 PM
يارب يوفقك يام دحومي ريحتي قلبي الله يريحك دنيا وآخره
طيب انتي اخذتي الرخامه والمجلى كيف؟

أم دحومي
04-29-2011, 11:14 PM
الله يجزاك خير على هالدعوات الحلوة وربي يحييك وأنا تحت خدمتك..

أخذت كل شي من عند كافكو ماعدا الأجهزة..

الرخام ميزته عندهم ماتشوفين تفاصيل القص بين كل متر...لا كله طبقة وحده..ومنظره روعه ماشاءالله..

والمجلى ريحت بالي من فرفرة السوق وخليتهم يركبونه من عندهم..بس الخلاط أكيد من برى..

@اميرة الذوق@
05-01-2011, 04:00 PM
طيب ياام دحووومي

بسألك ايش افضل ماركه بالنسبه للثلاجه والفريزر

وكمان لو تعرفي ماركة فرن غاااز كامل (متصل) ياليت تفيديني

والله يعطيك العاافيه



وياليت تشرفيني هنا

http://www.almuhands.org/forum/showthread.php?p=1105890#post1105890

أم دحومي
05-03-2011, 11:17 PM
مرحبتين اختي أميرة الذوق..

اللي جربته فالثلاجه (جنرال الكتريك)عندي من حوالي عشر سنين ماشاءالله تماااام
والفريزر(ويرلبول).. الدولابي بأدراج يفتح زي الثلاجه أريح من النوعية القديمة اللي يجيك بابها يفتح من فوق..

بالنسبة للفرن الكل يثني على (جليم غاز) هي أشوفها تعييش وتدووم..

نقية الروح
05-05-2011, 08:21 AM
مرحبتين اختي أميرة الذوق..

اللي جربته فالثلاجه (جنرال الكتريك)عندي من حوالي عشر سنين ماشاءالله تماااام
والفريزر(ويرلبول).. الدولابي بأدراج يفتح زي الثلاجه أريح من النوعية القديمة اللي يجيك بابها يفتح من فوق..

بالنسبة للفرن الكل يثني على (جليم غاز) هي أشوفها تعييش وتدووم..

الله يجزاك خير أختي أم دحومي

فعلا الفرن ( جليم غاز ) ممتاااز
ايضا جربت نفس الماركة ( ويربول ) رااائعة

@اميرة الذوق@
05-07-2011, 08:35 PM
مرحبتين اختي أميرة الذوق..

اللي جربته فالثلاجه (جنرال الكتريك)عندي من حوالي عشر سنين ماشاءالله تماااام
والفريزر(ويرلبول).. الدولابي بأدراج يفتح زي الثلاجه أريح من النوعية القديمة اللي يجيك بابها يفتح من فوق..

بالنسبة للفرن الكل يثني على (جليم غاز) هي أشوفها تعييش وتدووم..

الله يجزاك خير أختي أم دحومي

فعلا الفرن ( جليم غاز ) ممتاااز
ايضا جربت نفس الماركة ( ويربول ) رااائعة


ام دحومي ونقية الروح

جزاكن الله كل خير

بس افران جليم غاز كثير ناس يذمونها

وانا شفته عندي اختي انعدم عليها لما نظفته بكلوركس

الستيل مره خفيييف ومايتحمل مو زي افران جليم القديمه تكرف كرف

الحين كل شي صناعته سيئه

أم دحومي
05-08-2011, 12:41 AM
طيب عندك ماجيك قاز...أشوفها عند اهل زوجي شارينه من سنتين تقريبا شكله من الستيل القوي باين عليه مو هالخفيف إللي يهز...وللحين مضبوط معهم..

حقي الأول قديم من عشر سنين.. قليم غاز وماشي حاله أبيض مو استيل...وعلى قولتك الصناعه الحين مهنا زود.

وفالتنظيف لاتستعملون كلوركس فيه منظفات خاصه للأفران...

