المشرفة ام فهد المبدعة والاخوان الاعزاء

صارلي اربع اشهور ادور على مكتب هندسي مبدع بالخبر للفلل ولكن دون فادة , لان المكاتب تطلب ارقام فلكية للمخطط وهذة الاسعار
1 190000ريال
2 150000 ريال
3 90000 ريال
4 80000 ريال
معقول ان هذه هي الاسعار ولي يبي اسماء المكاتب اعطيهيا , علما ان الارض هي 1500 متر ابي ابني عليها دورين 500 متر للدور ارجو الارشاد وانصح ،،،، مع الشكر والتقدير

اخي العزيز .. فيه مكتب صابر للاستشارات الهندسيه و انا صممت بيتي عندهم وهو جدا رائع .
موقعه في اول الدمام , اول عماره على اليسار بعد حديقه الاسكان و انت جاي من طريق الدمام الخبر السريع

يعتمد يا أخي على ما تطلب من تفاصيل من المكاتب -لكن المعتاد عليه من 6000 إلى 20000 إذا طقتها الحمى و تعبوا شوي في حساب الاحمال و حساب المواد و اعطوك قائمة تفصيليه تعينك على تقدير التكلفه- و لا تنسى أن الايام هذه موسم مع كثرة البنيان . و اكثر المكاتب تعتمد على النسخ و اللزق.

في بعض المكاتب الجيدة بأبها و أعتقد أن أسعارها أقل

السلام عليكم



معقوله الاسعار اللي تقول هذي اسعار تنفيذ ماهي اسعار تصميم والله لو انك بتصمم ناطحة سحاب بعدين فيه مكاتب ممتازه في الدمام مثل الشايب والقطري والحصان والعوامي وأل قو احمد وهم من افضل المكاتب واسعارهم معقوله جدا والخبر فيه الوبران في عمارة بن زقر اللي بعد هابيتات فيه مكاتب كثيره

اخي الكريم من واقع تجربه اذا حاب تريح بالك وقت التنفيذ ادفع
(حط فلوسك في الشمس وقعد في الظلال)
واحذر مكتب الحصان اللي بالدمام عند الامانه بعد ما اخذت الخارطه منه اكتشفت ان الانشائي يختلف عن المعماري وزرع البيت عمدان ومنزل ارتفاع السقف عن المطلوب لتكيف المركزي ويوم طلبت التعديل طلب مني 2500 ريال فقط لاغير بعد التخفيظ مع العلم ان الخارطه ب5000 كامله:s14::

انا متابعه لمن لديه خبره لا تبخلون علينا بالمفيد....................

بسم الله الرحمن الرحيم :

انا عن تجربه انصحك بمكتب دار المملكه فى الخبر على شارع الامير فيصل بن فهد , شغلهم حلو ومرنين كثير فى التعامل حيث ان خارطة منزلى جلست لديهم شهرين وكل يوم اعدل فيها وارجعها وكان تعاملهم روعه وسعرهم معقول 7000 ريال.

للإيضاح فقط
مهمة المهندس المعماري تختلف عن مهمة المهندس الانشائي و تلتقي مهمتيهما عند توزيع أحمال البيت للاخذ في الاعتبار الجوانب الانشائية و الجوانب الفنيه. فالمهندس المعماري يهتم بالمداخل و الممرات و الاضاءة و توزيع اقسام البيت و تناغمها ليصبح السكن مريحا و ممتعا و عمليا في نفس الوقت - و يرتقي إلى الصوت في احوال نادره لمثل صالات العرض و مراكز الاجتماعات بالتعاون مع مهندس الصوت.
أما المهندي الانشائي فمهمته تتلخص في توزيع أحمال البيت على الاعمده و القواعد و الاهتمام بحديد الاعمال الخراسانيه من مقاسات و توزيع و ربط و امتداد و تحوير ليضمن تماسك البيت و عدم تشققه أو انحناء اجزائه مع مرور الوقت.

نقطه مهمه يا إخوان و أخوات: تحروا الامانه في تقديم المشورة و النصح و اجعلوا الخوف من الله نصب أعينكم و لا تزكوا مكتب او شركه لان لكم مصلحة فيها فانتم مسؤولون امام الله و كما قيل - المستشار مؤتمن.

