مشاهدة النسخة كاملة : ضيفة جديدة تتمنى العون؟؟؟؟؟


كنت يوما
12-13-2004, 01:38 PM
المهم انا ساكنة جديد المهم عندي غرفتي لونها (الحائط) وردي ايش تنصحوني اخذ لون الغرفة والمفرش ،والمشكلة الثانية هي مساحتها صغيرة شوي وابي تحددون الاشياء المهمة اللي لازم تكون في الغرفة مثلا الكبت ابغا استغني عنة واضع جلسة صغيرة وتلفزيون ، واشوف دائما في غرف النوم كرسي في اخر السرير هل هو مهم ؟تكفون ابغا افكار حلوة لها وللمكتبة حقت التلفزيون فيها ولون الستارة والتسريحةولون الموكيت(وحدة غشيمة) وعلى فكرة ترى زوجي واثق في ذوقي ومكلفني بهاي المهمة
فلااااااااااااااااااااااااااتفشلوني معاة؟؟؟؟؟؟؟؟؟؟؟؟؟؟
وكذلك اذا مافية كلفة بغيت صور لجلسات عربية فخمة ؟
والطلب الاخير صالة الحريم لونها اصفر قاتم وما ادري ايش احط الموكيت والجلسة والستائر؟هل ينفع نمري
تكفون ابي تجاوب لا اطيح من عين زوجي
ودمممممممممممممممممتم

خوش^^بنيه
12-13-2004, 03:00 PM
اهلين اختي حياج الله بين اخوانج
انا بقولج شغلات وان شاءالله تفيدج
اول شي بقولج احنا بالبيت حطيت صبغ الغرفه بنفسجي فاتح وطقم الكراسي اصفر والستاير بنفسجي
وطبعا الكوشنز اقصد المخدديات (المخدات الصغيره) اللي على الكراسي لونهم بنفسي عشان يكسر اللون الاصفر
والجبس مخلوط بين الاصفر والبنفسجي.
شرايج تعكسين اللون
يعني الصاله لونها اصفر خلي الطقم بنفسجي والستاير بنفسجيه والمخدات صفرا :)
النمر حلو بس لو انه مو بني اذا اسود ممكن ،،، بس مادري احسه شوي يبصير شاذ. لكن الاصفر والبنفسجي بيكون لون مختلف وتوليفه حلوه وطبعا القماش بنفسجي بس موديله يكون غريب يعني احنا حطينا طراز هندي شويه عشان يبرز الاثاث واللون.
مع اضاءه خافته يهبل (سبوت لايت) ؟

اما غرفة نومج ورديه امممممممممم ماقلتي غامق اللون والا فاتح
والكرسي اللي تقصدينه هذا لما الواحد يحب يدلع نفسه بدل مايستلقى على لفراش يريح شوي هناك تقرين كتاب جريده تتكلمين بالتلفون ترتبين شنطتج يعني هالشغلات بس اذا غرفتج صغيره مثل ماتقولين ما انصحج فيه. لانه بيضيق المكان زياده.

بس اجمالا اللون الوردي ماراح يركب معاه الا اللون البني او اذا تحبين اللون الزيتي لانه دارج هالفتره وايد.
ولو تبين جلسه صغيره وتلفزيون وخلافه والمساحه صغيره اعملي غرفة ملابس خاصه حطي فيها الخزانات.

بس سؤال دام ان غرفتج صغيره ليش اخترتي اللون الوردي ؟؟؟؟؟؟؟؟ اللون هذا بيصغرها زياده
لو خليتها بيج مثلا والاثاث امريكي بني وحطيتي الستاير والاضاءه كلها احمر بيكون عطاها مساحه وفخامه وحتى لو خليتيها اخضر غامق شوي يعني وسط مو كلش غامق صحيح راح يعطيها صغر شويه بس راح تختارين ستاير حمرا واثاث امريكي بيعطي شكل حلو لغرفتج.

على العموم الله يوفقج ويبارك لج في البيت وباهله:)

اختج
خوش

كنت يوما
12-13-2004, 09:56 PM
حبيبتي خوش بنية تسلمين
كفيتي ووفيتي 000000
واذا مافية كلفة ياليت تعرضين لي صورها ومشششششكورة

دانة البحرين
12-15-2004, 12:12 PM
ياهلا ومرحبااا بااختي الفاضله نورتي الدار..