الفضاءالسحيق
05-09-2011, 11:08 AM
الله يهنيك ويسعدك اختي ام دحومي ماتعرفين وش كثرريحتين وعرفت اشياء كنت مااعرفها وان على وشك تصميم مطبخ في منزلي الجديد

أم دحومي
05-10-2011, 04:41 PM
الله يهنيك ويسعدك اختي ام دحومي ماتعرفين وش كثرريحتين وعرفت اشياء كنت مااعرفها وان على وشك تصميم مطبخ في منزلي الجديد

الله يسلمك ويستجيب منك ياقلبي...

مشكورة على اطرائك الله يرفع قدرك ويعينك على أمور دينك ودنياك..

أنا تحت خدمتكم باللي أقدر عليه

الفضاءالسحيق
05-11-2011, 12:40 PM
ربي يخليلك دحومي وابو دحومي على اخلاقك العاليه

أم دحومي
05-12-2011, 12:55 AM
ربي يخليلك دحومي وابو دحومي على اخلاقك العاليه


وربي يخليلك من تحبين على هالذووووق :5116_01178541373:

رائحة البرتقال
05-16-2011, 03:24 PM
ام دحومي

موضوع جميل ومفيد الله لا يحرمك الاجر


سؤالي خارج عن الموضوع لاني ادور كراسي للحمام وابعرف وش نوع الكرسي عندك


http://www.almuhands.org/forum/imgcache2010/1/70048almuhands.jpg

برق الضحى
05-16-2011, 03:44 PM
للأسف يا أم دحومي مقدر أفيدك لأني مثلك أجهز بيتي وأبغى أحد يساعدني
ومن ناحية الألوان اللون الأحمر حلو مع الأبيض

أم دحومي
05-17-2011, 02:05 AM
ام دحومي

موضوع جميل ومفيد الله لا يحرمك الاجر


سؤالي خارج عن الموضوع لاني ادور كراسي للحمام وابعرف وش نوع الكرسي عندك


http://www.almuhands.org/forum/imgcache2010/1/70048almuhands.jpg

هلا بك حبيبتي..

الكراسي أخذناها من الخليوي اسم ماركتها (دانات ديزاين) لها سنتين تقريبا وعمليه..

وحياك الله لأي استفسار

للأسف يا أم دحومي مقدر أفيدك لأني مثلك أجهز بيتي وأبغى أحد يساعدني
ومن ناحية الألوان اللون الأحمر حلو مع الأبيض

اهلين مشكورة ياقلبي الموضوع خلصت منه وبيكمل سنتين:0aa4: واضح انك مانتبهتي..منورة يالغاليه

رائحة البرتقال
05-17-2011, 01:24 PM
ام دحومي الله يهنيك ببيتك ويخليلك عيالك

مشكورة

أم دحومي
05-17-2011, 03:11 PM
الله يحييك ياقلبي مشكورة على هالدعوه الحلوة

أضواااء
06-13-2011, 08:22 AM
ماشاء الله الله يهنيك ممكن اعرف التكلفة الكلية للمطبخ لان مطبخي مساحته 4×4.5 وحابة اعرف نوعه المنيوم ولا ايش

اكسير
06-20-2011, 11:46 PM
الاخت الفاضله ام دحومي ممكن
تفيديني عن مطابخ عالم حواء لاني رسيت على اني افصل عندهم و مارايكم في الفورميكا ارجو الاجابه
العاجله

أم دحومي
06-21-2011, 03:43 AM
ماشاء الله الله يهنيك ممكن اعرف التكلفة الكلية للمطبخ لان مطبخي مساحته 4×4.5 وحابة اعرف نوعه المنيوم ولا ايش

هلا بك اختي..

نوعه ألمنيوم أيطالي..

الاخت الفاضله ام دحومي ممكن
تفيديني عن مطابخ عالم حواء لاني رسيت على اني افصل عندهم و مارايكم في الفورميكا ارجو الاجابه
العاجله
السموحه أخوي المحل هذا ماعرف عنه شي ولاسبق ان زرته..