علمنا اخويب لكسري اذا لقيت ترانا في الانتظار

السلام عليكم ورحمه الله..ابشركم كنا زيكم دايخين الف دوخه والان سوف ان شاء الله يستقر راينا على مكتب النمران الاستشاري الهندسي مسوي خارطه لصديق زوجي تحفه واسعاره توصل الى 40000 او اكثر على حسب ...الله يوفق الجميع

حقيقة فيه بعض الردود ماجازتلي من واقع الكلام الي يحتويها

بالنسبة للأسعار تعتمد على الآتي:
- الخدمات اللي يقدمها المكتب الإستشاري، وهذي الخدمات تشمل دراسات معمارية للموقع، دراسات بيئية، دراسات وظيفية، دراسات حركة خارجية ، دراسات حركة داخلية. بعضكم اكيد بيسأل وش لزمة الكلام ذا كله البيت عامود وجدار وقواعد وانا اوزع البيت على كيفي والمعماري يرسملي المخططات زي ما ابي ... الخ. طــــــــــــيب هذا الكلام على عيني وراسي لكن للأسف ذي المشكلة اللي بنعاني منها في بيوتنا

الشي اللي عايشين فيه واللي يتصمم بتكلفة اجمالية مع الاشراف على التنفيذ ب 10 الاف ريال سجن خرساني خالي من اي نوع من انواع الجودة الفراغية واللي يدعونا للتاثيث احيانا باسعار توصل الى مية الف ريال لكي نبث الروح في المسكن، ونحس اننا ساكنين في شي يمت بصلة للفراغ الانساني اللي يلبي احتياجاتنا الوظيفية والجمالية

الجمال ليس فقط جمال الواجهة الخارجية بل ايضا جمال الفراغات الداخلية للمنزل... وبإكتمال هذان النقطتان ممكن الإنسان يحصل على فراغات داخلية وشكل خارجي يلبي المتطلبات اللي على اساسها بنيت هذه المهنة.

للأسف الكثير من الناس يجهل ما هية المهندس المعماري ( ايش وظيفته هذا) ويحاولون دائما فرض رايهم عليه بحكم انهم دافعين فلوس على شان يرسملهم افكارهم ، وهذا الشي المحزن اللي برضه للأسف بيستغله كثير من المهندسين المعمارين لزيادة مربحهم
المعادله بالنسبة لهم بسيطه
المشروع المعماري بيكلف ( حسب الإستاندرد العالمي ) تقريبا 50 الف ريال ولنقول انه في كل اربع اشهر مشروع زي كذه بيكون مرضي للمعماري الشاطر اللي ما يحاول يضغط نفسه باكثر من مشروع. يعني دخل المعماري الشاطر = 50000 ريال في الارع اشهر توزع على العاملين عنده بالمكتب مع خصم الإيجار والكهرباء وغير ذلك إالين يصفاله هو تقريبا 6000 ريال شهريا... هذي حالة الانسان الأمين اللي كل الناس بتهرب منه وتتدعي انه غالي ..!!!

بالنسبة للمعماري الأخر اللي بيحاول يطبطب المهنه( يسلقها بالعامي ) ويرمي جميع الإعتبارات وراء ظهرة وياخذ العملية تجارة مع رضا العميل اللي هو انت ( نعم انت اللي تقول انه الخرائط مايبيلها تعب ) لو قارنا دخله في الاربع اشهر حتكون كالتالي :
المشروع بتكلفة 4000 الى 8000 ريال ( المشروع كامل من دون اشراف) مدة المشروع نص ساعه بحث بمكتبته + طباعه واسبوع تجلس تعدل فيه انت وعايلتك يرجع يعدلها على الكمبيوتر ويطبعها ويقلك راجعها ( لانه ما إطلع على طلباتك ودرسها وابتدع لك الحلول المعمارية اللي تناسبك انت لا غيرك) ترجع فيها وانت مبسوط لانك شاركت بالعملية التصميمية ( من وجهة نظرك بس ) واللي هي اساسا بعيدة عن كل المعايير المعمارية والهندسية، ويقولك خلاص ابي ارسلها للبلدية على شان الموافقة المبدئية ونخلصك على شان تعمر باسرع وقت ( وانت في داخلك تقول ياسلام ماشاء الله سرعه في العمل وجوده عالية بمنظورك انت فقط ) لكن بمنظورنا كمعماريين هذا مسمار جديد يدق في نعش المهنة المعمارية اللتي تدمر بمساعدة الملاك..
نرجع للدخل تبعه واللي معتمد على سمعته بين الناس اللي انتشرت بسبب سعره نقول 8 مشاريع بالشهر (وذي قليله)، يعني تقريبا 40000 الف ريال بالشهر اذا متوسط سعر المشروع حوالي 5000 ريال ، في اربع اشهر المبلغ يوصل بالقليل الى 160000 الف ريال ....