شو رايج بهذا الصورة الغرفة ورديه ويناسبها اللون البنفسجي الفاتح
http://www.horchow*****/products/mp/HC-2504_mp.jpg

http://www.stodyhall.co.uk/media/bedd.jpg

http://www.poshtots*****/pt/_assets/designer_images/88_4640_PD1.jpg

لي عوده

دانة البحرين
12-15-2004, 09:24 PM
http://www.horchow*****/products/mn/HC-5096_mn.jpg

http://www.horchow*****/products/mn/HC-5992_mn.jpg

http://www.littleamerica*****/cheyenne/images/room_pink.jpg

http://www.infoniagara*****/bb/images/Niagara-Falls/always/always_single_pink.jpg

http://pink-heart.parfe.jp/bagp.jpg

ان شاء الله تاخذين من هذا الصور افكار حلوة لغرفتج..

دانة البحرين
12-15-2004, 10:26 PM
اما عن صالة الحريم لونها اصفر قاتم : اليك هذا الصور..

http://www.cuesta.edu/deptinfo/humdev/photos/diamondlivingroom.jpg

http://www.cuesta.edu/deptinfo/humdev/photos/formallivingroom.jpg

http://www.designfinder*****/filesafe/formupload/142_yellow_living_room.jpg

ان شاء الله هذا الصور تستفيدين منه.

العنان11
12-16-2004, 07:44 PM
يا اخت دانه من وين تجيبي هالشي الحلو ؟

دانة البحرين
12-16-2004, 08:14 PM
بارك الله فيك يااخي العناان..
ابحث بقدر المستطاع واحاول افيدكم..

تحياتي لك

كنت يوما
12-17-2004, 06:03 AM
صراحة عاجزة عن التعبير عن مدى شكري
ولاهي غريبة عليك لان كل مواضيعك قمة في الرقي والذوق
وتسلم يدينككككككك
وطلبي الاحير هل فية محلات اثاث بالبحرين او الشرقية حلو اثاثهم(زي اللي تعرضين) واسعارهم معقولة تكفين دليني عليها
والمحلات اللي تبيع ستائر زي ستائر سيدار دليني عليها لاني ماخذة شقة اجار وصعبة اتكلف واحنا نستعد نبني بيت جديد

دانة البحرين
12-17-2004, 09:22 PM
ياهلا ومرحباا بااختي الفاضله كلج ذوق..
واشكرج علي هذا الشهادة والثقه..

اما عن استفسارج لمحل الاثاث هناك محل جدا راقي بالشرقيه اسمه المنزل او هابي تات.
ومحل ثاني للاثاث هو بالستي بلازا هوم سنتر... عندهم شغلات حلوة جدا..
اما محل الستائر هذا عاد انتي وشطارتج.. تقدرين اتروحين علي القثمي للستائر عن طريق الدمام
اول اختاري شكل الستاره وبعدين تبحثين عن القماش..

واي خدمه انا موجوده ياعمري...
بخدمتج.

كنت يوما
12-18-2004, 11:09 AM
تسلمين ياذوق حتى اسلوبك راقي جدا المهم شي مهو جديد؟؟؟؟؟؟؟الكل يشهد
المهم انتي مافهمتيني انا اقصد الستائر اللي تسحب زي حقت المطابخ بس احلى عليها رسومات خيول او اطفال وهي في محل اسمة سيدار بالامارات مادري فهمتيني؟؟؟؟؟؟؟؟؟؟
ودمتي

دانة البحرين
12-18-2004, 01:09 PM
هلا وغلا بااختي..

نعم هناك محل للستائر باامارات بس للاسف مااعرف عنوانه..
واذا حصلت اي صور او معلومات راح افيدج فيه ياعمري..

دانة البحرين
12-18-2004, 01:14 PM
اضغطي هنااا (http://www.sedaremirates*****/contact/default.htm)

الحمد الله بعد البحث حصلت لج عنوان للسيدار..
ان شاء الله فيه الفائده ياعمري..
وشقة مباركة بإذن الله

بعيد المناوي
12-18-2004, 01:48 PM
مشكووووووره دانه على الصور الرائعه

تحياتي

دانة البحرين
12-18-2004, 10:25 PM
لا شكر علي واجب يامشرفنااا بعيد..

http://www.smiling-faces*****/smilies/cup-hot.gifhttp://www.smiling-faces*****/smilies/cup-hot.gifhttp://www.smiling-faces*****/smilies/cup-hot.gif

نمر بن عدوان
12-20-2004, 04:43 PM
والله ماقصرت مراقبتنا دانة البحرين في
الإجابة انشاالله تستفيدي منها اختي
الغاليه وتقبلوا خالص تحياتي