السلام عليكم

اخواني باذن الله راح ابني شقة بالسطح بمساحة تقريبا 150م
ابغى اعرف المواد اللي احتاجها واسعارها التقريبيه ل150 م

وهل راح اوفر مبلغ حلو لو خليت المقاول شغل يد بس

وش رايكم

اسعار المقاولين بالمواد من 350 الى 400

وبدون مواد من 110 الى 130

وين الردود الله يعافيكم

اخوي تبي راحة بالك
خله يجيب كل شي
والحكمه تقول
ذل قرشك ولا تذل نفسك
طبعا ان كنت غير متفرغ لذالك

استعن بالمقاول مصنعية فقط

حتى توفر في المصاريف بقدر 15 - 20%

كما انك تتأكد من جودة المواد


و الآن بحمد الله كل شيء يتحصل من خلال التلفون

حديد - بلك - اسمنت - رمل

و ادخل في العقد شرط على المقاول ترحيل المواد الي الموقع حتى تتخلص من كلفة النقل و البحث عن عمال

و اشترط ان يتكلف بعمال صب الدرج و الاعتاب

و بهذا تكسب الكثير دون جهد كبير

اخي سعر المتر بدون مواد غالي 110 الدورالثانيوالملاحق شغلها مايكلف المقاول كثر ابحث عن غيره ممكن تلقى تحت ال100 واما المواد ممكن تكون بحدود 280ريال للمتر الاتنسى انك تعمر ملحق اي ليود احمال عليه وممكن حديد 4ال5 تكفي وزياده

الله يعطيكم العافية

ايضا اريد اراء اكثر

رايي انك تاخذه بالعظم :

1- منها ترتاح
2- هو اعرف منك واسرع من ناحية توفير احتياجاته

وبالنسبة لجودة المواد فاشرط عليه الي تبي

الله يعافيكم مازلت ارغب بأراء ونصائح اكثر

بالنسبه لي اشتغلت البيت كل المواد اجيبها بنفسي..اولا الاسعار متفاوته قابله للزياده والنقصان ثانيا اضمن لك واريح لك انك تعرف مصدر المواد...العيب الوحيد فيها ان المقاول مابيحرص كثييير على المواد زي اذا كان هو اللي جايبها ولكن هذا لايمنع من ترجيح كفة ان تكون انت من ياتي بالمواد

تبي الراحه جيبه بالمواد
تبي توفير وتقليل المصاريف انت اللي وفّر المواد

الله يسهل عليك

مثل ما قالت مريم، تبي توفر من 15 إلى 20 % أنت تولى توريد المواد بنفسك، و للعلم التوريد الآن ليس قضية مع وجود وسائل إتصال كثيرة، و منها التحويل البنكي ع سبيل المثال.

و إذا حاب و مصر ع أن المقاول هو الي بيورد المواد، أنا أنصحك بالتفصيل بالعقد عن نوعية و أسم الشركات اللي يجب أن يورد منها المقاول من بلك، أسمنت، حديد، خرسانه و بلك هوردي و غيرة..

يعني لا تترك المجال مفتوح مع المقاول بدون تفصيل في مواصفات المواد، ترا الذمه واااسعه إلا ما رحم ربي.

تحياتي