شايفين الفرق ....

لكن للأسف الضحية الملاك اللي فرحانين بانهم مصممين المشروع باسعار خيالية ( تخفيضات ) على حساب تنفيذ المشروع اللي بيدفعو فيه اضعاف مضاعفه..

طيب انتم جالسين تسألو انفسكم ايش نقدر نسوي ذا السوق وهذا الاشياء اللي هنا ومعروضه يعني مافيه العقل يقول الارخص نفسه نفس اللي بمليون ريال كله متنفذ وعايشين فيه...

قلة قليلة بالمنتدى يعرفوني شخصيا ويعرفون خبرتي العملية اللي تدرجت من العمل في واحد من اصغر المكاتب اللي يتعامل بخرائط قيمتها 2500 ريال ( وانفصلت منها بعد اسبوعين ) لاني عاندت مدير المكتب( المقيم ) اللي كان ماخذ الشغله تجارة ،باني ما اشتغل هذا الكلام واللي صاير مخالف لأدبيات المهنة اللي تعلمناها ، وربي عوضني خير وإشتغلت في اكبر شركة تصميم معماري و هندسي بالمملكة وفي اقل من سنة تدرجت الى ان وصلت مراحل عليا في فرق التصميم...

ما احاول ذكره هو مثال مر علينا في الشركة لتصميم فيلا مساحتها 500 متر بنائي ومساحة الأرض حوالي 1500 كما هي مطلوبة لصاحب الموضوع ، كان هناك فريق تصميمي للمعماري مكون من ثلاث معمارين ( متخيلين ثلاث معمارين على فلة واحدة) ، المهم اخذ التصميم منا تقريبا اسبوعين حتى وصلنا لفكرة تناسب طلبات المالك وواجهنا نفطة جلسنا نحاول نحلها لمدة اربع ايام وهي موقع غرفة بالفيلا ( شوف الدقة ) وكيف تكون الغرفة ذي مريحة ( كانت غرفة احد ابناء المالك في المرحلة الإبتدائية عمره 10 سنوات)، جلسنا نفكر وندرس مراجع نفسية وتعليمية حتى نثري عقلية الطفل هذا وما نأثر علية سلبا من خلال تصميمنا..مع العلم ان فريقنا صمم مشاريع تنموية على مستوى البلد بالإضافة لأن الفريق يحتوي على خبرات متعددة من بلدان عربية واجنبية وجميعنا من اوائل الدفعات وعارفين احنا دارسين ايش والشركة ما تقبلنا الا اذا عدينا كافة امتحاناتها في التخصص والمقابلات الشخصية اللي تهدف لمعرفة عمق فهمنا للتخصص( يعني ناس ماتلعب).


بعضكم يقول وش هذا الكلام الفاضي ، اكيد فاضي بالنسبة للي يفكر التفكير ذا وما يعتقد ان المحيط يؤثر على الإنسان سواءا سلبا او ايجابا وبعضكم يقول طيب زمان العالم كانت عايشه في بيوت من حجر اقلهم ايه بس كان المحيط اللي حولهم غني جدا وبنفس الوقت فترات جلوسك الآن بالمنزل اضعاف مضاعفة لفترات جلوسهم ببيوتهم الحجرية ، فمن هذا المنطلق ظهرت اهمية إثراء الفراغ المعماري اللي بنحاول سدها كما ذكرت سابقا بالاثاث والديكور اللي يعتبر حليه زائفة للمعنى الحقيقي للمنزل ..