نوني كوين
06-22-2011, 08:37 AM
الصراحه الاالوان ماعجبتني

ابو جرااااااح
06-22-2011, 08:42 AM
مرمكس ممتاز وقصر العليان في الدمام

بووبدر
10-31-2011, 02:39 PM
مشكورين جدا

أم ألين
05-27-2012, 04:34 PM
ماشاءالله ذوقك حلو الله يهنيك فيه


بسأل عن المطابخ صناعة وطنية شفتها في بنامكو وعجبني واحد سعر المتر اتوقع 950 أو أكثر

وعطوني رايكم في محل أروح قبل أطب على محل ينصب علينا

منال***
05-31-2012, 04:31 PM
ماشاااااااااااااااء الله

الفهده
06-03-2012, 09:20 AM
باشارك بتجربتي لعل احد يستفيد منها

مطبخي مسويته من عشر سنوات من التيسير للمطابخ
مساحة المطبخ ٥*٤ على شكل حرف u - المنيوم والواجهات خشب سنديان - كلاسيكي
وهو المطبخ الوحيد عندي وماشاء الله عليه تحمله ممتاز ماعدا الابواب صارت تحتاج الى ترميم او تغير
حبيت اغير الشكل من كلاسيكي الى موديرن والغيت الابواب الخشب واستبدلتها بابواب المنيوم وايضا الغيت كثير من الابواب العلويه واستبدلتها بابواب سحب
تغير شكل المطبخ تماما وكاني مسويه مطبخ جديد
وماكلفني كثير ( ١٠ الاف ) من بنامكو للمطابخ بصراحه شغلهم ناعم ودقيق لكنهم عذااااااااب في المواعيد يعني الي بارد مثلي ويبي اسعار معقوله يروح لهم
من اللف استفدت افكار من المطابخ الفخمه والتنفيذ عند مطابخ متوسطة الاسعار

أم ألين
06-03-2012, 03:11 PM
باشارك بتجربتي لعل احد يستفيد منها

مطبخي مسويته من عشر سنوات من التيسير للمطابخ
مساحة المطبخ ٥*٤ على شكل حرف u - المنيوم والواجهات خشب سنديان - كلاسيكي
وهو المطبخ الوحيد عندي وماشاء الله عليه تحمله ممتاز ماعدا الابواب صارت تحتاج الى ترميم او تغير
حبيت اغير الشكل من كلاسيكي الى موديرن والغيت الابواب الخشب واستبدلتها بابواب المنيوم وايضا الغيت كثير من الابواب العلويه واستبدلتها بابواب سحب
تغير شكل المطبخ تماما وكاني مسويه مطبخ جديد
وماكلفني كثير ( ١٠ الاف ) من بنامكو للمطابخ بصراحه شغلهم ناعم ودقيق لكنهم عذااااااااب في المواعيد يعني الي بارد مثلي ويبي اسعار معقوله يروح لهم
من اللف استفدت افكار من المطابخ الفخمه والتنفيذ عند مطابخ متوسطة الاسعار

بنامكو ماعندها الا صناعة وطنية وشرايك في الوطني

والله يبارك لك

علي الصالح
06-03-2012, 05:59 PM
اقول الله يعين اذا جا دور المطبخ والله العمار شغلانه وبس

الفهده
06-05-2012, 06:19 PM
بنامكو ماعندها الا صناعة وطنية وشرايك في الوطني

والله يبارك لك

بنامكو توني مقدر احكم عليهم اذا عملي او لا. بس الشكل حليو
مطبخي له عشر سنوات وقريبتي صار لها حوالي 15 سنه طبعا صناعه وطنيه وممتازه
واي صناعه مع طول الاستعمال يبي لها تعديل او ترميم
ومستوى الجوده يختلف من مصنع لاخر سواء وطني او غيره

مزاميزو
03-03-2013, 01:49 AM
موضوع فعلا يستحق المشاهدة الله يهنيكم جميعا ويمتعكم بالصحة والعافية