هذا الكلام يوصلني الى نقطة اخرى ، هل قد سألت عن المهندس المعماري اللي حيصمملك بيتك، من وين متخرج ؟ كم معدلة او تقديره ؟ ايش خبرته؟
من حقك تسأل ذي الاسئلة لانك ماتبي تترك بيتك يتصمم من قبل واحد معدلة مقبول في الجامعة ولا يعرف كيف يربطلك الفراغات اللي بمنزلك بطريقة تلائم احتياجاتك..

البعض قد يقول وخاصة بعض المعماريين اللي بيحاولو يخلقو لانفسهم اعذار واهية نظيرا لاخفاقهم في فهمهم للعمارة .... ويقولو مثلا انه المعماري العالمي فرانك جيري معدلة بالجامعه كان ضعيف بالذات بالمقررات التصميمية ... وهذا الكلام غير صحيح لانه كان ضعيف لانه كان متمسك بنوعية معينة من التصاميم كانت مخالفة للعلم اللي كانو الدكاتره بيحاولو يختبرو الطلبة فيه ويفهموه كنقطة انطلاق في التصميم المعماري..

هذا غير الاشياء الكثيرة التي يتطرق اليها المعماري في التصميم من توزيع إضاءات ودراسة الفتحات ( شبابيك وغيرها من الفتحات ) وغيرها وغيرها من الكثير من الاعتبارات التي درسناها في خلال الخمس سنوات بالجامعة وما اكتسبناه من خبرة وعلم بعد المرحلة الجامعية.

النقطة الثانية المحركة للأسعار هي متطلبات المالك نفسها من خرائط تفصيلية توصل الى مرحلة الكميات والمواصفات والتسعيرات ونحو ذلك من تفاصيل تركيب
هذي المرحلة بالعادة تكلف ضعف تكلفة عملية التصميم ( من واقع خبرتي وتجربتي العملية) لو كان التصميم بيكلف 25000 ريال فالمراحل الثانية تكلف 50000 الف ريال... ( مبلغ كبير ) ليـــــــــــــة؟؟؟؟؟

لان مرحلة المواصفات وبرضة تنقسم لقسمين تعتمد على نوعية المكتب اللي كما اسلفت ذكرتهم ( ممارس المهنة ، المتاجر بالمهنة) ممارس المهنة سوف يجتهم بالدراسة والبحث عن افضل المواصفات اللي تحقق الكمال للتصميم اللي تعب علية وتخليه مشروع مميز .. من مواد جديدة واسعار منافسة ... وبرضة من دقة تركيب بحيث لا يترك للمقاول مجال لانه يتلاعب بالاسعار او بطريقة التنفيذ..

الاخ الثاني ( المتاجر) بيجمعلك كم كاتلوج ويكتبهم في جداول ويقولك هذي المواد افضل شوي والباقي يعتمد عليك انت ( وذا السبب اللي يخلي بيوتنا ملونه من جوه بألوان قوس قزح ) او للصنايعي اللي كل شوي يحاول يزبطلك الدربزين تبع بيت الدرج او الشبابيك وبعد فتره تلقا صوت الهوا والغبار من المقلقات اللي تعيشها..


ارجع واقول مرة اخرى انت صاحب الخيار ما بين انك تعيش في بيت احلامك اللي كلفك تصميمة مبلغ وقدرة ، وما بين بيت خرسان اسمه منزل الاحلام ومليء بالكوابيس اللي تكدر عليك صفوة حياتك في الايام اللي تعيشها .. في داخل منزلك

آسف على الإطالة لكن الأمانة العلمية والمهنية فرضت على ان احاول ان اغطي ولو بجزء بسيط الاشياء او المغالطات اللتي اراها ترتكب بحق هذه المهنة....

تقبلو تحياتي

اخوكم
المعماري بـدر بن مـحمد
طالب دراسات عليا( ماجستير + دكتوراة )
في التصميم المعماري والمنظومة الإنشائية
بجامعة سيدني بأستراليا

سلام عليكم اخوي
عملت مخطط ل 20 مبنى اقل مساحه كانت 400م ب 18000 الف والان وانصحك بمكتب الوبران بالدمام ومكتب المربع طريق الملك فهد . ابن خلدون سابقا مقابل مخطط 71/91

مكتب النمران الاستشاري ..بالخبر...خارطة فيلاتنا كلفة 14ألف ..6 شهور واحنا نعدل...والمريح جدا في قسم للسيدات مهندسة مصرية رائعة في الافكار ... ندخل انا وزوجي ونجلس معاها ...ونعدل ونزيد ونلغي وهي بالماوس تصلح ...وتروح معاي الموقع ...الى ان اصبح البيت عظم ...طبعا غير المهندس الانشائي ....علما بانها انشائي وتصميم داخلي
للاحاطة المكتب الان انفصلوا الشراكة...واصبح النمران مكتب ....والعجمي مكتب ...والمهندسة تابع للعجمي ..والله يعينكم على البناءووجع الراس...بالتوفيق

.م.بدر........
انا معك اخي الكريم اذا انت ناوي تبني فيلا بما قيمته مليون ونصف فرضا فيجب ان لا تبخل بالتصميم والذهاب الى مهندس غير مهندسين القص واللزق لان الذي تعتقد انك ستوفره ستدفع اضعافه بالتصليحات لبعض الاخطاء..
من خبره لنا فتره ونحن نزور بعض المكاتب منهم من يقول 6000 ومنهم 50000 مع فرق الخدمات بعضهم يسال بالتلفون كم غرفه تبين وكم صاله فقط بدون الاخذ بالعتبار لطلباتك انت ..
دخلت فلل وانا لست معماريه اكتشفت اخطاء شنيعه كيف لمعماري دارس ان يقوم بها وفلل اخرى المقاول قام يهد ويصلح على كيفه لانه اثناء التنفيذ اكتشف اخطاء فمره يصيب ومره يخطئ حتى انني دخلت فيلا عظم مكلفه صاحبها فوق المليون احدى الغرف بها بالزاويه مثلث داخل على جوه ولما سالت المقاول قال انا سديت لهم جدار وطلع هذا بالغلط بس بنسده بالديكور..
اللي تعلمته ان الخارطه الواحده يجلس عليها اكثر من مهندس ويتعب عليها وما يتبعها من اضافات انشائيه وغيرها وغيرها ...شئ متعب ..
انا ايضا لست مع المبالغه وماعندي مكتب هندسي ...بس اعطاء كل ذي حق حقه ...
والان حصلت مكتب بيسوي الخارطه ب 40000 مع اختيار 3 مناطقinterior design>>>for free..
دعواتي للجميع بالتوفيق بمكتب هندسي ثقه...

أنا من خلال تجربتي و تجربة المحيطين بي أنصحك بمكتب العوامي ومكتب القطري للإستشارات الهندسية بالدمام وأسعارهم تبدأ من 11000 إلى 40000 وممكن أعلى إذا بتبني قصر

فيه مكتب دار التصاميم الحديثة
للاستشارات الهندسية

م/ خالد ايوب
تلفون 8877933
الموقع الخبر

السلام عليكم ..
حياك الله اخوي ..
بصراحه ما بعد كلام المهندس بدر كلام .. ماشالله كفى وفى

والبنسبه المكاتب اللي اعرف ان تصميمهم كويس بالخبر ..مكتب المهندس طارق الحاج ومكتب الملحم ويحي النجار(اسم مكتبه الرائد) ومكتب حامد بن حمري

وفي مكاتب متخصصه في الاسكان ويكون عندهم مخططات مدروسه بس بامكانك تعدل عليها سواء في التصميم الداخلي او الخارجي وبكذا تكون الكلفه اقل وفي التصميم من الصفر بس تكاليفه بنظري كويسه مش نارمثل مكتب السديري للاسكان

وبالاخير كل ما كان التصميم متعوب عليه كل ما كان اغلى .. بس هذا ما يعني ان في مكاتب تجاريه واستغلاليه .. واكثرهم يكن نفس المخططات كوبي وبيس..


فربي يوفقك .. وهذا اللي يحضرني حاليا من مكاتب .. اذا بغيت ارقامهم انشالله اجيبلك اياهم ..

تحياتي للجميع

اطلعت على مشاركات الاخوان واعجبني تفاعلهم وطبعا انا سبق وكتبت موضوع عن التعامل مع المكاتب الهدسية وطريقة اختيارها بالسعوديه

http://www.almuhands.org/forum/showthread.php?t=103321


طبعا انا عملت وما زلت اعمل في مكتب هندسي ولي تعليقات على بعض المشاركات

طبعا عالميا حساب قيمة المشاريع ما فيه قيمه محدده او standards لمشروع بعينه او لنوعيه من المشاريع

يعني سافرنا لبريطانيا وايرلندا وماليزيا وزرنا مكاتب كبيره جدا

واجتمعنا كثير مع مكاتب عالميه يمكن اكثرها شهره واللي مرت في السعوديه هما مكتبي بيكتل و hok الامريكيين

وطريقة الحساب بالساعات
يعني قبل التعاقد تؤخذ معلومات المشروع واحتياجات المالك الاساسية وتقدر ساعات العمل ويقدم بعدها عرض للمالك

طبعا لكل مكتب سعر للساعه

يعني يقولون لك مشروع بيستغرق 80 ساعة عمل وقيمة الساعه س $ وتحسب بعدها المجموع

وهذي الطريقة العالميه المتعارف عليها

طبعا بالسعوديه وكما هو موجود بالرابط ما يعتمد على ساعات العمل ابدا
لكن يعتمد على نوع المشروع ومدته وحجمه واسم المالك ووو

وهناك عدة اسباب دخيله منها على سبيل المثال لا الحصر:
- حجم عمالة المكتب
- عمره بالسوق
- نقص المكاتب المميزه وغيرها

انا أؤيد بشده اني ادفع 100 او 200 الف للمعماري في سبيل تصميم فيلا
ولكن اذا تأكدت انه راح يخرجها بالشكل المطلوب واللي يحقق لي المقاصد الهندسية السليمه

على سبيل المثال :
شفت مره مخطط فيلا فيه اكثر من 52 باب وكان صاحبه مو عاجبه المخطط لاسباب اخرى
وقعدت احسب عدد الابواب وقيمتها لقيتها تكلف تقريبا 60 الف ريال تقريبا
يعني الابواب بس تكلف 10% من قيمة المنزل
وقلت له بكم صممته قال ب2500 ريال
اعدت التصميم واحتجت بس تقريبا 25 باب لكامل المنزل

وهذا اكبر دليل على ان سعر التصميم لا يعني شيئا مهما ارتفع مقابل اخراج مخطط هندسي مكتمل من النواحي الفنيه والابتكاريه والاجتماعية والبيئية والاقتصادية وغيرها



عموما المكاتب الكبيره الحين ترفض استقبال الفلل لانها مضيعة وقت بالنسبه لها .. وهذا يقلل الخيارات امام العملاء

تحياتي للجميع

اخوكم م. تركي ...
مهندس معماري
ماجستير تصميم عمراني
مالك ومدير عام مكتب هندسي

والله ياليت الاخوان والاخوات يعطوني رايهم بمكتب عبدالله باطيور بالنسبه للتصاميم و الاسعار لان اختي ناويه تتعامل معاهم

في من المكاتب الجيده والخاصة بالفلل في الخبر ولديها مشاريع جيده وباسعار جيده
مكتب الشرق الهندسي شارع 28
ومكتب إعمار الشرق الهندسي شارع 28
مكتب رؤيا للإستشارات الهندسية شارع الملك عبدالعزيز
مكتب rgs مقابل مجمع الراشد

مشاء الله كلام مهندس بدر
وضح نقاط كثيره لي وكذلك مهندس تركي

ومن تجربه لم نبخل اطلاقا في سعر
التصميم وهناك مثل معروف
((اشتر بدرهم وفصل بدرهمين))

التصميم عمليه فكريه بنائيه
تتطلب مهارات وقدرات فنيه وحسيه
عاليه قليل من يدرك قيمتها

واشجع الجميع للاتجاه لمكاتب هندسيه
فيها نخبه من الشباب السعودي الواعي
لانهم اقدر وافهم بظروف حياتنا
واسعارهم مناسبه

تحياتي

::: اتجاه لاستشارات الهندسة المعمارية ::: مهندسون معماريون :::

استشارات هندسية
خدمات هندسية متكاملة
تصميم داخلي
اشراف على التنفيذ



شارع الملك عبد العزيز, الخبر
صندوق البريد : 20846, الرمز البريدي : 31952
الهاتف : 8951313 03
الفاكس : 8951717 03